اشترك في نشرتنا البريدية ليصلك كل جديد

مرجانة · 18-10-2007, 01:46 AM

واااااااااااااااااااااي
حمستوني اربي سكلد ^,^

صور الموضوع يلي عطيتني اخوي لونلي وااااااااااااااايد حلو و صج عطوني تشم فكرة حق ديكور حوضي يلي تحت التنظيف x__x

انت مثلي اخوي عاشق الصمت، انا اروح ند البياع و اقعد معاه بالساعات، على طول قاعدة اسأله و اتطفل على محله،
سمعك تقول *رمل زجاجي* يعني ينحط هذا الرمل في الحوض و ما يأثر على صفاء الماء مثل الرمل العادي؟

لالالالا انا خلاص بتينن او بيصير فيني شي اذا ما ربيت سكلد
بس اهو انواع واااااااااايدة ممكن تفيدوني بنوع قوي و يتحمل

Lonely Hunter · 18-10-2007, 01:54 AM

كل الانواع حلوه و قويه

بعضها ظريف و لطيف و يعيش مع الاسماك الثانيه بدون مشاكل
بعضها يحب يتحرش و مايعيش الا مع السمك القوي نفسه
بعضها شرس مايعيش الا مع نفس عايلته
و بعضها يعيش بشكل زوج واحد بس
و بعضها مايعيش الا لوحده فقط

بعضها رخيييص
و بعضها غااااالي

بعضها يوصل لي حجم انشين
و بعضها يوصل لي حجم 15 انش

فمثل ماتشوفين
السكلد عالم كبير و لازم تاخذين حذرك معاه

دشي هالموضوع وشوفي شنو اللي عاجبك و متأكده انه موجود عندكم و شايفته

http://www.2zoo.com/vb/showthread.php?t=34504

و احنا نقولك اذا كانت المجموعه متوافقه مع بعض

مرجانة · 18-10-2007, 02:28 AM

موضوع وايد حلو هذا **بحيرة توو زوو**

اممم ممكن تخبروني عن اسماك سيكلد رخيصة،حجمها صغير، و ممكن تتعايش مع اسماك ثانية مسالمة؟؟؟

ادري اني زودتها x__x

عـ!شق !لصمت · 18-10-2007, 02:37 AM

لا ما هي رخيصة (حسب ما سالت عندنا بالعراق و ب سورية)

و ما هي مسالمة و ما تقدرين توضعينها غير مع عائلتها

و تتضمن الانجل و اعتقد الاوسكار

Lonely Hunter · 18-10-2007, 02:50 AM

في انواع رخيصه عاشق و مسالمه

يعتمد على الحجم .. مثل سمكة البيكوك اللي يكون طولها 5 سم تنباع بدينار
و اما الكبيره اللي حجمها 15 فسعرها 4 دنانير

و عندك الرم اللي حجمها حده 4-5 سم و سعره نص دينار .. و اهو من اجمل اسماك السكلد

و الرم غير وحشي ابد انا كنت حاطه مع نيون تترا و دسكس و عايشين بسلام

شكله الاوسكار معطيك فكره غلط عن السكلد P:

ترى حتى الاوسكار الصغير اللي طوله 3 سم ترا مو وحشي و تقدر تحطه مع البارب و التترا بدون مشاكل

بالنسبه للسمك اللي طلبتيه مرجانه

Blue Peacock Cichlid

Yellow Peacock Cichlid

Albino Peacock Cichlid

Acei Cichlid

Red Zebra Cichlid

Kenyi Cichlid

Yellowfin Borleyi Cichlid

Ram, German Blue

Angelfish

في من هالاسماك الوان ثانيه احلى ...حطي اساميهم بقوقل و شوفي

اذا بتضمنين مرجانه انك السكلد مايتحرش بالسمك الثاني اخذي اصغر حجم تقدرين اتحصلينه

على شان يكبر مع السمك الموجود فتنزل احتمالية التحرش فيهم 50%

و عن تجربه : ربيت اوسكار صغار مع بلاك تترا "الاوسكار اكبر بشوي من التترا" لمدة شهور و بعد ماصار الاوسكار اكبر من التترا بخمس اضعاف , ولا مره تحرش فيهم
بس في مره رحت طلعت بره البيت 3 ايام و ماعطيتهم اكل لقيتهم ماكلينهم من اليوع

مرجانة · 18-10-2007, 03:22 AM

واااااااااااي اثمانهم وايد رخيصة، يعني حتى لو ماتوا ما راح اتحسف على ثمنهم
ميزانيتي الحين ما عادت تكفي و اذا قلت للابوي بيحذفني من الدريشة انا و اسماكي لوووول

تسلم اخوي لونلي انا بدور على الصور في google و بحملهم في جوالي و بروح عند البائع و بوريه الصور و اسأله اذا يقدر يبهم لي، بس اكيد مو الحين....لين يجهز حوضي x__x
للان الحوض يلي عندي الحين صغير وايد

تسلم اخوي لونلي و صراحة تعبت وايد معاي..حتى اني الظاهر سرقت الاضواء من القسم

اسفة و الله بس شنو اسوي مجبورة اني اسالكم..مالي غيركم حبايبي
اشكرك انت مخصوص يا لونلي على مساعداتك الوايد

عـ!شق !لصمت · 18-10-2007, 03:24 AM

و اني وين رحت ها ؟؟؟؟؟؟؟!!!!!!!!

مرجانة · 18-10-2007, 03:33 AM

اي اي اي x___x

اسفو و الله العظيك حقك علي يا عاشق الصمت...ما انتبهت لردك
انت بعد نصايحك وايد افادتني

انت على راسي من فوق...تسلم انت بعد ^^
و تراك انت ول لونلي لكم معزة خاصة فقلبي ---معزة مو تيس لووووول

عـ!شق !لصمت · 18-10-2007, 03:37 AM

ههههههههههههههه

معزة مو تيس

و انت بعد لك تيس عندي بالحديقة غدا اذبحه ههههههه

مقبولة منك

تشاو

مرجانة · 18-10-2007, 03:48 AM

لا انا بعرضك لا تذبحه..الماعز وايد ودودين ولو ان اشكالهم ترعبني خصوصا بالليل ما ادري احس انهم يشبهو الجن في شي..يمكن رجولهم..وييييييييع يوماااااااا x__x

اتمنى ما تكون زعلت مني اخ عاشق امييييييييير الصمت ^^

يله تصبحون على خير...بروح انام..الظاهر بحلم بالسيكلد هل الليلة لوول