جديد و أبغه خبرتكم

[%عاشق الهامستر %]

السلام عليكم و رحمة الله و بركاته

أنا و دي أشتري قطو و بغيت مسااعدتكم

فحبيت أعرف لو أن راع المحل قالي أن القطو مطعم فيصير خلاص

ما عاد أطعمه و حبيبات الكريستال كيف أستخدمها

أنا دخلت مواضيع بس الصور ما تظهر فما عرفت كيف أستخدمها

و أيت أفضل الكريستال أم الرمل و أنا ودي بقطو بلدي من وين ألا قيه في جده

وكم سعر تطعيمات القطو و سعر القطو نفسه كم و هل هو يسقط الشعر و لو أبغه أسافر بالقطو

كيف أطلع ليه جواز السفر

و أسف لو طولت عليكم

تحياااتي

أخوكم

%عاشق الهامستر%

[عاشقة الطيور]

وعليكم السلام ورحمة الله وبركاته

يعني على حسب عمر القط الي بتاخذه اذا توه صغير وقالك مطعم مثلا يمكن التطعيم السنوي واول تطعيم له واذا عمره فوق 16 شهر ومطعم اهني خلص تطعيمه

الكرستال بس تحطها في البوكس واذا على الوصخ الله يعزك اشتري مغرفه فيها فتحات احسن عشان الكتل بس اهي الي بتم

انا عندي توماس عباره عن حصى وريحته مثل الصابون ممتاااز .. ماادري والله انا من البحرين

ان شاءالله اهل السعوديه يساعدونك في الاسئله الباقيه

مااعرف عن الجواز

واسفه على القصور

[sisi_moon]

المشاركة الأصلية كتبت بواسطة %عاشق الهامستر %

السلام عليكم و رحمة الله و بركاته

أنا و دي أشتري قطو و بغيت مسااعدتكم

فحبيت أعرف لو أن راع المحل قالي أن القطو مطعم فيصير خلاص

ما عاد أطعمه و حبيبات الكريستال كيف أستخدمها

أنا دخلت مواضيع بس الصور ما تظهر فما عرفت كيف أستخدمها

و أيت أفضل الكريستال أم الرمل و أنا ودي بقطو بلدي من وين ألا قيه في جده

وكم سعر تطعيمات القطو و سعر القطو نفسه كم و هل هو يسقط الشعر و لو أبغه أسافر بالقطو

كيف أطلع ليه جواز السفر

و أسف لو طولت عليكم

تحياااتي

أخوكم

%عاشق الهامستر%

اي اذا قالك مطعم ماتطعمه... و خل يعطيك اثبات يعني مثلا شهاده فيها تطعيماته

الكريستال .. مادري ماجربته اناا .. بس هو تخلطه مع الرمل

بس يفضل الرمل برووحه عشان يتكتل

التعطيمات 3 كل وحده بقيمه 35 _ 45

الجواز امم ماعندي علم بالضبط ومابي اقولك شي مو اكيد

انتظر الي مطلعين جواز لقططهم يقوولوون لك

بالتوفيق

[%عاشق الهامستر %]

يسلمووو أخواتي علي مساعدتكم

طيب لو سمحتوا كيف أنظف بكس الرمل حق القطو

و ممكن أستخدم معاه مطر مثل ديتول و ألبس في يدي قفاز

و حبيت أسأل أيت أحسن في التربيه الذكر ام الأنثه

و إمته يطالب القط بالتزاوج في عمر كم و كم مره أحممه يعني كل شهر

أو اثنين أو أقل

و أسف علي الإطاله

[sisi_moon]

المشاركة الأصلية كتبت بواسطة %عاشق الهامستر %

يسلمووو أخواتي علي مساعدتكم

طيب لو سمحتوا كيف أنظف بكس الرمل حق القطو

و ممكن أستخدم معاه مطر مثل ديتول و ألبس في يدي قفاز

و حبيت أسأل أيت أحسن في التربيه الذكر ام الأنثه

و إمته يطالب القط بالتزاوج في عمر كم و كم مره أحممه يعني كل شهر

أو اثنين أو أقل

و أسف علي الإطاله

حق تنظيف الرمل فيه مشقاحه

ههها سوري بس ماعرف اسمها مضبوط بس اتوقع مغرفه او مجرفه او مجرافه .. شي من كذا

زبده الكلام ان يجي نفس المغرفه بس ان في فتحاات

تغرف من الرمل وتهزه عشان تنزل حبيبات الرمل ويبقى الوسخ

وترمي الوسخ في كيس

وكل حين كرر العمليه لين تشوف الرمل نظيف

وارمي الكيس برا في زباله الشارع عشان مايطلع ريحه في البيت
-----------

المعطر

افضل شي تشتري بوده معطره للرمل وتكبها في الرمل بعد التنظيف

ولازم تلبس قفاز
----------
الانثى والذكر نفس الشي

بس يفرقون في طلب التزاوج

يعني الانثى تصوت وتتقلب عالارض

اما الذكر يرش بول في البيت او ممكن يصوت بعد
----------------
يطلب التزاوج في العاده بين 6 شهور وفووق

بس الانثى افضل شي تزاوجهاا لين يصير عمرها سنه عشان رحمها بيكون اكتمل

اما الذكر متى مابلغ زاوجه
----------
التحميم .. مره كل اسبوع .. يعني اربع مرات في الشهر

بالتوفيق

[%عاشق الهامستر %]

يسلمو أختي أنا قصدي البكس نفسه أغسله

عشان ما يكون فيه أي مكروبات و أنا أبغه أشتري قطوة أنثه

بس ما أبغاها تجيب أطفال فعادي لو ما زاوجتها

و الحموم أقلله في الشتاء يعني كم مره أحممها في الشتاء

و أسف و الله تعبتك معي

[sisi_moon]

هههههههههههها وانا جالسه اشرح المشقاحه وفي الاخير ماتقصدهاا

شوف

كل مره تغير في الرمل اغسل البوكس بماي وديتول عشان يتعقم ويتطهرر

وفي الشتاء مره بالشهرر

هو عادي عن انك ماتزاوجها .. بس ماادري انا مارجح هالشي لان الانثى تتعب اثناء طلب التزاوج

لدرجه انها خلص ماتقدر تمشي ... تصير تحبي

فـ احس صعب مسكينه كل شهر يصير لها هالمنوال

هذا غير الازعاج والصوت الي بتتذمرون منه

وعادي اخوي لا تعب وولا شي

الناس للناس ^,^

بالتوفيق

[%عاشق الهامستر %]

مشكوره و الله

طيب لو جبت ذكر أزوجه مره و حده و خلاص

و لا كل شهر و هو مسويلي منااااحه >>>كخخخخخخخ ونعم التعبير

بس يعني في السولكيات من الأفضل الذكر و لا الأنثه

[ماروكو]

الانثى احسن .....الذكر ممكن بأي وقت يطلب و بسير بعيد عنك يرش بول بأي مكان... وبوسخلك البيت .. اما الانثى بتطلب التزاوج بوقت معين كل شهر .....بس والله هيك حرام ما تجوز البس الي بدك تجيبو كان ذكر ولا انثى .... يعني ازا خلفت البسبوسة بتقدر تبيع اولادها وتكسب ..................بس حرااااااااام تمنعهم

[sisi_moon]

ههههههاي

والله الذكر في الغالب كل يوم يسوي منااحه

يعني كل يوم يبي يتزووج و لا يرش لك البيت

وبعض القطط لا مو كل يوم كل فترره

الافضل من هالناحيه الانثى

ماترش وتطلب كل شهررر