ظهور أول بيضة والحمدلله

[طير الهوى]

،،

السلام عليكم ورحمة اللهـ وبركاتهـ

حياكمـ الله جميعاً

قبل شوي جاني إحساس غريب ورحت أكشف على الجوز اللي عندي وأتفرج على آخر المستجدات

قبل شهر تقريبا أو أقل بقليل .. جبت انثى للذكر اللي عندي .. بعد ماربيته وعلمته أصول المرجلة ( وخر عنه )

الذكر كان عندي من يوم هو فرخ وربيته واليف وكل شي .. وقررت اجيب له محروسه تجيب له عيال يشيلون اسمه ( والله يا انا دخلت جو )

عاد من يوم جبتها وهو يغرد لها ويرقص ويستعرض .. لما صرت اشوفه من اسبوع .. يلقحها باليوم أكثر من مره وقدام عيني ..

من وقتها .. صرت احضر لهم الغذاء المناسب .. والاغذيه المساعدة على التفريخ وكذا .. بناء على المواضيع الموجوده بمنتدانا الغالي

والحمدللهـ اليوم شفت أول بيضة داخل صندوق التفريخ ..

السؤال اللي يبطح نفسه ..

*هل اذا فتحت غطاء صندوق التعشيش فيه مشاكل عليهم ؟؟

*هل لمس البيضه يسبب مشكلة ؟؟ لانه فيه واحد من الاخوان هنا بالمنتدى عنده جوز باض ولكن يقول لقى البيض كأنها حبة عنب مافيه قشرة بسبب نقص الكالسيوم .. انا اللي عندي جايب لهم عظم حبار (كالسيوم) بس ودي أتلقف واشوف القشره زينه والا لا هع هع

* غير الكالسيوم والبيض المسلوق واعواد الجرجير .. وش تنصحوني فيه ؟؟


ومشكورين جميعاً

،،

[Nuha]

ألف ألف مبروك
بارك الله لك في الموهوب لك، وشكرت الواهب، وبلغ أشده، ورزقت بره


ماحد قدك بتصير جد

[رامبو خان]

مبروكين وان شاء الله تشوف فروخهم
بس ابي اعرف وش الالوان
والانثى اللي جبتها اليفه ولا لا؟؟؟؟؟
والبيض خله اذا الله كاتب له انه بيفقس بيفقس ولا بكل دقيقه تفتح باب العش عليهم
ترى الركاده زينه

[طير الهوى]

المشاركة الأصلية كتبت بواسطة Nuha

ألف ألف مبروك
بارك الله لك في الموهوب لك، وشكرت الواهب، وبلغ أشده، ورزقت بره


ماحد قدك بتصير جد

الحمدلله على كل حال

هذي هي الدنيا

امس ابو واليوم بصير جد

هييييييييييييييه يالدنيا

<<< المستخدم هذا عاش الدور

الله يوفق بس ويفرخون واصورهم لكم ..

مشكوره خيتوو نهى على طلتك ومرورك

الف شكر

،،

[طير الهوى]

المشاركة الأصلية كتبت بواسطة رامبو خان

مبروكين وان شاء الله تشوف فروخهم
بس ابي اعرف وش الالوان
والانثى اللي جبتها اليفه ولا لا؟؟؟؟؟
والبيض خله اذا الله كاتب له انه بيفقس بيفقس ولا بكل دقيقه تفتح باب العش عليهم
ترى الركاده زينه

هلا والله وغلا رامبو خان

الله يبارك فيك ويخليك يارب ..

اما الالوان .. الذكر رمادي .. والانثى ايزابيلا نخب أول

والانثى ماهي وليفه .. الذكر بس هو الوليف

وان شاء الله البيض ماراح المسه ولا اجيه .. ولا راح افتح العش .. واللي اشوفه يفتح العش ياويله ويلاه .. بقول له عيب تسوي كذا ( لا والله ؟ )

مشكوور اخوي رامبو خان على هالطله والمرور الحلووو

،،