دايموند دوووووف (( الماسي ))

[قطرررررررررررري]

بسم الله الرحمن الرحيم


السلام عليكم ورحمة الله وبركاته


موضوعي اليوم عن اليمام الماسي (( دايموند دوف ))...

مثل ماتعرفون الماسي من فصيلة اليمام ويتميز بصغر حجمه وبعد يتميز بصوته الأكثر من رائع

وأكثر شي اقدر أشبه فيه صوته هو ( بصوت الناي )

فالمواضيع المثبتة ---في مكتبة أنواع الحمام --- يوجد موضوع خاص بهذا النوع

وفيه كل المعلومات بشكل منظم ومختصر

وهذا هو الرابط للموضوع ----- http://www.2zoo.com/vb/showthread.php?t=34576



لكن أهم معلومة لنا يا أهل الخليج إن الطيور تتحمل الجو (((( الحار ))))


وأنا عن نفسي كانت لي تجربه مع هذا النوع من اليمام في فتره من الفترات لكن

للأسف ما كنت أصور واهتم بالتصوير نفس ما قمت اهتم فيه بالفترة الأخيرة مع الحمام واليكريم

وكانت عندي كميه بعتها وخليت عندي جوز واحد فقط وللأسف مات الذكر

وتمت النثيه عندي فتره طويلة وأخيرا قررت اشتري ذكر

على الأقل تكون عندي ذكرى لهم بالصور واحتفظ فيها مع باقي صور الحيوانات اللي ربيتها

وفي نفس الوقت قلت أسوي موضوع عن تربية الدوف وإنتاجه وأوضحه لكل شخص حاب

يربي هذا النوع من اليمام

=====================================

أول شي قبل لاشتري الذكر

جهزت القفص اللي بخلي الجوز يعيش فيه وبما إن القفص فالخارج فكنت احتاج لعمل ظل

لسقف القفص وقلت أحسن طريقه هي (( سعف النخل )) عشان تعطي جو مناسب

لليمام

وبعد بما إن الماسي من الطيور الخجولة والخوافة واللي دوم تلجأ لكسر البيض في حالة الإزعاج

أو التخويف من قبل الأطفال أو حتى لكبار لو كل شوي أزعجوهم

فكنت احتاج لعمل حاجز خفيف من الشبك الأخضر

أولا يخفف من تيارات الهوى

ثانيا يحسس الطيور بالأمان

وهذي صورة القفص بعد تعديل السقف ووضع الحاجز الجانبي





لكن هذا القفص فيه عيوب وانأ ادري بعيوبه بس كنت حاب أنى استغله بدل ما خليه مرمي

أهم عيوبه إن تغير العش صعب جدا وخاصة لو كان فيه أكثر من جوز

لان العش لازم يتغير بعد كل تفريخ وبعد لازم وصول للعش يكون سهل عشان عزل البيض الفاسد

وبعد لو لا قدر الله مات فرخ تقدر تشله أو حتى لو مرض فرخ

وأفضل شي عمل قفص كبير قياس 3م * 3م ارتفاع ما يقل عن 2,5م ويكون فيه أغصان وأعشاش

وكميات كبيره من الطيور الماسي

لكن في حال تعثر المكان مثلي أنا من كثر لقفاصه والحمام وما حصلت لهم مكان كبير يناسبهم

فحصلت أفضل طريقه تفصيل قفص بارتفاع 1.60م وعرض 1.20م وعمق 80سم وهذي صورته






وبعد الباب الرئيسي للتنظيف يكون صغير علشان ما يهرب منهم شي والباب مهمته التنظيف وتغير الماي فقط

وهذي صورة لواجهته القفص






أما لتغير العش أو الوصول للعش بسهوله كانت أفضل طريقه عمل أبواب جانبيه صغيره جدا 15سم*15 سم

وهذي صورة الباب






أللحين خلصنا من القفص ننتقل للعش

لعمل العش الطريقة سهله جدا والعش عبارة عن عش الكناري






وبعدها تتم عملية تثبيت الأعشاش ومحاولة زيادة الأغصان إن أمكن





وبما إن القفص من حديد وما قدر افرش أرضيته بالرمل لان جو قطر دوم رطوبة

و الأرضية راح تصدى بسرعة فاستغليت هذي الطريقة





لصحون فيها رمل + أملاح + أكل + مواد تعشيش ولازم تكون بعيده عن الأغصان

عشان الفضلات تتساقط على الشبك وتحافظ على نظافة الرمل أكثر وقت ممكن

وطبعا بعدها قلت أفضل طريقه احفز الجوز على التفريخ وضع مواد التعشيش

بشكل كبير ومن مواد مختلفة عشان يختار اللي يناسبه

وهذي الخلطة




ورق توباق + جريد النخل + خيوط بلاستيك (( خيوط الخيش ))

وبعدها شريت الذكر ولمي جبته دخلته القفص الجديد مع النثيه في نفس الوقت

لأنها طيور ( جبانة ) بيكون القفص جديد عليهم ومن كثر الخوف بتم الذكر الجديد مع النثيه

محد فيهم يجترئ ويبعد عن الثاني وبتم عملية التوليف بسرعة

وهذي أول صوره لهم شوفوهم







وبعدها بكم يوم ابتدئ الجوز يتعود على بعض وبدأت النثيه تعاين الأعشاش

علشان تشوف العش المناسب لها




وبعد المعاينة تم بحمد الله وفضله وضع أول بيضه فالعش





وبعد يومين تم وضع ثاني بيضه فالعش





وهذي صوره النثيه وهي تحضن البيض




وهذي صوره للذكر وهو يحضن البيض





والحمد لله بعد فتره شفت أول فرخ

هذي صورته

طبعا الموضوع ينتهي عند خروج اول فرخ وان شالله بعدها اكمل الموضوع بالجزء الثاني

(( مابعد التفريخ ))

[علي المعجب]

بوركت ياقطرررررررررررري على هل الموضوع الرائع ولو اني مو من هواة اليمام بس الموضوع حلووووووووووو جد قطررري اني اريد اتعرف عليك اكثر وهذا ايميلي على الياهوووووووووو ugd2002@yahoo.com

[تفاحه حمرا]

ماشاء الله اللهم صلي وبارك على سيدنا محمد ...

بصراحه مع انه مالي خبره بالحمام بس وايد عجبني ترتيبك للقفص وخبرتك في طريقت توليفهم بطريقه اسرع يوم ضميتهم مع بعض بنفس الوقت ...وطريقة الترتيب العش والاكل ..ألخ

وماشاء الله كل شي جاب نتيجة...

الله يعطيك العافية ويوفقك ان شاء الله .......

وفي انتظار الجزء الثانــي........

[ehap_ali2005]

ربنا يبركلك حاجه جميله جدا

[رعوود]

خالي قطرررررررررررري

ما شاء الله عليك

بجد احسه تعب عليك كل هالقفاصه

بس كله كوم والماسي كوم

هذا التوب بالنسبة لي ^.^

تشكر على مشاركتنا الموضوع

وبانتظار الجزء الي عقبه

[Mr. MeMo]

ما شاء الله عليك يا قطري


متميز دائما بسرد الموضوع بشكل مشوق


تسلم ايدك

[قطرررررررررررري]

علي المعجب : مشكور على الرد وانا اتشرف بمعرفتك وانشالله برسلك ايميلي




تفاحه حمرا : مشكوره على الرد وجزاك الله خير على كل الكلام الطيب اللي ذكرتيه




ehap_ali2005 : مشكور على الرد وردك هو الجميل بس قولي (( ليش كل هالغيبه عن المنتدى!!!!))



رعوود : مشكور ولد اختى على الرد وعن لقفاصه بالعكس لاتعب ولاهم يحزنون التنظيف والاكل وتغير الماي

على العامل فالبيت للعلم بعض الاحيان انا اقوم فيها واتسلى مع حمامي

وابشرك في ترتيبات وتطورات جديده وفيها تقريبا 4 محاكر كل محكر فيه 3 خانات




Mr. MeMo : مشكور على الرد وبصراحه انت اللي دوم متميز فالمنتدى وجزاك الله خير

[الوديع]

مشكور قطري لطرحك هالموضوع والصراحة ماشاء الله عليك شغل حلو والله يباركلك فيهم

[الحاج مومى]

بارك الله فيك يااخى قطررررررررررررى

[قطرررررررررررري]

مشكورين على الردود وجزاكم الله خير