اشترك في نشرتنا البريدية ليصلك كل جديد

مطلوب أفريقي · 25-06-2009, 10:55 AM

انا يا اختي متابع طيورك وامراضها خاصة الكاسكو حقك ..

في البداية انتي قلتي مخليتها مزار ..! اصلا الكاسكو تتعب نفسيته من الناس الكثير وباين كل الشعب حقكم جاي يشوفه ..!

غير كذا انتي شاريه شي هولندي وصغير .. والهولنديات مشهورة بقلة المناعة .. والشي الثاني مرض النيكولاس << مدري اسمه صح او لا

لانه منتشر بالمزارع والمفروض يطعم اول ما ينولد لكن اصحاب المزارع ملاعين مايطعمونه

وانتي هذا الي جا طيرك .. رجوله انشلت وصار يرجع ويسهل وكل شي ومات .. يعني مالها دخل عين انتي قلتي 10 ايام عندي .. الطير تبين صحته اذا بخير او لا بعد اسبوعين 3 اسابيع .. بعدها تقولين انه تعب من بيتنا ..

وتلاقينك بعد حاطته عند مكيف او ماتأكلينه زين ..

لازم يا اختي قبل ما تشترين اي حيوان تبحثي عنه وعن طرق شرائه وتدريبه وأسعاره وتسألي مختصين كيف تتعاملين معاه ..

اما الدره والله مادري انتي الي كسرتي رقبته بالمروحة ..!؟

معليش فيه بنت قالت انها طلعت الدرة وانكسرت رقبته من المروحة لما طار لها .. هذا طبعا لانه يجب الاشياء المتحركه والعالية وراح لها طوالي وانكسرت يعني قضاء وقدر ..

وبعدين اذا و انتي صاحبة القصة اكيد انك اشتريتي الدرة وحطيتيها بقفص الكاسكو الي مات بدون تعقيم القفص وتنظيفة واخراجه للشمس ..!

اكيد انتقل الفايروس له

والعين حق ماقلنا شي لكن قال عليه الصلاة والسلام "اعقلها وتوكل " مو بس تقولين توكلت على الله وتتركين كل شي .. لازم تاخذين بالأسباب .. تبعدينه عن المكيف تجهزين له كل شي يحبه تهتمين فيه .. وبعد كذا توكلي .

اشكرك اختي