انتفاخ بين الصدر والمنقار

[نـــوّيــــر]

السلام عليكم ..

أنا سافرت تقريبا 5 أيام عن الكاسكو ، وحطيته عند صاحبي ، المهم بعد يوم من سافرت يقول صاحبي بدأ عليه آثار الكسل ويالله يالله يوقف على حيله ويهز راسه يمين ويسار بين فتره وفتره ، يوم رجعت من السفر رحت شفته ولاّ طالعتله تفخه تحت المنقار وفوق الصدر ، أحط إيدي على هالتفخه أحس بدقات قلبه سريعه .. ويقول صاحبي ماياكل أبد ، حاول اوكله جم حبة شمسي أكل كم حبة وبس ، شربته ماي شر شوي ووقف من الشرب ، والحين مرات يفتح عين وحده بس ، وهم بعد تكرمون يسهّل مااااااي ..

أرجوا إنكم فهمتوا شنو المشكله وأرجوا إنكم تحلونها ..

أخاف يموت الحين ..

وانشالله أحاول بكره أحطله صوره ..

وشاكر لكم حسن تعاونكم ..

[جادو]

الاخت نوير أولا مايشوف شر طيرك-قبل فترة تعرضت الكاسيكو حقي الى نفس هذي الاعراض وطلبت مساعدة من الأعضاء وماقصرو امعي ربي يجزاهم خيروقال لي الاخ عازف أنها تعاني من مرض الميكوبلازما ووصف لي الدواء حق هذا المرض والحمد الله بفضل الله ثم بفضل مساعدة الاخ عازف تحسنت وهذا الدواء اسمه تايلان في موضوع كامل عن هذا المرض في المنتدى ومثبت أتمنى أنك ترجعي له ولأتتأخري على الطائر أخذيه عند البيطري وربي يشفيه لك وتبشرينا عنه والأعضاء ماراح يقصروا معاك

[Reyad]

وديه البيطري بسرعه , شناااطره , مايحتاج سؤال...

[الكاسيكو]

السلام عليكم اخي العزيز هذا المرض الذي ذكرته يختلف عن ماذكرته جادو ماذكرته انت هو عباره عن اصابه بكتيريه يصاب بها الطائر نتيجه لسوء النظافه اي ان الطائر تناول من خلال اكله اوشربه شئ ملوثه لعدم العنايه بالاكل والشرب والعلاج هو اعطاء الطائر مضاد حيوي وايضا القيام بعمليه جراحيه بسيطه لأزاله التورم الذي تحت المنقار ليستطيع الطائر من الاكل لان هذا الانتفاخ مؤلم ومسبب لاسداد مجرى الاكل . وبالنسبه للاسهال فهذا بسبب كثره الماء لعدم تمكن الطائر من الاكل

ملحوضه : يجب عمل جراحه بدون تخدير لأن لايحتاج وصحه الطائر لا تساعد على ذلك