اللي صار اليـ ـ ـ ـ ـ ـوم عمري ماراح انسـ ـ ـ ـ ـاه

[كيوووت]

اللي صار اليوم عمري ماراح انساه
الحمدلله ياربي
بيانكا ولدت اليوم .. الساعه 9 تقريباً الليل بدى الطلق عندها

طبعاً انا كنت مجهزه لها كرتونه وفيها فوط وحاطتها بغرفه

بس بيانكا اختارت مكان ثاني "الصاله اللي كنا جالسين فيها" والله كان مره ازعاج وقلق
مدري اشلون اختارت هالمكان انا توقعت عالاقل اذا مابتروح للكرتونه بتختار مكان هادي و منعزل
بس وحنا نطالع التي في لا واخواني حاطين مباره الاتحاد و ازعااااج و صراخ وحماس
هي كانت نايمه وماتوقعنا ابد ولادتها وشوي الا وتقوم و تدور تدور انا عرفت ان فيها شئ مو طبيعي
يوم اطل عليها الا وراس البيبي طلع

طبعاً صارت حالة استنفار بالبيت واخواني خلوا المباراه و حاله هههههههه
رحت ركض وجبت الكرتونه ومامداني وصلت الا خرج البيبي

على طول نقلتها هي واياه بالكرتونه

وبدت ياحيااااتي معاناتها

بس الحمدلله طلع البيبي الثاني بسهوله

اما الثالث ياالله كيف تعبت طولت مره وهي تنازع لييين طلع بس ماكان طبيعي ابد
سبحان الله جسمه طويل وبدون شعر ومره نحيف و وجهه على قولة اخوي مشوه انا ماقدرت اشوفه
بس حزنتني هي مررره كسرت خاطري طبعاً هو نزل ميت وجلست تنظف فيه تركت الباقين وراحت له تنظف وتلحس و قطعت الحبل السري وترجع تلحس وتناظرني كأنها تقول لالا بيعيش والله جلست ابكي على منظرها ونبي نشيله منها عشان لاتكتئب بس مو قادرين اذا اخوي مد يده تناظر فيه وتماوي ماتبيه ياخذه والله ماقدرنا نبعده الا لما بدت بولاده الرابع و انشغلت

والحمدلله الرابع كانت ولادته هينه وماشاءالله عليها هي سوت كل شئ قطعت الحبل السري و شالت الكيس

بس بعدها خلااااص هلكت مره مره والله خوفتني عليها
انسدحت وجالسه ترجف بسررررعه وعيونها على فوق
انا خلاص انهرت جالسه اصيح والوم نفسي اني خليتها تتزوج من الأساس وجالسه ادعي اقول مابي شئ ياربي خذ ارواحهم الصغار بس خل بيانكااا والله لو يصير فيها شئ مدري وين اروح

المهم وهي بهالحال اطل عليها الا والخامس طلع نصه وكانت رجوله اللي براا
وهي مو قادره تسوي شئ هلكاااانه ومنسدحه وطبعاً محسوبتكم تبكي << وش عندك غير البكى انتي
والمشكله اسمع صوته الخامس وكأنه جالس يشرق او شئ

قمت والله ومدري وشلون جتني هالشجاعه غليت ماي وعقمت فيه مقص ولبست القفازات
وتطوع اخوي "بأول متوسط" يساعدني وقلت له اسمع انا بمسك بيانكا و انت ابيك تمسك البيبي وتسحبه لبرا بشويش
فبدى ومسك البيبي وجالس يسحبه وبيانكا ياقلبي عليها مافيها حيل حتى تفتح عيونها
سحبه وطلع الحمدلله واخذت المقص وقصيت الحبل السري و حطيته بحضن امه

يوم شمت ريحته قامت وجلست تنظفه يالله فرحت من قلب حسيت اني سويت شئ مهم بحياتي هههههه
لا تستغربون فرحتي لأني انا من النوع اللي ادوخ اذا شفت قطره دم مو دوخه عاديه لا اغماااااء
فحاسه اللي سويته اليوم انجاز كبير بالنسبه لي هههههه
بس بيني وبينكم مسويه قويه قدام اهلي بعد ماخلصت قلت لهم نسيت شئ ضرووري واركض عالغرفه جلست ربع ساعه وجيتهم مادروا اني رحت ادوخ وارجع هههههه

المهم والله كانت تجربه صعبه واصعب شئ فيها اني جالسه اطالع قطوتي تعاني و تتألم
بس الحمدلله ربي سهل الأمور

في البدايه كان واحد بس اللي يرضع "اكبرهم حجم ماشالله" والباقي ضايعين بس شلتهم ودليتهم على صدرها والحين تمام بس ثاني واحد مرررره حجمه صغير غير عن اخوانه ومايعطونه فرصه يرضع فقمت وصرت ابدل بينه وبين الكبير والحين الحمدلله كله تمام

بس فيه مشكله صغيره
البيبي الخامس فيه صوت يطلع من صدره كأنه يشرق
ياليت نصايحكم وش اسوي معاه ؟

ومشكووورييين والله كل اللي دعوا لبيانكا انها تولد بالسلامه ^_^

[رعوود]

اختي كيوووت

والله قصة حماس

لوووووووووووووووولز

قاعد اتخيل اشكالكم بهالموقف

والصاله والحوسه

احسها زي غريس اناتومي لما انقلبت سيارات الاسعاف

خخخخخخخخخخخخخخخ

الف مبروك على ولادتها

وان شاء الله ترجع صحتها كويسه

ويكبرون الصغار وتفرحين فيهم

بس انتبهي عالبيبي الصغير

خليه يرضع كويس

لانه صارتلي قبل وكانت انثى صغنونة مع ذكور

وماتت الانثى الصغيره ما كانو يخلوها ترضع

والباقين مو مقصرين وياك بالنسبة لسؤالك الاخير

[lady_cat]

مبروك خيتو و حمدالله ع سلامة بيانكا و عيالها و يارب يحفظهم كلهم ان شاء الله

بالنسبه للخامس اكيد الوضعيه الي انولد فيها اثرت عليه و اتعبته ومش عارفه اذا ضل سوايل بداخله والا لا
اذا تتعاملي مع بيطري كويس اتصلي عليه و اشرحيله حالته و ان شاء الله يكون شي طبيعي و طالما يرضع هذا شي يبشر بالخير

[josy]

قطتي اول ولادة الها جابت واحد متل الي انتي تقولي انه ميت وبدون شعر وجسمه طويل

واخدته دفنته

انتي ديري بالك عليهم ومافيهم الا العافية

[آنـــــو]

مبروووك والحمدلله على سلامتها أولاً

وعارفه شكثر صعب مرره تشوفين قطوتك تتألم وتحسين أنتي السبب وتتمنين في أولادها ولا فيها ..

وياحياتي هي مسكينه تعبت حيل ،، غالباً أول ولاده كذا صعبه وتواجها مشاكل مهما كان عمرها

البيبي اللي تقولين مو مكتمل .. صار هالشي مع قطوتي تعسرت حيل

وجابت 5 مو مكتملين شي مقزز أستغفر الله ..

واللي طلع من رجوله ماشاءالله عليك زين زين ماتأخرتي

لأن برضو هالشي صار لقطوه عندي طلع من رجوله ومرره خفت وترددت أسحبه

ولما سحبته كان أزرق وميت تأخررت عليه ..


والبيبي الخامس الله أعلم دخل بصدره سوائل لو كذا ممكن تضره وتسبب له التهاب رئوي

كلمي البيطري وقولي له شـ اللي صار بالضبط حتى يعلمك وش تسوين ..

وأن شاءالله خير

[lola]

الحمد الله على السلامه و يخلي اولادها لها

الف الف مبروووووووووووووووك ^^

لا تنسي الصور << هادا الي يهمها

يسلموو على القصه يبغالها فيلم اكشن <<<

[أم صوفي]

مبرووكـ

الحمدالله ع سلامتها

[طروقو]

مبروووووووووووووووووووووووووووووووووووووووووووووووووووووووووووووووووووووووووووووووووووووووك

الف الف الف الف مبروك

ياربي والله فرحت لك مدري ليش كنها حقتي بس عشان انتي احسك تحبين قطاوتك بقوه

يالله يتربون بعزك

ولاتنسين الصور

بس بيانكا هي الهيمالايا التشوكلت مون فيس الي فتوقيعك

وانت زوجتيها مع ايش ؟؟

[pinky]

يؤيؤ .. } ~

قصصصصم باللللله حمـآآآآآآآآآآآآآآآآآآآآآآآسس ..
عـآد أهم شششي المـبآآرآآأآأآأآأأآأأأأاااااآآآآأه .. لوووول ...^^

الحمد الله ع سلامــتهم .. ووربي أنآآآ مووقف زي كيذآآ مأأ أعرف أأتصرف أأبد .. !!
مشااآآأأااآآأأء الله عليييك ..
المهم قلبوو ..

كيف الثاني مدري الثآآلث الي تقووليـ ن ... مشوووه !! }{ }{

يا قلبي طمــنيينـآآ علييـه ..

وآآآلله يقووومهمـ كللهـم بـآآلسلـآآمه ...

بـآيو ..

[نسمة عبوود]

قصه تجنن وما شاء الله عليك عرفتي تتصرفي في الخامس

ومرررره صعب تشوفي قطوتك تتألم وأنتي مو عارفه تسوي شيء بس الحمدلله انها ولدت بالسلامه وان شاء الله يكبروا وتشوفي عيال عيالهم

ولا تنسي الصور

وان شاء الله تتحسن صحتهم كلللهم