الى خبراء تحديد العمر .... كم عمر طيري كاكا ؟؟؟!! ..صور

[الاقحواني]

السلام عليكم

ارجو من الاخوان تحديد عمر طيري الكاسكو وأكون لهم من الشاكرين


وهذي صور له ......

[ابو محمــد]

والله الصوره كبيره وغير واضحه ,,

وشكل عظمه الصدر بااارزه عطه مضاد للدود,,

والعين بيضاء ع صفار اقل من السنه والنصف.

[الحكم]

على ما اعتقد العيون بيضاء
تقريبا عمره سنه وشهرين او ثلاث

[الاقحواني]

المشاركة الأصلية كتبت بواسطة ابو محمــد

والله الصوره كبيره وغير واضحه ,,

وشكل عظمه الصدر بااارزه عطه مضاد للدود,,

والعين بيضاء ع صفار اقل من السنه والنصف.

اي دود الله يسلمك يابو محمد ؟؟؟

وش دراك ؟؟ وشلون حكمت ان فيه دود ؟؟

وعلى فكرة الصور كلها من الجنب صورتها...


اشكركم على الردود ياخبرائنا ....

[$المزمار$]

صور في الشمس وبدون فلاش
لانها مو واضحه كذا

واسمع كلام ابو محمد خبره

[عبووووووودي]

آخوي يآليت صوره آلمكآنـ يكون منورـ ويكون آلتصوير بدونـ فلآش عشآن نعطيك عمرهـ بآلظبطـ

[حب استطلاع]

عمر الأفريقي يتحدد عن طريق العين
وأحياناً التصوير ما يظهر لك لون العين الحقيقي
يعني ممكن تكون رمادي فاتح في الواقع
وفي التصوير يظهر إن لونها أصفر
على العموم شوف هالنقاط وتقدر تحدد عمر طيرك بنفسك
* من عمر أسبوعين ( لما يبدأ الطير يفتح عيونه ) حتى عمر خمس شهور
اللون السائد هو الأسود
* وبدخوله عمر الست شهور يبدأ يتدرج اللون الأسود إلى الرمادي من الغامق وحتى الفاتح
حتى عمر سنة
* بعد كذا يبدأ بدرجات الأبيض من المموه وحتى الناصع بعمر سنتين
* بعد كذا يبدأ لون العين بالتدرج من الأصفر الفاتح وصولاً إلى الفاقع
وفي هذه المرحلة يصعب تحديد عمر الأفريقي بالضبط
ونقول بالعموم طيرك كبير

المشاركة الأصلية كتبت بواسطة الاقحواني

اي دود الله يسلمك يابو محمد ؟؟؟

وش دراك ؟؟ وشلون حكمت ان فيه دود ؟؟

وعلى فكرة الصور كلها من الجنب صورتها...


اشكركم على الردود ياخبرائنا ....

أخوي الدود ما يحتاج فحص مخبري علشان تكتشف طيرك مصاب فيه ولا لا
مجرد ما تشوف طيرك يأكل ( بنهم ) ولا هو باين عليه
دليل على وجود الديدان لأن الطير ما يستفيد من أكله
وثاني شي تكون عظمة الصدر بارزة وواضحه ما يغطيها اللحم
وتقدر تتأكد بفحص عظمة صدر طيرك
وعلاج طارد الديدان ما يحتاج الطير يكون مصاب بالدود
ممكن إعطاءه حتى لو الطير بكامل صحته
حتى تتفادى إصابته وظهوره فيما بعد
بالتوفيق لنا ولك

[ابو محمــد]

طيب انت حر .

[الاقحواني]

ماقصرتوا على النصائح ....
طيب وش اسم دواء الطارد للديدان ....

واشكرك يابو محمد على النصيحة ولكني تفاجأت وحبيت أكسب منك خبرة لمعرفتك بأن طيري فيه ديدان
من نظرة بسيطة ماشاء الله عليك ...

واشكرك حب استطلاع على المعلومات معناة كلامك اني طيري كبير مرة والا شوي ؟؟؟؟!!!!

[ابو محمــد]

ادخل ع مجموعه الرمادي وادخل في قسم العياده البيطريه وراح تستفيد انشاء الله.