من جرب زيت الزيتون للنتف..؟؟

[كاسكوكيه]

السلام عليكم و الرحمه


اليوم وصلت عندي مرحلة يأس من حالة شامبيه...........


اريد اعرف من جرب زيت زيتون مع طيره و نجحت معاه.. و كم مضت فترة العلاج.. اعرف ان زيت الزيتون حل مؤقت.. بس هالحل والله اريده لو شو ما كان

انا كل يوم افكر في العاب و اغير له جو و اروشه.. و اشمسه.. بس هوه ياكل ريشه.. اريده يوقف عشان يقدر يلعب بالألعاب و يخلي ريشه يطلع


اليوم احس اني خلااص دموعي نزلت.. خايفه عليه

[سكر]

كاسكوكية بس بسألك سؤال,,

تقدري تدبري لك طير آخر يجلس مع شامبيه فترة؟؟

يعني من عند صديقاتك أو أحد تعرفيه تأخذي منه ببغائه الكاسكو وتخليه يجلس مع شامبيه

بس اذا هو ذكر خذيله انثى,, والعكس

خليهم فترة اسبوعين أو 3 أسابيع بس وشوفي بإذن الله ما يصير إلا اللي يرضيك

لا تقولي ناس قالك هنا أو هناك,, جربي أول وبعدين نتفاهم.

إذا ما لقيتي,, اشتري واحد,,, وبعدين بيعيه حتى لو بأقل من قيمته بشوي,,

مجرد إقتراح,, من أخ لأخته,, ويشهد الله هذا الشي إللي كنت بسويه أنا لو إني في مكانك,,,,

تحياتي

[كاسكوكيه]

اخوي عند زوجته فرخ عمره 4 شهور.. و وحده من طالباتي عندها واحد عمره سنتين.. يتكلم بعد ما شاء الله... بس مادري لو بيتخلون عن ببغاواتهم عشان شامبيه


بحاول و بشوف لو اقدر ولا لا....... ولو صار واشتريت ما ببيعه حرام ... =( بالعكس بخليه معاه وبربيهم مع بعض...

اشكرك اخوي.. انا كلمت طالبتي بس عشان اساعدها تدرب ببغاتها.. لانها تخاف منه.. بس يوم خبرتها شو تسوي تشجعت تخليه معاها و تصبر عليه..

[بوسارة]

السلام عليكم

اخت كاسكوكيه

انا جربت ماء البحر وكانة نصيحة احد الاخوان جزاه الله خير

والنتيجه طلعت معي من بعد مرور شهر وشوي والطير توقف عن نتف ريشه والريش ظهر مجددا

بفضل الله ثم نصائح الاخوان

اذا ماجربتيها وناويه تجربينها راسليني حتى اخبرج بالطريقه

تحياتي ودعواتي لطائرك بالشفاء العاجل

[سكر]

مشكلة ببغاء كاسكوكية,, مهي مشكلة في الجلد ولاهي نتف في الريش...

هي مشكلة مضغ الريش,, وليس نتفه,,

يعني المسألة تتعلق بسولكيات الطائر,,,

ونعالجها بنفس المجال,, يعني المجال السلوكي,, أو التربوي,, أو مثل ما يسمونه في العلم البشري,, بالعلاج الإجتماعي.

لو فيه ببغاء آخر معاه أتوقع انه إذا ما انتهت المشكلة,, انها على الأقل تخف كثير,,,

لأن الببغاء بطبعه يحب يرتب ريش شريكه,, ويحب ان شريكه يرتب ريشه هو.

ولو ان المشكلة في الجلد نفسه,, كان تلاقي جلده صار باين,, والريش مو موجود نهائياً

لكن ببغاء كاسكوكية,, صار يقص الريشه الكبيرة,, ويترك الريش الناعم الخفيف,, وكأنه يعتبر هذا السلوك هو الوضع اللي المفترض انه يعمله,, يعني يضن انه قاعد يسوي شي طبيعي كل الطيور مفترض انها تعمل مثله.

تحياتي

[أبو ريـــــــــــــان]

ياكاسكوكية انا جربت طريقة زيت الزيتون على طير كان عندة مرض اهتراء الريش والمنقار يعني كان عنده مشكلتين بالريش والمنقار والحمدلله حصلت نتائج ممتازة جداً في خلال شهرين طبعاً المنقار بأدوية ثانية وفيتامينات وأملاح

لاكن طيرك ماعندة نفس المرض مشكلة طيرك مشكلة سلوكية ماهي مرضية
جربي نصيحة سكر أن شاءالله راح تفيد

[كاجو]

بصراحه أناكل ماشوف شامبيه يضيق صدري لان الطير بالشكل هذا ينرحم

وتحسه تعيس مو مثل باقي الطيور جربي طريقة سكر وأن شاء الله تجيب نتيجه

وأنتظري موضوعي عن نتف الريش وان شاء الله بتستفيدين ..



.

[كاسكوكيه]

المشاركة الأصلية كتبت بواسطة بوسارة

السلام عليكم

اخت كاسكوكيه

انا جربت ماء البحر وكانة نصيحة احد الاخوان جزاه الله خير

والنتيجه طلعت معي من بعد مرور شهر وشوي والطير توقف عن نتف ريشه والريش ظهر مجددا

بفضل الله ثم نصائح الاخوان

اذا ماجربتيها وناويه تجربينها راسليني حتى اخبرج بالطريقه

تحياتي ودعواتي لطائرك بالشفاء العاجل

ألحين حطيت له زيت زيتون.. و ان شاء الله كلمت ناس عندهم كاسكو بيحاولون يرسلوه لي..

بعد شهر لو حسيت ما في تغيير بشوف شو اقدر اسوي

مشكور و ما تقصر

[كاسكوكيه]

المشاركة الأصلية كتبت بواسطة أبو ريـــــــــــــان

ياكاسكوكية انا جربت طريقة زيت الزيتون على طير كان عندة مرض اهتراء الريش والمنقار يعني كان عنده مشكلتين بالريش والمنقار والحمدلله حصلت نتائج ممتازة جداً في خلال شهرين طبعاً المنقار بأدوية ثانية وفيتامينات وأملاح

لاكن طيرك ماعندة نفس المرض مشكلة طيرك مشكلة سلوكية ماهي مرضية
جربي نصيحة سكر أن شاءالله راح تفيد

هيه اذكر مشكلتك.. انا فكرتي عن زيت الزيتون انه الطير يقرف من ريحته.. و تعرف.. انا جربت زيت الزيتون عليه.. و احسه ما يمس ريشه مثل الفتره الي فاتت.. اقل.. بس لسّه.. يحاول..

ان شاء الله بشوف شو يصير..

[كاسكوكيه]

المشاركة الأصلية كتبت بواسطة كاجو

بصراحه أناكل ماشوف شامبيه يضيق صدري لان الطير بالشكل هذا ينرحم

وتحسه تعيس مو مثل باقي الطيور جربي طريقة سكر وأن شاء الله تجيب نتيجه

وأنتظري موضوعي عن نتف الريش وان شاء الله بتستفيدين ..



.

انته تشوف الصور بس.. انا اشوف معاي 24 ساعه ..

المهم.. لا تطول علينا بالموضوع ..