اسئلة عن السلاحف البرمائية

[مربي سلاحف]

عندي عدة اسئلة وارجو اني اكون ما ازعجتكم

1 عند انقلاب السلحفاة هل هنالك ضرر من حصول ذالك

2 ما هي كمية الطعام التي اقدمها للسلحفاة وكم مرة لسلحفاة صغيرة

3 هل يجب ان اشتري سلفاة اخرى مع سلحفاتي

4سلحفاتي دائما ما تتسلق وتريد الخروج من الحوض وبعد ذلك تقع على الخلف وتنقلب وارجعها

وارجو سرعة الرد

[عروس الجليل]

المشاركة الأصلية كتبت بواسطة مربي سلاحف

1 عند انقلاب السلحفاة هل هنالك ضرر من حصول ذالك

يعني ادا انقلبت بالمي بترجع لحالها وما في ضرر عليها, بس ادا برات المي أحسن ما تطول الفتره كتيير وهي على ظهرها مقلوبه لانها ممكن تموت ادا ما عرفت انو ترجع لوضعها.
وادا كان الئصد ادا وقعت من مكان عالي وقلبت على ظهرها ممكن انو يصير عندها ترضرض ونزيف وتمزق بالاعضاء الداخليه وتشوف اوئات دم بنزل من انفها وممكن انها بعدين تموت.

المشاركة الأصلية كتبت بواسطة مربي سلاحف

2 ما هي كمية الطعام التي اقدمها للسلحفاة وكم مرة لسلحفاة صغيرة

مادامك شايفها بتوكل بتعطيها (الكميه تكون معقوله بالنسبه لحجمها وعمرها وما تزيدها اكتر من اللازم حتى ما يصير عندها سمنه), السلاحف الصغيره بالعمر بتئدملها الاكل كل يوم - يومين, والسلاحف الاكبر بيكفيها مرتين - تلاته بالاسبوع!

المشاركة الأصلية كتبت بواسطة مربي سلاحف

3 هل يجب ان اشتري سلفاة اخرى مع سلحفاتي

هادا القرار بيرجع لالك,
يعني لو كانت لحالها ما بيصير عليها اشي, لانهن بالطبيعه ما بيعيشو بمجموعات, واللقاءات بيناتهن بتكون بس وئت التزاوج!!
بس منيح يكونو ذكر وانثى يعني عنشان تعوضهن عن حياة الحرمان بالطبيعه "التزاوج" وكمان ليتوانسو مع بعضهن

المشاركة الأصلية كتبت بواسطة مربي سلاحف

4سلحفاتي دائما ما تتسلق وتريد الخروج من الحوض وبعد ذلك تقع على الخلف وتنقلب وارجعها

كيف بدها تفكر انو تتسلق ادا كانت جوانب الحوض عاليه ومسكر عليها بغطى مشبك؟؟
بلكي الحوض صغير عليها لتتحرك بحريه, او انك ما حاططلها مخبى لتتخبى فيو, وعم بتحاول انها تهرب لتحتمي..

[مربي سلاحف]

جزاك الله اف خير على مساعدتك واعذريني انا اول مرة اربي سلحفة

وهل ممكن اديها بقدونس كزبرة جرجير سبانخ اي نبات اخضر

[عروس الجليل]

بقدونس وكزبره ممكن تخنقها..
بس أكل الخضار باغلب الحالات مش ممكن نعملو بديل عن الاكل الحي, الا بس مكمل لالو!!