عضو جديد..وعندي كم سؤال؟؟

[دانيل]

السلام عليكم ورحمة الله وبركاته
اخواني انا عضو جديد في المنتدى,ماشاء الله عليه قمة في الروعة والجمال والأعضاء زايدنيه حلى صراحه انا استكشفته قبل لا اسجل في بس لقيت لازم الواحد يسجل فيه عشان يستفيد ويفيد بإذن الله.
اخاوني انا عندي كم سؤال؟؟
1-انا اخذت لي بغبغاء كاسكو من اسبوعين تقريبا عمره 6 اشهر هل هو بهذا العمر يستطيع الكلام؟لان تقريبا من يوم ماجبته ما تكلم ولا صفر الا مرتين؟؟
2-وين احسن مكان احطه فيه؟وهل ممكن اخرجه من القفص ولا يبيله مدة؟
3-بالنسبة للترويش كم مرة في الاسبوع؟
4-طيب الحين الطير يأكل من يدي لكن ما يخليني امسح على راسه ولا يطلع فوق يدي.ويوم اقرب يدي من القفص ينفخ ريشه
5-اخر سؤال,كم المدة حتى يتعود الطير عليك ويتكلم ويخليك تمسح على راسه ويطلع فوق يدك؟
هذه اسئلتي ومعليش طولت عليكم
وشكرا..

[EVO46]

1_الكاسكو الصغير يتعلم الكلام بسرعة 2 _مكان مافيه برودة زايدة علشان ما يمرض خله في مكان معتدل 3_الترويش مرة فالاسبوع 4 _ لنه بعدة ماتعود عليك والمكان غريب يباله وقت بس علشان يتعود ويوثق فيك 5 _ الكاسكو الي عندي تعود علي في 6 ايام اهني اقولك انته وذكائك مع الكاسكو بس بما انه اصغير صدقني بيتعود عليك بسرعة .

[دانيل]

مشكووووور اخوي على ردك شرفني مرورك.
بس الطير عندي له اسبوعين ماصفر الا مرتين بس هل هذا شيء طبيعي؟؟

[عاشقة الطيور]

وعليكم السلام ورحمة الله وبركاته

اي طبعا شي طبيعي .. في ناس ببغاواتهم يطوف شهر ماسمعو لهم حس .. لتخاف ممكن انه للحين ماتعود على المكان عدل

وحط بالك عليه

بالتوفيق

[stt95]

أسئلة مكررة دائما


الموضوع المثبت في القسم ل300 سؤال وجواب أكيد تحصلين الأجوبة

[دانيل]

مشكووووورين على المرور يعطيكم الف عافية.

[البحر]

حاول انك تتكلم مع الكسيكو وصفر له ولعب معاه راح تشوفه واحد ثاني بأدن الله

بالتوفيق عزيزي

[*حامي الحيوان*]

شوف أخوي العمر المتفق علية للكاسكو انه يتكلم هو 8 شهور وطبيعي انه مايصفر لانك توك شاريه وبلنسبه لاحسن مكان أنك تحطه بمكان معتدل البروده وبعيد عن الاطفال والتلفزيون بلفترة هاذي وعلى فكرة الكاسكو الصغير بسرعة يتعود على صاحبه بس الحين لا تطلعى خلى ياخذ فترى ويتعود عليك وبالنسبه للترويش مثل ما قال أخويevo46 3 مرات بالاسبوع وأنت الحين تبي يطلع على يدك بهاذي السرعة بس أحمد ربك أنا شريت طير كبير يمكن عمرة سنتين وبأربع شهور تعود على وأنت يمكن طيرك ياخذ مدةشهرين عشان يتعود زشكرا.