أرجو منكم مساعدتي بهذا المرض (صور بالداخل)>نتف ريش الجسم+الرقبة<Alexadrine Parakeets

[رامبو خان]

لاتقص جناحه لان هو الحين مامعاه ريش
انت عطه فتمينات او وده الى مربي ببغاوات عشان يسويله طوق حتى مايقدر ينتف ريشه
وانت استخدم هذي الفتمينا لانها جيده اسمها __نيترو ماي سي___ هي بودره تحطها في المشربيه بمقدار نص ملعقه سكر لمده اسبوع ثم توقف عنها لمده اسبوع وتعطيه لمده اسبوع وكذا
بس انت وده لمربي ببغاوات عشان يسويله طوق
وعااد كثر من طلعاتها من القفص وحط لها العاب

[stt95]

أخي هذا مرض لا يوجد له علاج وهو ال BPFD ( إهتراء الريش الفيروسي)

وهذي حاله متقدمة من هذا المرض إفصل عنه الطيور لأنه معدي

[أبو ريـــــــــــــان]

أخوي فية طريقة انشاءالله تفيد معاه وهي ادهن جسمة بزيت الزيتون كل ثلاث ايام بعد التسبيح يعني اتسبحة وخلة ينشف وبعدها ادهنة بزيت الزيتون وحط لة العاب واعواد او مسواك علشان يلها فيها وحط له فيتامينات واحماض امينية لانها تفيد في نمو الريش لاكن ما اضمن لك انة مايرجع ينتف الريش مرة ثانية لان المرض هذا مزمن وصعب الشفاء منة .

[قمة افرست]

هلابك يالغالي ودي لو انك تاخذ عينه من دمه وترسلها للمختبر في كندا ب25 دولار تقريبا
وانا اتوقع انه حاله متقدمه جدا من مرض يسمى BPFD وهو مرض اهتراء الريش الفيروسي
وليس له علاج ولكن يوجد له مهدئات فقط وهو بخاخ نسيت اسمه بس يجي لونه اخضر مع ابيض مكتوب عليه مصنوع من مواد طبيعيه بالانجليزي
المهم مالك بالطويله انت ارسل عينه للمختبر وهم بيقولون لك هلو يوجد لديه مرض اهتراء الريش او لا

[Reyad]

المشاركة الأصلية كتبت بواسطة K-O-H

السلام عليكم ورحمة الله وبركاته

لدي ببغاء Alexadrine Parakeets ذكر

عمره 6سنوات ومربينه من كان عمرها اسبوعين...وكل يوم أشوفه 5مرات على الاقل

صورة لها وعمرها سنة...سنتين

http://up.dwltna.com/viewer.php?file...ov2u6e531x.jpg


أنا مربينها تربية (دلع) خخخ المهم انها يوم صار عمرها 3سنين جاها مرض مادري طريقه علاجه ايش لانه مافيه دكتور بيطري بالمنطقة اللي أنا فيها

وأحين صار له 3سنين بها المرض...قبل شهرين شرينا له أنثى مو مربيه أصغر منه


وهاذي صور للمرض(نتف الريش-ضرب القفص بالمنقار كثيراً) التقطت اليوم..العمر6سنوات

http://up.dwltna.com/viewer.php?file...fcynnlkdcg.jpg

http://up.dwltna.com/viewer.php?file...7p3m665hb7.jpg

http://up.dwltna.com/viewer.php?file...b4845d983n.jpg


علماً أنه المرض صار له 3سنوات...وشريت له زوج قبل شهرين ومع الاسف كله ضرب والزوجه اذا شافته يتكلم معي تحاول تعضه من ذيله أو الجناح....وهو أكل 5أصابح عصافير حب!! بسبب القفص كان جنبه +يحاول ياكل أصابيع الزوجه!....وهو يتكلم ونشيط


هاذي صورة زوجته خخخ http://up.dwltna.com/viewer.php?file...kvdkcb11o4.jpg

وهو ماطيرناه خارج القفص الا يمكن بس 15مرة أو أقل !!

أرجو منكم ابلاغي بالحل علماً أنني أطعمه الفواكه+المكسرات كثيراً

والله انه حلو لو بس يروح المرض أرجو المساعدة

موفقين ان شاء الله

اخي العزيز KHO
الله يعينك ويشافي طيرك , انا عندي العلاج , وهالعلاج مجرب 100% , وانت جربه منت خسرات , تاخذ جريد النخل ( سعف النخل) وتقص الاوراق اللي عليه , وتحطه للطير بالقفص خل الطير يعضضه وينتفه وراح تشوف النتيجه انشالله.

وماتشوفون شر

[K-O-H]

مشكووورين كلكم عالتفاعل

وبصراحة المشكلة ان طيرته راح يهرب منّي وان مسكته يعضضض

مو متعود على المسك أبد


بس أنا متأكد انه نفسي 100% من سلوكه اللي يضرب نفسه اذا مشيت عنه

يضرب راسه مقل المطرقة بأرضية القفص

ويمسك رجوله ويتكلم معها!!

راح أجرب اللي قلتوه بس ماتوقع انه المرض أبد لانه صار له 3سنوات ومعاه طيور أخرى وماصابها شي

وبالنسبة اني أرسل عينة فماقول الا الله كريم :s


عادي لو حطيت الملعقتين سكر في الماء وتشرب منه الانثى اللي معاه؟؟

وبالنسبة للفيتامينات أنا أعطيه كل شي بس هو مايحب ياكل من جبنا الانثى وهو كارهني

الخس مايبيه ولا الجزر


ممكن تقولون لي الاطعمه اللمهمة كلها وراح أوفرها

+

الزيت الزيتون راح أجربه

+

ماراح أقصقص الجناحين أبد

+
أنا مافي دكتور بيطري جنبي يعني لو ممكن توضحون لي اسم دواء معين أطلبه من صديق مسافر

وبالنسبة للطوق ماعتقد محلات الطيور عندهم الطوق وأخاف يجيه تشنج أو انه يتألم من الهواش مع الانثى قـ هي تضربه وكأنها تلعب وهو يكتفي بالهروب السريع تاركاَ ذيله لتعضه وتكسره




مشكووورين مرة ثانيه وراح أجرب كل الطرق


موفقين ان شاء الله

[محبه الببغاوات]

انا اقول لك لاتقص جناح الطير..بعدين بتتسبب في المشاكل....وده حق المحترفين حق الطيور..

[K-O-H]

راح أشتري بخاخ مثل حق الحلاقة وبعبيه زيت الزيتون لانه جلده بصراحة قرف

وبشتري قفازين لانه يعضضضض

وباجرب أسبحه مرتين في الاسبوع

وبالنسبة لسعف النخل....أخوي قصدك السعف والا الورق؟؟ يعني الاخضر والا الاصفر ^_^

موفقين ان شاء الله

[عبدالله عيسى]

ما شاء الله الطير جميل جدا بس للاسف ما عندي اي فكرة عن العلاج
وبالنسبة لكلام الاخ السعف يعني قصده الجريد كامل تقص منه وتحط في القفص
انت امشي على كلام الاعضاء وانشاء الله يشفى من المرض

[K-O-H]

مشكووور على المرور وأنا بدأت العلاج بالزيت الزيتون وراح أحط صور قريباً