الشيرازى--سؤال

[تركوازية]

"سبايكي" اول ما خذته اسبوع ما كان يقرب صوب الاكل الا نادرا و اذا كل..اكل له حبتين ورجع نام....وكنت احط له الدراي فود على طول في الصحن ...بعدها باسبوع انفتحت شهيته...وبدا ياكل بعد ما تعود علي و على المكان....وطبعه كان وايد كسول...حده ينام ويصحى على طول يركض عند الاكل ياكل حبتين و يرجع ينام...لين كمل 3 شهور..والحين ما شاء الله يلعب ويناقز...وامس نقز من الدور الاول للارضي من الحماس والحمدلله ما صار فيه شي...

لا تعصب عليه خلك ريلاكس لانه القطاو الشيرازيين طبعهم الهدوء و الدلع والكسل...ويحبون اللي يحن عليهم و يشيلهم ويدلعهم..واحلى شي تقعد على الكمبيوتر و تخليه ينام جبنك و على ريولك يستانس..وتدغدغه عند رقبته و تمسح على رسه..حاول وبيموت فيك مثل ما سبايكي يحبني و يشرد من اخواني لانه لعبهم خشن معاه و يلعوزونه...

حاول تحط له جبن مثلثات يحبوونه وايد...وبيض مسلوق بعد يحبونه...وعلى فكره العلبات ريحته مب حلوه ابد و قوية و قطاوتي ما يحبونه...بس يحبون الدراي فود من رويال كانين ريحته هاديه...ويحبون الدجاج المسلوق مع البطاط والجزر..