أطول مده عاشها ببغاء أمتلكته ؟ ( دعوه للنقاش )

[علي بن عبدالله]

بسم الله الرحمن الرحيم ..

أخواني هذا موضوع مهم جداً .. لدرجه أنك من المحتمل تسأل عنه يوم القيامه !

لاحظت في كثير من مقتنيين الببغاء بشكل عام ( ابتعدت عن التعميم ) .. لكن اصر على ( الكثير )

موت طيورهم و هم في عمر الزهور .. سنتين ثلاث سنوات حتى لو عشر سنوات .. بعده في شبابه

الببغاوات تعيش حتى 80 سنه .. اي مايقارب عمر الانسان .. عشر سنوات بعده في شبابه بالنسبه لطير ..

و هذا أمر لا يستهان فيه .. لأن يمكن القصور منك أنت يا صاحب الطائر !

في هالحاله راح يحاسبك الله .. الله يجعل مثوانا الجنه جميعاً ..

ممكن يقول البعض هذي مشيئة الله .. أنا ماراح اعترض و صحيح كلامه .. لكن انت يالبنى ادم لك يد

في هذا الامر .. و ان شاء الله من خلال هذا الموضوع راح نناقش القضيه من عدة نواحي ..

و نلقى الحلول

عشان نعيش و تعيش طيورنا بطمئنينا و رضا ..

بسم الله نبدأ .. ما أسباب موت طائرك ؟

عوامل نفسيه ؟

عوامل بيئيه ؟

قسوة البعض في الترويض ( و اهمها التجويع )؟

الاهمال في النظافه ؟

عدم فحص الطائر بشكل دوري عند طبيب بيطري ؟

( هذي نقطه مهمه جداً .. الله منّ على الطائر في بيئته الطبيعيه بالجو اللي يناسبه .. فتربيته في البيوت الانسانيه تعتبر بيئه صناعيه بالنسبه له و تعتبر مناعة الطيور اقل من مناعة الانسان بكثير

في تأثرات تحدث للانسان لكنه مايتأثر فيها بسرعة تأثر الطائر بها مثل دخان السجائر و الطبخ و البخور او العطور بجميع انواعها )

هناك عدة تساؤلات .. اتركها للمهتمين بصحة طيورهم .. أنا خبرتي في الطيور بسيطه لكن محبتي لهم لا توصف ..

و هذا اللي اجبرني أني اطرح الموضوع .. و المجلس مفتوح للكل نساء و رجال << أول اختلاط

في الاخير اهديكم هالمقاطع

أمازون .. توفى عن عمر يناهز الـ 75 سنه

http://www.youtube.com/watch?v=yesGq2Gm8w4


ديكستا .. ببغاء أمازوني من نوع بلو فرونتد .. و يبلغ من العمر 40 سنه



http://www.youtube.com/watch?v=t1xDOAeQ42c


زاك .. مكاو و يبلغ من العمر 31

http://www.youtube.com/watch?v=EDTw4QhKe5g

البقيه لكم

[سور الذكريات]

الف شكر لهذه اللفته الانسانيه

ومن لا يرحم لا يرحمه الله

صج كلنا محاسبين

والله كلامك في الصميم


وكوني توني شريت ببغاء اتمنى يكون عمره طويل وربنا ما يحاسبني بسببه


اصدق الود

[هاوي مزاجي]

الله يعطيك العافيه
وماقصرت
اما بخصوص اطول طير قعد عندي هو كاسكو تقريبا 9 سنوات
ومرض ومات
والكلام هذا قبل 8 سنين تقريبا ماني ذاكر شنو كان المرض
بس اذكر اني عالجته ومافي فايده
وبخصوص الطيور اللي شفتها بالرابط طولت حيل حتى مبين من اشكالها كبيره
بس ياخوك انت لو تروح اوروبا راح تشوف حتى البشر عندهم يعمرون تلقا العجوز ولا الشاب اكبر من شيبانه
ومافيهم الا العافيه ويلعبون رياضه بعد
اما حنا مافيهم شده يتحركون اصلا
اتوقع الجو والطبيعه والاكل الطازج يعمر البشر عندهم فما بالك بالحيوانات ككل
وبعدين هم يربون الطير ولا الحيوان كواحد من عيالهم اصلا لو يهمله تحاكمه الدوله وتصادره منه
انا مره سالت امريكي قلتله عندك عيال قال لا عندي كلب اعزكم الله
فاقولك المعامله كواحد من الاولاد والجو الطبيعي اتوقع هو السبب
اما حنا بشر ومانسلم تنك وحساسيه وتغيير جو والله المستعان
والله يعين ان شاء الله
واسمحولي عالاطاله
وسلامتكم

[لولو الصغيره]

ما أسباب موت طائرك ؟


السبب انه سبحتها ورشيتها بالماي على راسها وجسمها كامل وبعد ذالك عرضتها للهواه اصلن انا سبحتها برع في الحوش وقلت في خاطري ما بدخلها داخل الا يوم تنشف بس ابد ما كنت اقصد انه أذيها

وماتت اليوم لها ثاني يوم من وفاتها الله يرحمها ويسامحني لين الحين حزنانه عليها ومتلومه


يسلموو ع الموضووع


يعطيك العافيه

[أبو ريـــــــــــــان]

الموضوع مكرر