ـأسـتـفـسـأر / شوركم يالربع

[الأسد الملك]

السـلآم عـلـيكم ورحمة الله وبركاتهـ

اعزائي مابي اطول عليكم

انا قبل مدهـ شرية ببغاء

بس للأسف موب مروض ولا شي

قالي واحد من العيال ان فيه محل يروض الطيور بالرياض طبعاً

فمادري تنصحوني اوديه لهم يروضونهـ ولا لا

وفيه واحد قالي لا توديه لانه بيرجع الطير بعد فتره يعضك

بصراحه انا عجزت معه ماقدرت اروضه ابد ابد ابد

يالله تعطوني رايكم اوديه ولا مااوديه .. ؟

[مجنون فلته]

السلام عليكم

انا مانصحك توديه

لأن الطير موبس ترويض يبي له لازم يتعود عليك وتبيني بينك وبينه مثل الصداقه والألفه
دربه انت واذا ماتقدر تدربه خله يـتأقلم معاك ومع الأيام الطير راح يحبك
بس بعد فتره طويله

انت الحين اذا مومستعجل يوميا اقعد صوبه ربع ساعه سولف معاه عطه فول سوداني بيدك

الفول السوداني لاتخليه بالأكل ماله عوده انك تعطيهياه بيدك

وخله دائما بالقفص وانت الي طلعه من القفص لاتخلي غيرك


الله يعزك ويعز القارئ شفت الكلب الي اهو الكلب من يدربه ويعتني فيه المحلات ولا راعيه ؟؟؟؟

لازم تكون محب لطيرك وتعتني فيه وتكون معاه صداقه وحسس الطير دلعه تكلم معاه

حتى لو يجعر ماعليك منه عوده على كلمات تنفي الأشياء الي ماتبيه يسويها

وان شاء الله خير

[الأسد الملك]

جلست معه وقابلتهـ بس ماش

مهوب راضي يسكت ولا هو راضي يتروض

ولا حتى يمديني احط له الاكل على طول يجعر

يعني بثر بقوهـ

مشكور خيو على المرور والافادهـ

[عاشقة الطيور]

وعليكم السلام ورحمة الله وبركاته

اخوي شكثر هذي المده .. وجم عمر ببغائك .. واذا ممكن صور واضحه لعيون الببغاء

[طير جديد]

اخوي انا انصحك وده المحل الي يروض
بس اعرف كيف بيروضه واجلس يمه اغلب مدة الترويض علشان
1- يتعود عليك الطير
2- تضمن انه روضه لك لان بعض المحلات فيها غش

والله يوفقك اخووووووووووووووووووووووووووووووي

[كاسكـــو]

مايبي لها شي

طلع الببغاء بواسطه منشفه

وحطه بحضنك وامسح عليه بأستمرار

صدقني مع الوقت راح يتحسن وانا اشوف انك تسويها فيها نوع من المتعه

[أم كوكو]

حسب خبرتي البسيطه

اتركه عندك بالبيت وكل يوم اقعد معه

كان عندي طير ونفس الحاله نخاف نطلعه من القفص

اي شي يتقرب منه يحاول يعضه يقطعه ههههه شرير

بس مع الشهور تأقلم وبالعكس كان يحب نلعب معه


وبعد هالشهور صرنا نطلعه من القفص ويتشمى شوي شوي


يعني المسألة يبي لها صبرررررررررر شهور

وبعدين انت كيف تضمن المحل ممكن يبدل الطير ؟؟

[الأسد الملك]

عاشقة الطيور

مشكورهـ خيتو على الافادهـ

بنسبه لسوالك كم له عندي تقريباً ثلاث شهور وكم عمرهـ قالي واحد من العيال تسع شهور على الثمانيه

والصوره للأسف الحين ماعندي كمرهـ

- - - - - - - - - - - - - - - - - - - - - - -

طير جديد

الله يعطيك العافيه يالغلا على الافادهـ

لكن وين اجلس عندهم قالي يحتاج وقت تقريباً خمس ايام او ست ايام

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

كاسكو

مشكوور يالغلا على المرور والافادهـ

بس مشكله هو اقولك متهور يعض ومايبي احد يقرب للقفص حتى ويجعر

ويفدع في نفسه اذا احد قرب القفص

والله طفشني وصوته بثر بقووه

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

أم كوكو

مشكورهـ على المرور والافادهـ

وجوابي نفس على جواب الاخ كاسكو

مايبي احد يقربلهـ واعتقد هذي فتره كافيه 3 شهور موب بسيطه

قهرني بصراحه اسويبه مااسويبه كله واحد

بالنسبه لسوالك كيف اضمن

هو اصلا اهم شي يعطوني طير مروض مايهم هو طيري ولا موب طيري بصراحه زهقني طفشني