اين يقع سوق القطيف

[شبزي]

السلام عليكم
هلا باهل الشرقيه
اريد مكان سوق القطيف الي بالشرقيه ويكون الشرح واضح الله يعافيكم

[أمازون]

في محلات للطيور كثيره في القطيف بجانب مكان سوق الخميس ، و في ايضا سوق الخميس اللي يجتمعون فيه كل الباعه يوم الخميس و هو سوق كبيره للطيور و الزواحف و باقي الحيوانات ...

اذا انت بتجي غير يوم الخميس فطبعاً راح تضطر انك تزور فقط المحلات للبيع و هي تكون على شارع الملك فيصل في بدايه مدخل القطيف اذا كنت قادم عن طريق الهاي وي

بس انا افضل انك تزور يوم الخميس عشان تشوف السوق الكبيره و ايضا تزور المحلات بنفس الوقت ...

راح ارسلك رقم تلفوني على الخاص و قت ما تحب تشرفنا بالقطيف أهلاً و سهلاً فيك ، اتصل علي و انا اجي لك المكان اللي انت فيه و اوصلك المحلات او سوق الخميس ... و اذا كنت انا بنفسي في العمل مثلاً لاني احيان اداوم حتى الخميس راح ايضاً اشرح لك كيف توصل .

[الخبراء]

بغيت اضيف نقطه

السوق من بعد صلاه الفجر الى صلاه الظهر لا تتوهق مثلي جاي من الرياض صبح الخميس و قاعد ادور با الخبر و العصر رحت لم السوق ولقيته ما به احد اظطريت اروح الاسبوع الي بعده الصبح

[الكوس]

عندي سؤال عن سوق القطيف

انا سمعت انه مب آمن يعني يبوقون أغراض الواحد مثلاَ الجوال و النظارة الشمسية و .........

[طير جديد]

اسف يااهل القطيف لكن فيكمرجال مايخافون ربي
لكن انتبه من الطير الي بتشتريه ترى عندهم طرق نصب
وانا انصبت بطير كاسيكو افريقي والسالفه صحيحة والطير لي روضه سكر هذا هو الطير الي انصبت فيه
انا كنت ادور طير كاسيكو اليف في سوق الخميس بالقطيف بسعر جيد من 800 الى 1000
وشفت طير عجبني وقال لي الكذاب الطير اليف ومتعوب عليه ونظيف والطير صغير ولا يجعر واتحداك تلغى مثله بالسوق وقال لي دخل يدك يدك شف يجعر ولا لا ولا يخاف دخلت يدي والطير عادي كانه متعود علي وقال اذا معجبك الطير رجعه
انا فرحت وقلت جاك الفرج قال لي الطير بعطيك ايه بـ1000 قلت اخر شي قال لي لانك تبيه وودك فيه بعطيك ايه 900 والله دفعت له ال900 وخذت الطير بكل فرح وسرور وارحت البيت حطيت الطير وكانه شايف جني قدامه الى درجت اني اذا ناضرته يجعر انا قلت شكله مو متعود على المكان عادي يعني وضل على ذي الحاله لمدة اسبوع رحت انا السوق ادور الي باعني الطير ولا شفته شفت الي كان معاه قلت له وين الي باعني قال لي هو يجي تسع (طبعا يكذب علي ) قلت انتظره بعدين قال لي ليه انت جاي قلت له قصة الطير قال لي كل طير كذا قلت له انا شريه وهو اليف ليه قلب المهم قام يصرفني قلت له وشو رقم جوال الرجال خل اكلمه لان هو قال لي اذا معجبك رجعه قال لي ماعنده جوال (الكذبه القوية ) قل اجل انتظر قل لي بيتاخر قلت عادي قال لي بصريح العبارة مستحيل يرجع لك الطير وامش اريح لك لا تتعب حالك
انــــــــــــــــــــــــــتــــــــــــــــــــــــــــــــــــــــــــبـــــــــــــــــــــــــــــــــــه اخــــــــــــــــــــــــــــــــوي
وانا انصحك تودي وياك احد يعرف في الطيور وتتفحص الطير
ومو كل اهل القطيف كذا لكن هذا الي صار لي والله ما اكذب
تحياتي

[نمط]

يا طير جديد , سوق القطيف معروفة على مستوى المملكة وحتى خارج المملكة
وأهل الكويت دايم يسيرون فيها
وسوق القطيف حتى وإن كانت تقع في القطيف فهي ليست حكر لمنطقة
فالبياعون من أغلب المناطق خصوصاً المناطق المجاورة مثل الدمام والخبر
ولو افترضنا ان تم النصب عليك بالطير وكان البائع من القطيف , فهذا لا يعني سوء السوق وسوء البياعين
فكل الأسواق فيها مثل هذهِ الشرائح والنوعيات , فيها الشريطية الزين والشين , والأغلب يستخدم طريقة تززين الطير وبهرجته للهاوي حتى يتخلص منه
بعدين انت عاينت الطير وشفته أليف بالسوق واخدته , وبالبيت اختلف الوضع
لنفترض انك جبت خبير وشاف لك الطير , نفس الحكاية راح يبان له مثل ما بان لك
الطيرو تختلف من السوق للبيت , والتأقلم عالمكان له دور
وتلقى طيور في السوق ما تسوى شي , لكن في مكان استقرارها تستاهل مبالغ
والسعر اللي انت اخدت به الطير هذا سعر فرخ ولك عليه
يعني طير أليف نادر تلقاه بهذا السعر

لا البائع يمثل سوق القطيف واهل القطيف
ولا حكمك يمثل رأي الأغلبية كذلك
وصدقني هناك من يتعنى لطيور أهل القطيف , هناك أشخاص مميزة في تربية الطيور في القطيف
سواء حمام او دجاج او طيور الببغاء

[طير جديد]

الاخ نمط
انا اقدر غيرتك في هذا الرد
وانا ما احمل احد المسؤلية والحكم لابد ان يكون حكيم
وارجو انك تفهم الي بين السطور
وشكرا

[طير جديد]

يا طير جديد , سوق القطيف معروفة على مستوى المملكة وحتى خارج المملكة
وأهل الكويت دايم يسيرون فيها
وسوق القطيف حتى وإن كانت تقع في القطيف فهي ليست حكر لمنطقة
فالبياعون من أغلب المناطق خصوصاً المناطق المجاورة مثل الدمام والخبر
ولو افترضنا ان تم النصب عليك بالطير وكان البائع من القطيف , فهذا لا يعني سوء السوق وسوء البياعين
فكل الأسواق فيها مثل هذهِ الشرائح والنوعيات , فيها الشريطية الزين والشين , والأغلب يستخدم طريقة تززين الطير وبهرجته للهاوي حتى يتخلص منه
بعدين انت عاينت الطير وشفته أليف بالسوق واخدته , وبالبيت اختلف الوضع
لنفترض انك جبت خبير وشاف لك الطير , نفس الحكاية راح يبان له مثل ما بان لك
الطيرو تختلف من السوق للبيت , والتأقلم عالمكان له دور
وتلقى طيور في السوق ما تسوى شي , لكن في مكان استقرارها تستاهل مبالغ
والسعر اللي انت اخدت به الطير هذا سعر فرخ ولك عليه
يعني طير أليف نادر تلقاه بهذا السعر

لا البائع يمثل سوق القطيف واهل القطيف
ولا حكمك يمثل رأي الأغلبية كذلك
وصدقني هناك من يتعنى لطيور أهل القطيف , هناك أشخاص مميزة في تربية الطيور في القطيف
سواء حمام او دجاج او طيور الببغاء

الى الاخ نمط
انا معاك في كلا من
سوق القطيف معروفة على مستوى المملكة وحتى خارج المملكة
لا البائع يمثل سوق القطيف واهل القطيف

ومعاك على ان هناك من يتعنى لطيور أهل القطيف وان هناك أشخاص مميزة في تربية الطيور في القطيف
سواء حمام او دجاج او طيور الببغاء
[FONT="Arial Black"]لكن [/FONT]

البائعون اكثرهم من منطقة القطيف


والمسالة النصب والغش ليست على السعر يااخوي على الطير نفسه وعلى كلام البائع وهذا يعكس
وقاحة شريحة بعض البائعين



وبالنسبة (على اني شفت الطير بالسوق اليف ) الطير كان مدوخ مخدر مرهق علشان كذا صاير حلاوه وهذا الكلام مو من عندي من خبير ويقول شكله محقون



وموضوع السعر هذا اخر شي اتكلم عنه لان السعر مو هو الشي الاساسي في الي يحب الطيور
لكن سعر الطير الفرخ الي ميجعر على 900 الى 1000واذا ماتدري رح اسال الا اذا غشينك بواحد بايعينه لك 2000او اكثر


وانا ماكتبت قصتي انتغام ولا ابغى حقي منك الله عوضني بطير الحمدلله
ولكن انا كاتب علشان اني احب الخير لاخوي علشان ينتبه من هاالنوعية من البائعين

[نوسة]

طيب يا طير جديد وش سويت بطيرك بعدين لأن انا نفس الشي!

اخذته حركي ولا يجعر ولا شي والبايع يمسح على عادي وبس ركبته السيارة وااااااااع وااااااع!

طبعا للحين عندي صار له 3 شهور او اكثر ونفس الحال من يقرب له احد يجعر!
ولا ياكل فواكه ولا شي بس حب شمسي!

[الكوس]

انزين يا جماعة كيف اكتشف الغش و التخدير