هل قص ريش الطائر يؤثر عليه نفسيا ؟؟

[abo hmod]

عندي سؤال مهم يا شباب هل قص الريش يزعل الطير على المدى البعيد واذا كان صح كم الفترة الي تخلي الطير ينسى ........
لان عندي طير كاسيكو عمره سنتين واخف اقص جنحانه يزعل علي لانه متعلق فيني مرة واخف اقصها يشيلها في خاطرة........
تقبلو فائق تقديري وامتناني لجميع ردودكم

[امزوني وبس]

هلابك اخوي

انا انصحك انك توديه محل مختص يقص ريشه ويكون عنده خبره وبنفس الوقت عشان مايحقد عليك الطير

وتخترب علاقته معك

[سكر]

أبو حمود,,,

الافريقي بالذات لو عملية القص أخذت فترة قصيرة جداً يعني 5 دقائق بالكثير,,,

بإذن الله ما تأثر,, بس لازم تكافئه وتعطيه اكل وتتصرف معاه بلطف بعد القص.

أما لو طالت الفترة بترسخ في باله أكثر واكثر في بعض الاحيان...


لكن في الغالب ما يتأثر الطير ولا تتأثر نفسيته.


وفرصة تأثره نفسياً واردة ولكنها قليلة الحدوث,,, رغم أن المنتشر والشائع بين الهواة أن قص الجناح يصيبه بحالة نفسية مؤكدة.

وانا عن تجارب وليست تجربة واحدة,, أقول لك أن هذه الحالات نااااااااادرة.

وإن أخذ موقف, فقد أخذه بسبب الأسلوب وليس القص....!!


تحياتي

[جداااوي]

بشرط اخوي يكون الطير مغطا وما يشوف جناحه وهو ينقص
انت لا تقص له وده عند احد خبير في القص
وسوي زي ما قال الاخ سكر كافئه ولاطفه

[مجنون عويشق]

السلام عليكم

ياغالي

اذا لك خبره في قص الجناح قصه ...واذا ماعندك خبره وحتى لو كان الطائر اليف فد يكون خايف من المقص او او و وقد تخطا لاسمح الله

بالتوفيق

[كاسكـــو]

والله هو ممكن يتأثر ويقلب عليك لكن موب اكيد محتمل

وشاهدت موضوع احد الاعضاء واجهته مشكله يوم قص جناج ببغائه تغير عليه

وهذا اللي خلاني اقول ممكن

لكن عشان ماتكون في حيرة من امرك اسلك اقصر الطرق خل غيرك يقصه

اقرب شي لك بيطري يقصه بطريقه صحيحه خل احد غيرك يدخله على البيطري

انت خلك برى الموضوع انتظر بالسياره

برئ نفسك

[زياد محمد]

مساءالخير شووف اخي ولايهنوون اخواني سكر وجدااوي وهم افضل مني لاكن لاانسى آمزووني وكاسكو هم اعرف لاتقصه بنفسك عشان لايتغير عليك الطير ليش القلق اقرب محل ولا مختص وخله يقصه وانتهى الاشكال تقبل مروووري بدوون مخالفات هههه

[كاجو]

مراحب اخوي

طبعاً الاخوان الي قبلي ماقصروا لاكن عندي لك قصه اسمعها وانت الحكم:

عندي كوكاتو اليف جداً مع كل الناس عادي يلعب مع اي واحد حتى لو اول مره يشوفه

وحتى لو سويت له شي مثل الاطفال لو يرمونه بشيء ينسى بسرعه عنده ماشاء الله

روح مرحه .. عطيته واحد يقص جنحانه طبعاً أهو شافه اليف ومايعض مأهتم كثير أنه

يلفه زين لاكن الطير شافه وهو يقصه وطبعاً لاول مره يعض وعضه الاخ لما خلص حطه

بداخل القفص ولم مريت أخذه طلعته أحطه على يدي ولما جلس على يدي وقرب مني

الي قص جنحانه هجم عليه وعضه عض لدرجة اني حسيت ان هذا ماهو ببغائي ورجع

على يدي وكأنه ماسوى شيء طبعاً أنا أستغربت لاكن الرجال قالي عادي أهو كرهني

لانه شافني وأنا أقص جناحه وكل الطيور تسوي غالباً كذا..



.

[abo hmod]

الله يخليكم يا شباب ماقصرتو والله اجبتم بشكل مثالي على استفساري

لاكن عندي استفسار اخر ..............؟؟

هل يوجد بديل افضل من قص جناح الطير ؟ او بديل على اي حال حتى لو لم يكون افظل ؟

[سكر]

ايوه يا قمر فيه بديل

تلصق جناحة بشريط لاصق حق الكهرباء,,, بس تلف الشريط لفات كثيرة حتى تضمن قوة أكبر مع منقار الببغاء.

يعني تجمع مثلاً سبع ريشات من الريش الأول وتلصقه بقوة مع بعض فترة.

وهذي طريقة جربها على ما أضن أخونا هاز الله يعافيه وبعض الأعضاء الثانين جزاهم الله خير

بالتوفيق