أبغى نصائح لعمل حوض للحرباء!

[عروس الجليل]

المشاركة الأصلية كتبت بواسطة مهووس الحيوانات

وفكرت احطها في حوض حجمه مو محدد لكنه أكبر من شاشة اللابتوب بشوي << شرايكم بالوصف ..

مش واضح كتيير الوصف لانو احجام اللابتوبات بتختلف, بس مش يكون ئصدك ميني
ايا قفص بتختارو مفضل انو يكون ارتفاعو اكتر من طولو وعرضو.. وانت بنفع تبنيه حسب القياسات اللي بدك اياها اسهلك, متل هيكا >>

المشاركة الأصلية كتبت بواسطة مهووس الحيوانات

وفكرت احطلها غصن طبعًا وأرضية تراب من بيئة جبلية (بيئة جنوب المملكة) بس المهم انها جبلية ..

مش شرط انو يكون بارضية القفص تراب, لانها ما رح تنزل تمشي قاع القفص, ممكن تخلي الارضيه زجاج/بلاستيك/خشب/ ورق ما بظنو رح يأثر كثير غير وقت التنظيف.
وعنشان الاغصان حطلها اكتر من غصن رفيع, بس ما تكترلها لتعرف تتحرك وتتنقل من غصن لتاني. واحسن ادا كانت معها نبته مش سامه بالقفص بتتسلق عليها وكمان بتوكل منها (متل الفيكوس)..

المشاركة الأصلية كتبت بواسطة مهووس الحيوانات

وفكرت زيادة اني احط صخرة تدفئة للزواحف شفتها في محل ، (رغم ان جو الشرقية حر ورطوبة عشان كذا ابغى نصائحكم) ..

ما في حاجه لجسم التدفئه هادا, ادا ما نزلت الحراره عن 18 درجه مئويه.
بس بفصل الشتا لازمها زاويه من القفص تكون دافيه, وممكن تعلقلها لامبه 40 واط بتفيدها, ويكون البعد بين اللامبه واعلى غصن بالقفص شي 10 سم حتى ما تحرق جسمها.

المشاركة الأصلية كتبت بواسطة مهووس الحيوانات

والأكل يكون حشرات حية طبعا ، اذا لقيت ، (وابغى نصيحتكم هل يكفي 4 حشرات في الاسبوع؟) ..

حسب وصفك حربايتك بعدها صغير, واكلها بيعتمد بس على الحشرات (الصراصير هي افضل اكل عندهن ) ..
4 حشرات ما بتكفي بالاسبوع,
يعني الحربايه الصغيره الطبيعيه ممكن توكل بالاسبوع 10 حشرات.. وكلما كبرت بيقل عدد الحشرات, وكل يومين بتوكل.

المشاركة الأصلية كتبت بواسطة مهووس الحيوانات

وكل يوم ارش الحوض بالرشآش (حق القزاز "الزجاج") بالموووووووية بحيث أرطب كل شي وبالذات التربة ..

انت بترش على الاغصان والنباتات الموجوده وكمان على الشبكه, وهي بتصير تلحس النقط, وممكن يكون بديل للرشاش ادا بتحط قطعة تلج صغيره على ظهر القفص لتتركها تذوب شوي شوي عالاغصان وبيعطي مجال للحرباي تشرب بايا وئت بدها.

وان شاء الله بكون أفدتك ولو بالقليل يا مهووس الحيوانات