ماهو الغذاء لتجنب الاسهال عند الكتين

[ماس]

حابه اعرف .. من الخبراء ..

ماهو الغذاء الافضل لتجنب الاسهال عند القطط الصغيره بعمر الشهر .. ؟

ماافضل غذاء نقدمه لها ؟

ومتى تبدأ الكتين باالأكل .. ؟

الكتين .. مااشوفها تتبرز .. وانتم بكرامه ..

مع العلم باقي لها خمس ايام وتكمل الشهر ماشاء الله .. هل هذا طبيعي ؟

والف شكر لكم مقدما ..

[مدرب نمور]

لا تأكلها دحين هيا لسه صغيره

خليها ترضع من امها بعد مايسير عمرها اكتر من شهرين

ابدأ اكلها جبنه لبن زبادى ... إلخ

[ماس]

مشكور مدرب نمور ..

[sisi_moon]

هـــــــــلا مآآآســـــــــوـو


ماهو الغذاء الافضل لتجنب الاسهال عند القطط الصغيره بعمر الشهر .. ؟

الدجاج المسلوق مع البطـاطس .. الدراي فود .. الزبادي والجبن قليلين الدسسـم ..

ماافضل غذاء نقدمه لها ؟

نفس الإجــابه السســابقه

بس حطي ببـالك ان الإسهال ممكن يجي من البــررد بعـد أو النوم الكثيــر على السيراميـك .. يعني مو بس من الأكل

ومتى تبدأ الكتين باالأكل .. ؟

بعمــر شهــر

الكتين .. مااشوفها تتبرز .. وانتم بكرامه ..

مع العلم باقي لها خمس ايام وتكمل الشهر ماشاء الله .. هل هذا طبيعي ؟

لا مو طبيــعي .. أكيد تتبرز بس انتي مـاتلاحظـين .. لان لو ماتتبـرز كـان الحيـن بطنهـا صاير قااسي ومنتفخ

[ماس]

يسلمووووووووو ... فديتك .. سيسي ..

اليو حطيت لبوسي دجاج مسلووق وجات ماسه بتاكل .. قلت خلني اشووف اول وش تنصحوني فيه ..

ادري انو البرد يضرها اجل وش خلاني انام للحين في غرفة التلفزيوون عشان خاطرهم

طبعا انا فارشه لهم السيراميك بس بعد يومين بشتري موكيت لغرفتي ان شاء الله ..

الحمد لله .. اهم شي انو مافيها شي ..

اشكرك قلبوووو ..

[آنـــــو]

ربيت آجيااااااال كثيررره

ونظامي معاهم كان واحد وماوجهت آي مشاكل الحمدلله

وهو دجاج مسلوق مفتت صغار مع موية السلق / سيريلاك بالقمح / خبز مع جبن آو جبنه لحالها قليلة الدسم

آو الدراي فود آبله بموية داااافيه حتى يذوب آو آفتته وأخلطه مع الدجاج ..

وطبعاً لآنهم باقي يرضعون بتكون الوجبات قليله يعني ماتكثرين لهم لآنهم مايعتمدون عليهم بشكل كااامل

الا أذا قربوا من إتمام الشهرين لآنهم يدخلون في مرحله الفطام ويجوعون آكثر ..


والأكل المعلب لاتعطينهم آبداً لو مجرد لقمه لآن بطنهم حساس ويحتاجون آكل نظيف

والمعلب يمكن يسبب لهم مشاكل معويه من بكتيريا وغيررره


السيراميك الباررد آو الجو المتقلب آو الجو البارد هذي آكبر مشكله والوحيده اللي واجهتني من قريب

ترتفع درجة حرارتهم ( مع آسهال ) آو يصيبهم عطاس .. فـ لازم تنتبهين حق هالنقطه بعد ..

والتبرز بتكون هالمرحله قرريب وخاصه لما تبدأين توكلينهم ..

[أصــاايــل]

حبووبه زي ماقالوا لك اللي قبل

لاكن شوفي الحين بللي لهم الدراي فود بالمويه الى مايذوب مره

ولحسيهم باصبعك وبياكلون وبيحبوونه

وعطيهم الجبن السايل او الجبن المثلث بس كميه قليله مررره
وراح ينهبلون ع الجبن

وحطي الجبن المثلث مع خبز توست ورطبيه بالموويه او حليب
وبعد هاذا يحبونه مرره

لاكن لاتزيدي بالكميه و كل يوم زيدي الكميه عشان بطنهم مايتحسس ويصير لهم شي

وقطاوتي ماوسخوا الا بعد شهر وكم يووم

صارت اشوف الوساخه حقتهم والحمد لله على طول تعلموا الرمل

وقبل الشهر كانوا يوسخون بس لحظه ماتنظفهم الام وهي تاكله على طوول

عشان كذا ماتشوفين شي تحتهم ..

[ماس]

مشكورين بس سويت بنصيحة سيسي ...

ومن الظهر الكتين بطنو منتفخ ..

هذي ثالث مرا اعطيها زيت زيتون ومافي فايده ..

ماادري ليش ربي مبتليني .. الحمد لله ع كل حال ..

[ماس]

لا مو طبيــعي .. أكيد تتبرز بس انتي مـاتلاحظـين .. لان لو ماتتبـرز كـان الحيـن بطنهـا صاير قااسي ومنتفخ





صار منتفخ سيسي .. مشكوره

[sisi_moon]

المشكله عندك بالكيتيـن مو بالأكل

قطـاوتي كلـــــــهم مطبقه معهم هالنظــام ووولا مــره صابهم عسر هضـم ولا امسساك .. سواء قطاوتي الي انولدوا عندي ولا الي شريتهم ..

وانتفاخ عن انتفـاخ يفرق .. انتفــاخ الإمسساك يكون البطن قاسي كثيــررر ومتحجـر .. وحتى الكيتين يبين عليه التعـب والإرهـاق وحتى مايصير يمشي ويجلس طبيـعي .. اما انتفـاخ لما القط او الكيتين يكون شبعـان مايكون البطن متحجـر والقط يكون طبيـعي ..

ووولا يعــقل يا أخت مـاس .. من أول وجبـه يصيب القطـو امسسساك شديد من الظهر للحين ..!!

الإمساك والإسهال الشديـــــــــد .. مو معقـوله يكون من وجبه وحده

لما تعطين قطوه حليب وهو معروف انه مليـن ومسهل .. راح تلاقين بعدها تبرزه ليـن .. لكن مو ســـــــااااايل أصفرر .!.

ونفس الحـال لما تعطيـنها معلبــات .. مو عـلى طول يصير اسهال شديد .. مع تكـرار وجبه المعلبـات يصير اسهال شديد ..