ببغائي الارفريقي الجديد .. تعالو اعطوني رأيكم فيه تكفون

[طير الهوى]

،،

حبيب قلبي .. راجع ما يكتبونه الاخوان في القسم

ولكن باختصار ..

خل الطير عندك لمدة اسبوع .. بمكان عالي .. يعني على أقلها .. بمستوى نظرك وانت واقف ..

هالشي يعطي الطير ثقه اكبر وراحه اكبر .. بحيث يكون مطــّلع على المكان بشكل أكثر .. ويعرف كل شي يصيرفيه ..

والافضل انه تحطه بمكان فيه ناس .. مثلا تحطه بالصاله يشوف اهلك ويشوف الرايح والجاي .. لين يتعود على جو البيت ..

بعد اسبوع .. ابدأ التدريب معه ..

طبعا خلال هالاسبوع حاول تتودد للطير .. تسولف معه بهداوه .. تحاول تختار له اسم وتردده عليه كثير وانت تسولف معه .. تكلم معه كأنه بزر صغير .. مثلا لو سميته كوكو ..تقول له : هااااه كوكو مرتاااح ؟؟ هاه مبسوووط كوكو ؟؟ انت حلووو كوكو ؟؟ ... وعلى هالحال

حاول طبعا تعطيه الاكل من يدك .. اللي هو الحب الشمسي .. في البدايه راح ياخذ الاكل منك ويرميه .. لكن مع الوقت بيبدأ ياكل من يدك عادي .. وبعد اسبوع مثل ماقلت لك ابدأ التدريب ..

وان شاء الله فالك النجاح والتوفيق ^.^ ونشوف الطير احلى طير .. وعنده احلى كلام

موفق يابعدي

،،