تزاوج الكورن سنك Corn Snake Meting

[عروس الجليل]

ما شاء الله وتبارك الله..
مبروك وكمان الف مبرووووك وان شاء الله بتشوفهن يفئسو ويطلعو الصغار!!
الموضوع كتيير لذيذ وكمان بنفس الوئت ئوي, واللي زاد من ئوته اكتر الجدال البناء اللي صار بيناتكو يا استاد جميل انت وليمتيد..
هو كتيير منيح لانو بيطلعنا من جو الردود التقليدي وكمان بيفتح وبيطور افكار ومعلومات تانيه عند الاعضاء, بس الصراحه انا دوخت من كتر الحكي وراسي صار مئلوب وحسيت انو كل واحد فيكو بيشرح وجهة نظرو المختلفه عن التاني وما عم توصلو لنفس النئطه والهدف >>

عنشان هيكا حبيت اجمع شوي بين حكيكو لتوصل الفكره أوضح:

المشاركة الأصلية كتبت بواسطة LiMiTeD

كلام KingSnake صحيح

لان الثعبان يخرج من جهه واحده فقط واهي الجهه الي فوق ويتم تثبيتها في وقت خروج البيض ووضعها بنفس الجهه في الحاضنه

والله يعينك اذا البيض كان مقلوب في الحاضنه وهذي من البعض الاساسيات في الحفاظ على البيض

المشاركة الأصلية كتبت بواسطة Jameel2006

فرق بين الحفاظ على البيض في الحاضنة

وبين نقله للحاضنة وهو جديد ولم يتكون فيه الجنين

وبالنسبة للحفاظ على البيض الله يعين

خاصة لما يكون فيه تلاصق بين بعض البيض

يعني نسبة الخسارة واردة ولكن اهم شي محاولة التقليل منها

المشاركة الأصلية كتبت بواسطة LiMiTeD

ما خطر في بالك ليش حاضنات الزواحف ما تقلب البيض مثل حاضنات الدواجن ؟!!

لكن اذا انت مقتنع بالكلام الي تقوله

وان بيض الزواحف يوضع باي جهه في الحاضنه

وتنكسر القاعده راح يكون سبق لك وفي اكتشافك لهذي الطريقه

بالتوفيق

المشاركة الأصلية كتبت بواسطة Jameel2006

بس حبيت اكد كلامي بهذه المقاطع

وبعدين في مقاطع حق بنت صغيرة عمرها 13 سنة وتعتبر منتجة مهمة في عالم

الكورن سنك

وفيها واضح وضوح الشمس ان الجنين لا غرق ولا مات

وقاعد يطلع من الجنب والبيض وضعوه في الحاضنة على جنب

ما وضعوه بوضعية خاصة على فوق او اي شي

بالنسبه لطريقة وضع البيض عند الزواحف (افاعي, سحالي, سلاحف) بتختلف عن طريقة الوضع عند الطيور, بانهن ما بيرقدو على البيض او حتى ما بيقلبوه كل عدة ايام متل عند الطيور (غير في انواع معينه من الافاعي اللي بتحفظ البيض جواتو ليفئس ويطلعو منو الصغار)..
من هيكا ربنا اعطاها مقدره على انها تبيض البيض وينزل من جسمها بوضعيه وحده, يعني ما بيكون بحاجه انو ينقلب وراس الجنين بيكون من الجهه العليا للبيضه من فوء (يعني الجهه مش اللي عالارض لتحت).. وهادا بيئول حتى لو كانت البيضه شكلها بيضوي وطويله الجنين بدو يخرج بس من الجهه اللي لفوء, يعني المكشوفه واتجاهها مش عالارض - من الاطراف او الوسط بيخرج!!
بالطبيعه البيض بيضلو ليفئس لحالو وعوامل الطبيعه الها تأثيرها لحالو ادا ما تدخل الانسان فيها, بس بالمربى بيكون غييييير
ولمن تبيض الانثى مننقل البيض لعلبه تانيه بعيد عن الام, النقل بيكون باسرع وئت بعد الوضع, حتى انضلنا محافظين على رطوبة البيض وادا ما نشفت البيضه وضلت برطوبتها ممكن انو نفصلهن بحال كانو ملتصقين بس ما بيضر كتيير ..

وئبل النقل وتحريك البيض لازم وضع علامات لتحديد وضعية البيض - راس الجنين (متل عند الانسان الجنين بيبدا يتطور حسب قاعده ومش احنا منغير اتجاه راسو ).. العلامات بتكون بقلم او عن طريق العين للمحترفين , وحفظو بالحاضنه بيكون بنفس الوضعيه لمن الام باضتو, متل بالصور وضعية البيض القشره لفوء وبتضلها نفسها, وانا حطيت علامات:







حتى لو كانو ملتصقين بنفس الوضعيه بيضلو وما بنغير اتجاههن:







والفيديوهات اللي حطيتها استاد جميل بتبين بشكل واضح كيف بيتم نقل البيض من تحت الحيه للمربى بنفس الوضعه وبنفس الاتجاه بطريقه احترافيه وبتدل عالخبره, حتى عملية الفصل بين البيض سريعه لانو بعدها طريه القشره,, وكمان منشوف بيض اللي عليه علامات لاتجاه البيض..
وبالاخير كل البيض اللي عم يفقس ويطلع منو الصغار كانو بيطلعو من الاطراف او الوسط بس مش من تحت البيضه, وادا كان وراس جنين لتحت ما بيئدر يطلع وبيموت!!

وان شاء الله وباذن الله تعالى يا استاد جميل انو نشوف فيديوهات تانيه فيها بتبين خروج الصغار تبعونك ..
بتمنى ما اكون طولت كتيييييييييييييييييييير ويعطيك الف عافيه!!
كاسه مي وحياتكو ريئي نشف