الى الأخ الكريم سكر والأخوه الخبراء لاهنتم

[العضو المنتدب]

السلام عليكم

أشتريت ببغاء أفريقي (تمنه) وعمرو 7 شهور

ماشاء الله عليه يتكلم ويلعب ويرقص بالقفص .. وهذي المره الاولى أربي حيوان في حياتي كلها

عندي عدة إستفسارات:

1- أحاول أدخل يدي بالقفص عشان أطلعه ألقاه يهرب مني وإذا أنحكر في الزاويه يحاول ينقرني.

2- أمس حممتو بعد مشاهدة موضوع الأخ الفاضل سكر والفيديو اللي أرفقوو وتحمست وطبعا تم التحميم داخل قفصو وحاولت إني أطلعه عشان أنشفوو رفض وبدأ يحاول النقر ... تركتو داخل الحمام وحرصت أنو مايجيه تيار هواء عشان لا يمرض..... لكن لاحظتو بدأ يبرد وبيرجف!!

إيش أعمل؟

3- نفسي أخليه يتعود يطلع على إيدي ..لكن يا جماعه تراني أخاااااف من النقر (لا تلوموني) والله شفت واحد نقرووو ببغاء وصار يصارخ قدامي . نفسي أتغلب على الخوف لكن منقارو يخوف ومخالبه طويله توحي بشي مؤلم

أرجوكم ساعدوني

[منتج طيور]

أبعطيك معلومه ان شاء الله راح تفيدك

الغيني يختلف عن الكاسكو من ناحية التدريب

الغيني (التمنه) حطه بمكان بالبيت بحيث أن الناس يمرون من عنده يوميا

راح تشوف الفرق مع الوقت والولافه بتتغير معك وخاصة إذا عطيته الأكل بيدك مثل التفاح والفول سوداني


أنا قلتلك الكلام هذا عشان ماتتعب معاه وخاصة أنك أنت اللي خايف من العضه

[طير جديد]

مبروك على الطير


اذا حممته طلعه في الشمس لان الشمس تقتل الجراثيم الي على جلد وريش الطير وبنفس الوقت يجف وينشف
تحياتي

[زينه ونحول]

اذا حممته طلعه في الشمس لان الشمس تقتل الجراثيم الي على جلد وريش الطير وبنفس الوقت يجف وينشف

هيهيهي .. سويتها مع بينو يوم ماروشتو .. فدييييته ..

وصح اوميديتووو ع الببغان .. يتربى بنعيمك ..

وترا مو كل الببغانات تعض ؟ مين قال ؟ اسم الله اسم الله على ببغانــــي ماعضني ولا عضـــه .. ماشالله تبارك الله

[عبود القبوط]

أنا بس بقول لك

إذا جيت تحطه بالشمس موب بعز الظهر ترا بيروح عليك

على طلوع الشمس او 6الصبح وأنتبه بعد ال7ليييت 4العصر ابد لا تطلعه

ترا شمسنا تذبح صايره

[سكر]

عليكم السلام ورحمة الله وبركاته,,

العضو المنتدب حياك الله بين أخوانك وأخواتك

وأشكرك على الدعوة يا غالي

أولاً بالنسبة لإدخال يدك داخل القفص,, هذي خطوة لا يحبها الببغاء وأنصحك ما عاد تعيدها

خليه فترة في البيت بما انه يتكلم,, وبعد اسبوع طلعه برى القفص,, وحاول تعطيه الأكل من يدك دائماً,,,

بحيث تشيل الأكل من القفص بشكل نهائي خلال الأسبوع الأول,, وما تخليه ياكل إلا من يدك فقط,,,

وبعدها تعال وقول لنا ايش صار حتى نكمل للخطوة اللي بعدها,,,

ثانياً الترويش,, أحيانا يكون البيت بارد حتى لو الباب مسكر حق الحمام,,,

وهذا يسبب رجفة للببغاء,, بس ما تضر بإذن الله,,,

لا تفكر تطلعه وتنشفه,, لأنه أصلا متنرفز بسبب الترويش,, ومو متعود للحين,,,

ثالث سؤال: اذا تحب تطلعه على يدك,, وانت تخاف,, الحل انك تطلعه على عصا طويلة حتى تضمن انه ما يعضك,,

وتكرر هذي الحركة,, واعتبرها لعبه تلعبها معاه,,

كررها قد ما تقدر,, حتى يستوعب انك كل ما قربت منه العصا وقلت له اطلع يطلع,,,

بعدها أعطينا خبر بالتفصيل ,, وإن شاء الله نقول لك ايش تعمل,,,

أشكرك على سؤالك وربي يوفقك ويبارك فيك وفي ببغائك,,

تحياتي

[كاسكـــو]

شوف اي ببغاء اليف بنسبه 100 بالميه ما يعمل كذا

الببغاء عندك اليف صح لكن مو مره يعني يبي لك وقت تروضه

باقي في نفسه خوف وشكل صاحبه روضه شي بسيط وبعدين باعه

وانا صاحب تجارب ومرت علي ببغاوات واعرف السبب

تسألني كيف انا اقول لك

اشتريت ببغاوات من زمان بنفس اليوم اقلبها زي الحمامه لأنها اليفه

بس واضح ببغائك اليف لكن مو مره يحتاج ترويض

[العضو المنتدب]

المشاركة الأصلية كتبت بواسطة منتج طيور

أبعطيك معلومه ان شاء الله راح تفيدك

الغيني يختلف عن الكاسكو من ناحية التدريب

الغيني (التمنه) حطه بمكان بالبيت بحيث أن الناس يمرون من عنده يوميا

راح تشوف الفرق مع الوقت والولافه بتتغير معك وخاصة إذا عطيته الأكل بيدك مثل التفاح والفول سوداني


أنا قلتلك الكلام هذا عشان ماتتعب معاه وخاصة أنك أنت اللي خايف من العضه

أخوي منتج طيور

شرفني مرورك

وراح أفيدك بأن الطير واضعو بمدخل البيت يعني الحركة عندو مستمره

ودايم أكله بيدي

وأستغربت لما قلت الغيني يختلف عن الكاسكو في التدريب ممكن توضح أكثر؟

[العضو المنتدب]

المشاركة الأصلية كتبت بواسطة طير جديد

مبروك على الطير


اذا حممته طلعه في الشمس لان الشمس تقتل الجراثيم الي على جلد وريش الطير وبنفس الوقت يجف وينشف
تحياتي

الله يبارك فيك أخوي

باطلع الطير كل يوم الساعة 5.30 م ياخذلو حمام شمس

ألقاه مبسوط في الحديقه حقت البيت لما يطلع.. بس على فكره لما يستحم أخاف يلفحو هوا بالحديقه ويمرض

[العضو المنتدب]

المشاركة الأصلية كتبت بواسطة زينه ونحول

هيهيهي .. سويتها مع بينو يوم ماروشتو .. فدييييته ..

وصح اوميديتووو ع الببغان .. يتربى بنعيمك ..

وترا مو كل الببغانات تعض ؟ مين قال ؟ اسم الله اسم الله على ببغانــــي ماعضني ولا عضـــه .. ماشالله تبارك الله

الله يحفظلك بينو