●ْ [ مـــا سـبـبـ إخـتــياركــ لــحــيــوانـ الــقــطـ..؟ ] ْ●

[Luis]

بسم الله الرحمن الرحيم


الــســلامـ عـلــيــكــمـ و رحــمــة اللـهـ

اليوم طقت براسي فكرة خفيفة..

ألا وهي أن كل واحد منا يذكر سبب اختياره لحيوان القط لتربيته..

وكذلك يذكر سبب اختياره نوع القط..ان كان شيرازي..أو سيامي..أو بلدي..أو غيره..

وأنا حبدأ...سبب اختياري اني يوم كنت صغير>>بيذكر سيرته الذاتيه..

لقيت مجموعة قطط صغيرة بالشارع قدام بيت من بيوت حارتنا..

ما أدري كيف وصلوا هناك..جلست اطالعهم وانا أشفق عليهم..

فقامو بعض ربعي..كل واحد اختار له وحده بيوديها بيتهم..فما تم

في الأخير غير وحده لونها زيتي....فقلت يللا نروح البيت..

أخذتها وكنت يومها ما أعرف شي عن أكلها الصحي..و وش اللي

لازم أسويه لها عشان تظل بصحه كويسه..فشربتها حليب بوني

وأخذناها أنا واخوي الكبير ورا الحوش..وقالي انه واحد من ربعه قال له

مرة>> مطول....قال له عط القطط ماي وسكر وتشوفهم يتعودون عليك..

فأنا مثل ما قلت لكم ما أدري وش اللي كان صحي والغير صحي لها..

فبعد ماعطيناها شفناها تمشي ورانا..وانا بس شفتها تلحقني..خقيييت..

حبيت القطط بجنوووون..بعدها ونفس اليوم تقريبا..أخذها الوالد وأبعدها عني..

وأنا ماسكيني أهلي وبطول حلقي و صوتي أصايح....لاااا جيبها تكفى..

ومن يومها وأنا حاط فبالي أجيب قطط..وقبل سنتين قدرت أجيب كم قطه..

بس صارت مشكله واحنا مسافرين..وقال ابوي لااااازم تصرفهم بأسرع وقت..

وصرفتهم...وقبل اسبوعين من الحين..قدرت اجيب ميلودي..وأقنعته فيها ورضى

كذلك من أسباب اختياري للقطط..أنهم مايحتاجون ترويض أو تدريب..

بخلاف الطيور..والهمسترات وغيرها اللي تحتاج وقت حتى تتعود عليك..


وألحين..النوع وسبب الاختيار:

نوعها شيرازي مون فيس..شعرها وسط نوعاً ما..واختياري لها أن القط اللي قبل سنتين

كان نفس نوعها..فلما بعته بوقت مبكر تحسفت عليه.. .. ولما شفت ميلودي بالنت

معروضه للبيع..كنت اخترت قبلها هيمالايا..بعدها ما توفر المبلغ كامل..فاخترتها هي..

لأني شفت صاحبها عرضها فيديو علي وقلت له خلاص ابغاها..


وألحين نبغى تفاعلكم معنا..

[عاشقة الفراشات]

أمممم

أنا كنت مررررررررة أحب الحيوانات وخصوصا القطط وخالي كاان يربي قطط كماان

فكنت مغرمة بهذا الحيواان وفجأة وفي يوم من الأياام


أخوووي أحلى أخ في الدنيا جابلي هيا وهو جابلي كل قططي لانا+ريمي

أما القطة الثالثة فكنت متبنيتها

وبس

وهم هيمالاياا

وأما الثالثة مدررري

[Luis]

شكراً عالتفاعل أختي عاشقه..

وماشاء الله باين عايلتك تحب القطط..

ألف شكر لك مرة أخرى..

تحياتي,,

[عاشقة الفراشات]

العفوووو

لا بس احنا وخاالي

[Luis]

الله يخليهم لك يارب ويحفظهم..

يالله يا أعضائنا وين ردودكم..

[ga.6.wa]

الحين دووري ^^

اممم انا اختررت القطوة ك حيوان اليف وصديق مفضل ^^

لانه نفس الشي يوم كنت صغيرة كانت في قطوة هربانة من بيت من البيوت المهم وحملت وربت في بيتنا

جابت اي ثنك 5 وكلت واحد وصارو 4 وفي هاذيك الايام ماكنت اعرف شي بس كنت احب شكلهم ب س كنت اخاف منهم لاني صغيرة خخخ

وبعدين عدها تقريبا ب 5 سنوات نفس الشي قطوة ربت في بيتنا بعد ماانتقلنا بيت ثاني

وجابت 4 وماكلت ولا واحد خخخ

وكنت يعني كبيرة وافهم في الحيوانات وبعدين خلاص تعودت عليهم وكبروو وحبيييتهم

وبعد لانه القطوة احس يعني تفهم الواحد يوم معصب وتعرف الي يحبها والي مايحبها ودلوووووعة خخخ

ولانه فيها شعر خخخخ

وبس

[عاشق fluffy]

موضوع مميز وحلو مره


المهم


مره من المرات لقيت بسه بالشارع نوعها تركي انقورا

وكانت توها هاربه شكلها باين

وبعد الابحاث الطويله لقيت انها بسة صديقي بالمدرسه


وكان لي معها تقريبا 3 اسابيع


اتعلقت فيها مووووووووووووت


وأهتميت بيها


وبالاخير رجعت لصاحبها


^^فلم هندي : - )

وزعلت والله زعلااااااااااااان الى الان

قلت ليه ما اشتري واخذ وحده على ذوقي بعد



بعدين جونا 2 اشتراهم ابويا العزيز <<<< مصلحهههه : - )


فلافي وبست اختي بيتشو


ونوعهم تايقر


^^السبب

لانهم شعرهم تدرجاته حلللللوه بني فاتح متدرررررررج الى البني الغامق


عجبوني



وبس

[amal117]

لأنهم حلوات ودلوعات وايننوووووووون

ومن كنت صغيره ابي قطوه وبيتنا مو ماعطيني فيس فـ حبيتهم أكثر


يعطيك العافيه ع الموضوع الحلو

[محمد احمد حسين]

بسم الله الرحمن الرحيم


موضوع جميل واسمحوا لي ان احكي لكم:

عندما كنت صغيرا كنت احب الكلاب جدا وكنت اتمني تربية كلب ولكن لم يقدر الله ذلك وعندما كبرت وعلمت ان تربية الكلاب لها شروط وضوابط شرعية يجب الاخذ بها حمدت الله اني لم اربي كلبا.

وصراحتا لم اكن احب القطط ولكن بدأ الموضوع عندما دخلت علينا خالتي ومعها قط صغير رومي وبدأت باللعب معه وكان يستجيب فأحببت القطط ولكن خالتي اخذته عندها فقررت ان اربي قطا وفي يوم تالي وجد خالي قطا سياميا في الشارع هارب فأتي به وعندما ربيناه في بيتنا وجدته ذكيا جدا ولكن للاسف هرب


ثم اتيت بقطة سيامي صغيرة وعشت معنا 5 ايام ولكن ماتت


وانا الان عندي قطة سيامي ايضا ولكنها كبيرة في سن الزواج وانا الان ابحث لها عن زوج


اعتذر عن الاطالة ولكن احببتت ان اشارك معكم

[Luis]

أهلاً أختي قطوة..

بصراحة عندي اهل كلهم يقولون كذا..(نحبهم بس من بعيد)

اجل دام تخافون تقربون يمهم أو تلمسونهم..جقايل تحبونهم..

وانا معك بكل اللي قلتيه....شكرا لمشاركتك المميزة..


عاشق فلافي..

فعلاً صعبة لما تربي قطة عندك حتى لو اقل من اسبوع..

يجيك صاحبها وتروح بسهولة من يدك..

مع انه هذا الأصلح لها .. أنها ترجع لصاحبها..لكن قصدي..

التعلق بالقطط عذاااااب....ومثل ما قلت فلم هندي..

يسلمو عالمرور..


حياكِ أختي أمل..

فعلاً وهذا من الاسباب اللي تجلب المربين لهذا المخلوق الجميل..

دلع...وحلاوة...وشقاوة...وشكل كيووت...مرة صفات حلوة فيهم..

تشكري عالمرور الكريم..


أهلاً أخي محمد أحمد..

انا ايضاً كنت أحب الكلاب...لكن مافكرت إني أجيب واحد للبيت..

وقصتك مع القطط عجيبه....من تجيب واحد يموت عليك..

بس الحمد لله.. الله وفقك بشراء هذي القطه..


لكم خالص تحياتي..وتمنياتي للجميع بالنجاح بعد هالاختبارات..