اريد خبير جيرمن شيبرد

[rakoon]

أخوي الحين أغلب الناس هني بيقولون أنه لازم يكون في كسحه بظهر وهذا الكلام غلط مو شرط لأنه في أنواع جيرمن يستخدمونه بشرطه الأمريكيه ما عنده كسحه لأنه عنده لياقه أكبر من بو كسحه

وفي ناس بيقولون انه لازم ذيله يطق الأرض اهوا مو شرط لأنه الأنواع لتكون مافيهم كسحه نادر جدا انك تلقاهم ذيلهم يطق الأرض طبعا ممكن يطق الأرض لو كنت موقفه على وقفه الشو هذي الوقفه معروفه ب أسم وقفه الشو ليكونوا ريوله راده للخلف وهلوقفه تحتاج للوقت لأنه لازم يكون عنده لياقه

بنسبه لريوله او الساق الخلفي لازم يكون نفس في طويه يعني فيها انحناء تكون نازله بعدين تدش داخل وترد


اما بنسبه للكلب لناس تستانس عليه او العرب يحبونه لانهم مقفلين عقلهم أنه اجمل شي وأحلى شي وأغلى شي يكون كتالي :

1- انه يكون في كسحه سواء عند الجلوس أو الوقوف
2- انه يكون ذيله طويل واصل الأرض
3- انه تكون أذونه منتصبه وفكه صغير
4- ان يكون يا بلاك جاكيت او عادي مايصير بين البينين
5- ان يكون يا شورت هير او لونج هير

تذكر هذي هي مواصفات البيور 100% وأعتقد انه مافي وايد منهم بلمنتدا بس قتلك مو شرط يكون نفس المواصفات المهم مسجل ومختوم او تروح تفحصه وتسجله وتختمه بنفسك.