كيف يمكن لسلحفاتي أن تعيش حياتها طبيعياً ؟

[Turtle7]

هلاااا اختييي شكلج متحمسه وايد لموضوع السلاحف شي حلوو

بس ليش سلحفاة وحده ؟؟
جان شريتي لها وحده ثانيه تونسهااا

انا بحاول اجاوب على اسئلتج كثر ما اقدر..
بحدود خبرتي بالسلاحف اللي عندي وبس

أولاً : كيف يمكنني معرفة السلحفاة إن كانت ذكر أم أنثى؟
انا اتوقع ان سلحفاتج نفس نوع اللي عندي
اهم شي من تحت جيكي عليها ان كانت مقعره لي الداخل او سيده

في فيها خفقه بالنص يعني ذكر واذا مافيها خفقه يعني انثى
وبعد اذا اللون قامج يعني ذكر واذا فاتح على ذهبي يعني انثى

والاظافر اذا كبيرة حيل وطويله وهم غامجه للذكر والانثنى تكون افتح واصغر

وذيل الذكر يكون اطول واكبر من الانثى

ثانياً : كيف لسلحفاتي أن تعيش حياتها بمنتهى الحرية ... أي حتى لا تشعر أنها أسيرة ... يعني ما الوسائل التي أوفرها لها حتى تحس أنها حرة و تتأقلم مع الجو الذي هي فيه :

- ماذا تأكل ؟ دون شراء المعلبات ، هل يصح لها الخس ؟ أوراق الفواكه ؟ البسباس ؟ الخضر الورقية الخضراء ؟ الطماطم ؟... إلخ
انا جربت الخس معاهم والخيار والتفاح
ودايم يقولون اهم شي لها الخس
- أين تكون السلحفاة البرية الخضراء الصغيرة في الشتاء ؟ الصيف ؟ الخريف ؟ الربيع ؟
في الشتا بيكون لها بيات شتوي يعني دايم داخل صدفتها
وباجي الاشهر كل شي طبيعي
وحتى الشتا اذا وفرتيلها ظروف ربيعيه او صيفيه بيمر عادي
- هل يمكنني استعمال علبة كرتون كبيرة (كعلبة الأخذية مثلاً) كمنزل للساحفاة ؟
اي عادي بس ياليت يكون اكبر من كرتون الاحذيه
انا اول ما يبتهم حطيتهم فيه بس جنهم محكورين فشريت لهم كرتون اكبر منه ب 4 مرات مساكين ما صدقوا قاموا يفترون بالصندوق فرر وياليت بين فتره والثانيه تاخذينها الحديقه وتخلينها تنطلق الى ماله نهايه تغيرين عن حكره الكرتون ومحاولتها انها تطلع منه .
- هل يمكنني صنع غابة مصغرة لتأقلم السلحفاة بوسطها ؟ أي أن أصبغ علبة باللون الأخضر و أصنع أشجاراً بالعجين و مغارة .... إلخ
مممم انا ما سويت هالشغله بس ترست الكرتون رمل واحطلها اكل بين فتره وفتره ماخلي الاكل دايما موجود
بس ترى نظر السلحفاة قوي حيل يعني اي تغيرر واضافات راح تلاحظها وتستمتع فيها
وحاولي انج تخلينها تتعرض للشمس اطول فتره ممكنه مووو شرط تحطينها برى البيت لا خليها يم الدريشه علشان ما تحتر واااايد لين تغيب الشمس واذا ظلوا بالظلمه راح ينامون على طول لي ثاني يوم .

واشتري لها فيتامينات ترشينها عالاكل علشان تتقوى لانها صغيره وصدفتها تكون ضعيفه حيل ...

وبعد آمري شنو في شي مو عارفته او مو فاهمته