و الله رفع ضفطي

[احساس ملك]

السلام عليكم و رحمة الله و بركاته

يشرفني و يسعدني ان اكون احد اعضاء هذا الصرح الشامخ

لكن مما يؤسف و يحزن ان تكون اول مشاركة لي هي ( مشكله )

عندي ببغاء افريقي شريته من ثلاث شهور تتقريباً و ابيه يتكلم ما قدرت

و حاولت مرات و مرات اردد عليه بابا بابا لدرجه ان احد الجيران قال لي ماشاء الله

الولد ما بعد عرف يناديك << طبعاً ما درا ان الولد اللي في باله ببغاء افريقي .

لدرجة اني حاط عنده جوال له خص نص و حاط نغمة بابا بصوتي الشجي

و كل شوي ادق عليه و كل ما مريت عليه ارددها عليه و لكن ما فيه فايده

مع العلم انه يصفر و يطلع اصوات و يجعر وهو لحاله مدري وش يحس به

ابي منكم يا الوجيه الطيبه نصيحه تجهاه هذه المشكله .

[xX7oSaMXx]

اول شي حياك الله في المنتدى مع اخوانك يالغالي

وعادي لو كانت اول مشاركه مافيها شي

هههههههههههههه اما يجعر لحاله الصراحه ما ادري وش السبب


لكن انا مشكلتي نفس مشكلتك لكن ابي اسألك هل تسمع من الطير صوت طقطقه


مثل صوت الانسان انت الحين اذا رفعت لسانك فوق ونزلته تحت بقوه ومع شفط مدري وشلون افهمك بس

الزبده يقول طق طق <_ قسم بالله الرجال فهم ههههههههههه


المهم والشي الثاني ماقد سمعته يطلع صوت غرغره او شي مو واضح

اذا سمعت الطقطقه او الغرغره هذي او شي مدري كيف مو تغريد ولا شي معناتها بداية كلام او يبي تكرار

على شان يقولها


وهذا الي عندي يالغالي والطير معروف يبيله صبر ولا تكرر عليه دايم لا ترا يمل ويطفش ويسحب عليك هههههههه



لكن ياليت تقوله بابا 25 دقيقه بالضبط ولو تكون اقل عادي بس لا تكثر على شان مايحس بالملل


وياليت تقوله عند النوم بعد صلاة العشا وانت راجع من المسجد دخلت البيت طبعا الكاسكو يبي ينام

قبل لا ينام قله بابا بابا بابا بابا رددها


واذا صحى الصباح اول مايصبح قله بابا بابا بابا يعني ينوم على كلمه بابا ويصبح على كلمه بابا ان شاء الله


كذا ترسخ في مخه والعصر بعد رددله بابا بابا باابا


وان شاء الله يتكلم

وانصحك تحطه بغرفه لحالك انت وياه بس ولا فيها تلفزيون شغال او راديو او اي شي

بس انت والطير والمكيف وقله باابا على شان مايكون فيه شي يلفت انتباه الطير ويروح تفكيره في شي ثاني


ولا تعرض الطير للمكيف مباشره يضره

وبس

هذا الي عندي اتمنى اني افتك وياليت اذا فيه غلط علي يصححونه الاخوان


موفق اخوي وعقبال مايسولف معك

[الكوس]

المشاركة الأصلية كتبت بواسطة xX7oSaMXx

هذا الي عندي

ما شاء الله ترى الي عندك وايد مب شوي

و عقبال ما طيوركم تصير هذاره

[xX7oSaMXx]

المشاركة الأصلية كتبت بواسطة الكوس

ما شاء الله ترى الي عندك وايد مب شوي

و عقبال ما طيوركم تصير هذاره

تسلم والله يالكوس

والله الصراحه كل المعلومات هذي جايبها من المنتدى هذا

لازم نفيد ونستفيد وهذا واجبنا نحو الاعضاء كلهم

[abocimba]

هههههههههههههههههه طقطقة شو....... اول شي طيرك موالف , اخي لازم تكثر من الجلوس مع الطير مش بس تمر علية مر الكرام وتقولو بابا لازم تجلس مع الببغاء ويشعر معك بالثقة وتلاعبة حتى يتعود عليك .

[naasooh]

وعليكم السلام
وحياك الله بالمنتدى وتشرفنا بوجودك

نفس ما قالك xX7oSaMXx إن كان الكاسكو ألي عندك يطلع صوت يسمونه ( غمغمه )
أصوت ملخبطه أو تصفير أو طقطقه
فهذي محاوله من الكاسوو أنه يتكلم

أنا رأي بأنك لا تعزل الكاسو خليه بمكان الجو فيه معتدل ويشوف الكل ويسمع الأصوات الموجوده بالبيت
وأذا أنت تبي كلمه يرددها أجلس قدامه ورردها لها وهو يطالعك أو حط له مسجل ويردد له

شوف كل واحد فينا ينتظر بس متى يتكلم كاسكووه أهو بس خل تنفك هالعقده بعدين أبشر بالخير

[xX7oSaMXx]

المشاركة الأصلية كتبت بواسطة abocimba

هههههههههههههههههه طقطقة شو....... اول شي طيرك موالف , اخي لازم تكثر من الجلوس مع الطير مش بس تمر علية مر الكرام وتقولو بابا لازم تجلس مع الببغاء ويشعر معك بالثقة وتلاعبة حتى يتعود عليك .

اييييييييييييييه بعد مايتوالف وتبدى تدربه على الكلام يبدى يطقطق

[احساس ملك]

شكرا لكم على مشاركتكم لي

و بالنسبه للصوت اللي يسمى غمغمة مدر لكن تخمه خمات الساعه ثلاث في الليل

يجعر حتى مره و الله اي خف احسب ان حرامي طاب علينا و قلت يا ولد الزم الفراش

و في النهاية طلع هو جعله يتكلم << و الله اني رحمت نفسي

لكن ابسوي معه اللي وصيتوا عليه و ان ما تكلم نحرته السوق

ملاحظة : هو يصفر تصفير حلو بعض الاحيان طبعا على هواه

هل هذا يخدمني ولا لا

و اشكركم على التواجد و المشاركة

[زياد محمد]

اخي مع احترآمي لك وللردود
آول شي لآنزلت صَورة للطير
2ولاقلت عمر الطير
وبعَدين لا25 دقيقة والله ولا 60 دقيقة
مآاقدر اعطيك السر لين اعرف عمر الطير هههه

[احساس ملك]

ابشر يابو محمد بحاول انزل له صور