|
ممكن تساعدوني؟
توي مشترية حوض يديد حجمه وايد كبير ---قولوا مبروك :D
غسلته بالملح و مليته موي و شلغت الفلتر و الاوكسيجين و كلش ماشي تمام..الا الاسماك بضيفها بعدين وحدة وحدة عشان المستعمرات البكترية.. المهم انا حبيت احط اسماك من نوع جديد بحوضي هذا اضافة الى اسماكي القديمة **1سوردتيل ذكر-1زبال مجهول الجنس-1مولي انثى-1بانجيسوس او ما يعرف بالقرش مجهول الجنس + قوقعتين امريكتيين** بالنسبة للنوع اليديد ابغى اربي نوع يعيش على شكل سرب و يحبون يلعبون مع بعضهم:) مو مهم اشكالهم تكون حلوة او لا او يتكاثرون بالولادة او البيوض المهم قوتهم و تحملهم:rolleyes: اقدر الاقي هل النوع ولا...:confused: موجود بس في احلامي؟ |
رد: ممكن تساعدوني؟
مبروووووووووووووك اختي عليك الحوض و الاسماك ان شاء
لله و احب اعرف ليش راح تاخذين ذكر سورد و انثى مولي ؟؟ و انا اعرف انه ما اكو احد ما يحب و يتمنى انه اسماكه تتكاثر بس انا لا لان الكهرباء ما 24 ساعة (يعني ما دائما موجودة) و ما اقدر احافظ على الصغار بدون هيتر (سخان) و من قبل الجوبي فرخ عندي و جابولي 14 ولد و ماتو بعد 2 اسبوع و اكو انواع كثيرة تعيش في اسراب مثل التايجر و النيون تترا و السيكليد (اتمنى احصل على زوج فقط) و التايجر ما خوش سمكة لان اخذت زوجين و ماتو بضرف يومين و التترا الصراحة انا ما مجربه و هذا اللي عندي قلتوه و تقبلي مروري اخوكي امير الصمت |
رد: ممكن تساعدوني؟
تسلم اخوي عاشق الصمت
الله يكون في عونكم يا اخوان و يحميكم انا توي ما اشتريت اي سمكة و الاسماك اللي ذكرتها كانت عندي انا اصلا كنت مشترية زوج سورديتل بس الانثى الله يرحمها بعد معركة مع المولي الي انا متبنيتها بعد ما عطاني ياها واحد قريبي تخلى عن تربية الاسماك و كنت مربية 4 سمكات قولدن فش ماتت ثنتين و التنتين تبادلت بيهم مع صاحب المحل ادري ان حوضي سلطة خخخخخخخخ ^^ المهم انا اشكرك اخ عاشق الصمت على ذكر بعض الاسماك يلي تعيش فسرب بكرة بروح السوق و اسأل عن الانواع يلي ذكرتها |
رد: ممكن تساعدوني؟
انصحك تسالي هنا عن اسماك اخرى
و اتذكرت وحدة مثل السلفر دولار و البارب عائلة بيها اسماك حلوة و اكثرها تعيش بسرب و احب اعرف انت من اي بلد ؟؟؟ و انصحك ايضا بالجوبي والله لو تترسيه (تملأي) الحوض بالوان الجوبي يصير حوض فللة و شكرا |
رد: ممكن تساعدوني؟
شكرا لمرورك الثاني اخ عاشق
صراحة مدري شنو اقدر اقول غير الله يكثر من امثالك..صج انت شاب طيب ^^ انا توي سألت صديقتي خبرتني ان خالها مربي اسماك وايد حلوة متدري عن اسمائها، يلي خبرتني ان صغار هل السمكة تكون تسبح جنب امها و ما تفارقها...ترجيتها ان يوم يجي خالهم تسأله. و انا بعدي انتظر باقي الاعضاء حتى ينصحوني في انواع تعيش فأسراب و تحب تلعب مع بعضها بالنسبة لسؤالك عن بلدي فخليها للايام الجاي ^_* |
رد: ممكن تساعدوني؟
قصدك يا سمكة ؟؟؟
و اذا تريدين حوض جميل جدا جدا جدا خذي دسكس بس ترى حساس كثيييييييييييييييييييييييييييييير و اذا تريدن حوض حلو مثل ما قلت جوبي و بس او سيكليد الوان كثيرة هم حلوة انا اسع عرفت انت من وين (يديد) من دول الخليج بس مو من العراق و على الاكثر كويتية او سعودية مو ؟؟ |
رد: ممكن تساعدوني؟
اقول يا عاشق الصمت...خليها للايام الجاي بتعرف اذا كنت عراقية او خليجية..اعتقد يوم بتعرف بتندهش ---اخاف ينصدم @__@
بالمسبة للدسكس اهو وااااااااااايد حساس بس حلو تربيته. تدري اليوم رحت للسوق و رحت عند المحل يلي اتصارف وياه، سألته عن التايجر و التترا و قلتله اني ابغى اسماك تعيش بأسراب و تلعب مع بعض قالي تعالي بوريتش من هل النوع..دشيت وياه بمستودع محله ..تدري شنو وراني؟ بيراناااااااااا...توه جايب 6 سمكات ، حدي قعدت اضحك و اقل لالالالالا اعتقد قلب الموضوع لدردشة @___@ |
رد: ممكن تساعدوني؟
الاسماك التي تحب العيش في جماعات هي التيجر بارب والنيون تترا والبنجاسيوس عندما يكون في اعداد كبيره والبيرانا والزيبرا دانو
|
رد: ممكن تساعدوني؟
شكرا للافادة اخ نيمو...اسمك وايد حبوب ^^ --ثاني مرة تقولها لو ملاحظ!!
حوضي الحين بخليه اسبوع كامل بينما تجهز..و اعتقد بعذي نفسي مهلة افكر و ابحث في الاسماك يلي بربيها |
رد: ممكن تساعدوني؟
اقتباس:
الف مبرووك ^^ اقتباس:
ضيفي من ماء الحوض القديم و الاسفنج على شان تتسرع العمليه اقتباس:
هذا مشكله اذا كان كبير يمكن ياكل السمك الصغار , ماجربت تربيته بس احسه جذي (على فكره , ترا في منه نوع وحشي نفس اللون و الشكل) اقتباس:
الاخوان ماقصروا , عايلة التترا و البارب اهيا اللي اكثر شي تحب تعيش بجماعات بس عندي لج نصيحه شرايج تحطين بالحوض اليديد سكلد , ترا تربيته له متعه خاصه غير عن الباقي خاصه انه له الوان عجيبه و شكله و الوانه كانه سمك بحر , و قدرته بالتحمل عجيبه و يلعبون مع بعض و يتهاوشون بس هواش ربع P: و احلى هوشه هوشة البراطم .. اللي كل واحد يدز الثاني ببرطمه او كل واحد يعض الثاني بالبرطم و اللي يفلت اهوه الخسران XD اهوه صج انه وحشي بس مو كل انواعه في انواع هاديه و اليفه مثل الانجل و الدسكس فاذا تبين نصيحتي خلي السمج القديم بالحوض القديم و اشتري سكلد صغار و حطيهم بالحوض اليديد و شوفيهم يكبرون جدام عينك اللي كان طولها 3 سم اليوم .. بعد 6 شهور بتشوفينها عشر دبلات P: |
| جميع الأوقات بتوقيت GMT +3. الساعة الآن 07:36 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو