اشتريت طير جديد

[أم كوكو]

مرحبااا اخواني

جيت اخذ المشوره منكم


بعد ماتوفى طيري التمنه فكرت اخذ واحد افريقي

البارحه شريت لي قالي المحل عمره سنه


واليوم الظهر حممته

المشكله ما ياكل ولا يشرب مثل اللي قبل قلت يمكن خايف بعده ماتعود علينا

ولا يطلع اصوات الا نادر

مع اني شريت 2 من الدره وماشاءالله حركيين مشاغبين


ع العموم مشكلتي مع الرمادي بعد ماحممته شوفو كيف شكله

كأنه طالع له جلد مادري الصراحه


هل هو مريض








وايضا سؤال اخر هل يستحب بان احممه كل يوم ؟؟

[ابو محمــد]

البارحه شريت لي قالي المحل عمره سنه

الف الف مبروك

كود PHP:

المشكله ما ياكل ولا يشرب مثل اللي قبل قلت يمكن خايف بعده ماتعود علينا 


الخوف ماله شغل الطير اذا جاع ياكل

كود PHP:

ع العموم مشكلتي مع الرمادي بعد ماحممته شوفو كيف شكله 


طبيعي مجرد ما ينشف الماء راح بختفي

كود PHP:

وايضا سؤال اخر هل يستحب بان احممه كل يوم ؟؟ 


يوميا ما انصح حتى لا يمرض يعني فالسبوع مرتين يكون افضل.

اتمنى اكون افدتك.

[كاسكـــو]

مايأكل ولا يشرب

هو في الغالب لن يأكل او يشرب اذا كان احد حوله بسبب انه جديد

لكن مع الوقت تتحسن الامور

ومنظر الطير بعد الاستحمام طبيعي كل الطيور كذا

ولا انصحك بألاستحمام يومياً بالاسبوع مره او مرتين يكفي

[أم كوكو]

شكررررررررررا لكم على الافاده

[أم كوكو]

صح تذكرت


هل عادي اشربه عصير ؟؟

واعطيه حلويات ؟؟ وشبس؟؟

تعرفون الاطفال يعطونهم هالاكلات


وايضا القفص له استاندين

فوق وتحت


واشوفه مايتحرك او ينزل لتحت وياكل ويشرب

الا اذا اخذناه الاكل لفوق عنده وبصعوبه هههههههه


يخرب بيت المستحى

[طير جديد]

الصراحة والله يخوف شكله
شكله اثر نتف
والله اعلم

[أم كوكو]

المشاركة الأصلية كتبت بواسطة طير جديد

الصراحة والله يخوف شكله
شكله اثر نتف
والله اعلم

يمكن مثل ماقالو الاخوان

بسبب الماء

لانه الحين بعد ان جف شكله رجع طبيعي

[أبو شنب]

والله يا اختي ماقد شفت احد قد تكلم عن موضوع انه ياكله شبس وعصيرات ههههههههههه\
اما سالفه انه ما يتحرك ترى طبيعي مع الزمن يتعود ويسير ما يقعد وتقولين ليته ما يتحرك ههههههههه

[أم كوكو]

المشاركة الأصلية كتبت بواسطة أبو شنب

والله يا اختي ماقد شفت احد قد تكلم عن موضوع انه ياكله شبس وعصيرات ههههههههههه\
اما سالفه انه ما يتحرك ترى طبيعي مع الزمن يتعود ويسير ما يقعد وتقولين ليته ما يتحرك ههههههههه

عارفه حتى انا لم ارى مثل هذه المواضيع

بس المشكله بالصغار بالبيت لازم يعطونه عصير وشبس وبسكويت

ههههههههههه يشاركونه الاكل

فـ ما ادري هل هذا يأثر على الطير او لا

[كاسكوكيه]

لا تخاف بيرجع طبيعي يوم بينشف