اشترك في نشرتنا البريدية ليصلك كل جديد

أزمرل إمبرطور الجمال · 03-03-2008, 01:31 AM

بسم الله الرحمن الرحيم ...

السلام عليكم ورحمة الله وبركاتة ...

أخواني الأعضاء حبيت أعرفك على رمانة أرانب أحب وحدة إلى قلبي ...

أكثر وحده أهتميت فيها ...

عطيتها كل وقتي ...

ولاكن شائت الأقدار على أن تفارق الحياة ...

أخواني أنا أكتب لكم وفي قلبي غصة عليها ...

هذي الأرنبة من فصيلة السنامي ...

أرنبة عزيزة وغالية علي ...

سميتها [ الكونتيسة ] لإن لها هيبة ...

عمرها كان حوالي 11 شهر ...

عدد مرات الإنجاب ولا مرة عدد مرات الحمل مرة واحدة ...

هذي الأرنبة كانت دلوعتي ...

هذي الأرنبة هيه رمانت أرانبي ...

مرضت قبل 3 أسابيع قبل موعد سفري بيوم ... رجعت بالليل من بت خالتي ,,,

الساعة 11 ... وكنت أبي أيلس بين أرانبي قبل لا أسافر عنهن ...

علما بإني أدرس خارج الدولة و أرجع كل 4 شهور للدولة ...

فكنت من قبل مصورنهن الحمدلله ...

هذي الأرنبة ... هذيك اليوم ...

زقرتها ما يت أنا معود أرانبي لما أصفق إيون ...

كل ما أصفق إيون لإنهم يعرفون يوم أصفق يعني يبت أكل لهن ...

صفقت وصفقت ....

ين الأرانب وعقيت لهن ذرة وجت ...

وهيه ما طلعت من جرتها ...

زقرتها كونتي تعالي ...

ما يت ؟!!!!!

!!!!

رحت أشوفها في بيتها ... أحصلها تتنفس بصعوبه ...

وعينها اليمين وارمه ملتهبه ...[ المدمع ]

وتظهر ماي لولادة بكية كبيرة ...

لإن من عادة الأرانب العملاقة قبل الولادة بسبوعين ...

تبداء تظهر ماي الولادة ... على كل 3 أيام تقريبا...

وهو مش ماي الولادة شي يشبهه ...

المهم طلعتها شليتها ...

وأسمعها تتنفس بصعوبه...

يبت القطرة وقطرت أنفها ...

وحطيتها في سرسر العناية [ هذا سرير أنا مسونه للولادة والاطفال ... ]

وديتها عندي في الغرفة ....

وقطرت لها أنفها ...

ويبت ماي وملح وغسلت عينها ...

ويبت دوما مال العين وحطيته لها ...

واليوم الثاني كان يوم سفري اللي هو يوم الجمعه ...

و وعيت الصبح رحت وديتها البيطري ...

و قاس حرارتها كانت فيها حرارة ...

وقال لي حالتها خطيرة فيها إلتهاب رئة ...

ولاكن بعطيها دواء ويبها باجر بعطيها دواء ...

وبتصح بإذن الله ...

وعطاها 4 إبر ...

إنزين ورديتها البيت أنا طيارتي بالليل ...

المهم لين المغرب تحسنت حالتها ...

و ودعت الأهل و العصر روحت الهزبة أودع الهوش والبوش والحلال ...

وسافرت ...

وصلت يوم الأحد ...

بتقوقيت الإمارات الأحد بعد الظهر

وأول ما وصلت دقيت لإمي أتخبرها ...

وقالت وداها أخوك حمود الطيب وعطاها ...

وقالت الله يشفيها قلت آمين ...

يوم الإثنين يومي المشؤم ...

فارقت روحها الطاهرة الجميلة ...

جسدها الدافئ الجميل ...

وبكت عليها أمي ...

ودقت وخبرتني ...

وقلبي غص غصة ...

ودمعة عيني عليها ...

والله يعوض علي يارب ...

إن شاء الله البركة بخواتها ...

والحمد لله وحدة من خواتها ولدة وسوة مشاء الله 8 ...

قولوا ما شاء الله ...

ولاكن ولا وحدة تشبه الكونيسا ... الله يرحمها ...

هذي صورها ...

إدعوا للباقين بالبركة ...

هنيه تحك أذنها الله يرحمها ...

وهنيه تشم وحدة من الأرانب ...

وهنيه تستمع لصوت الديك ...

وهذي الصور كنت محطنها في هذا القفص أبي أشيك عليها ...

الفحص الدوري ...

ودمتم والسموحة منكم ... v_v

روبن هود · 03-03-2008, 01:44 AM

الله يرحمها المسكينه

timber · 03-03-2008, 01:53 AM

ان شاء الله الله يخلفك احسن منها في اولاد اختها والله قصتك مؤثرة جدا شكلك كنتي تحبيها مررررررره عموما اسأل الله ان يعوضك في البقية ويحفظهم لك من كل مكرووووه......تحياتي

الاسطورة · 03-03-2008, 09:50 AM

الله يعوض عليك انشاء الله

هذي الأرنب مو سيامي هذا الانجليزي ويسمى English Spot

ღ الـوفـا كلـهـ ღ · 03-03-2008, 07:36 PM

وشلونكم

أزمرل إمبرطور الجمال · 04-03-2008, 01:30 AM

اقتباس:

المشاركة الأصلية كتبت بواسطة الاسطورة

الله يعوض عليك انشاء الله

هذي الأرنب مو سيامي هذا الانجليزي ويسمى English Spot

إسمحلي أرد عليك واقول أول شي أنا غلطة مافي فصيلة إسمها السيامي ...

هذي الفصيلة إسمها السنامي ... والأنرب اللي تقول عنة English Spot هذا إسمه الأرنب المبقع أو المنقط ...

إنته خذيت اللون ولم تنتبه للزائدة الجلدية تحت الرقبة ...

وهذي صور له ...

وإن أرت التأكد إدخل هنيه ..

هنا ...

وشكرا لك الغالي والسموحة منك ... ^^