قطوتي و الشتاء !!

[-= pink =-]

السلام عليكم


طبعا بما ان فصل الشتاء حل ودخلنا بالبرد الشديد

بغيت اسألكم ..
شنو الاشياء اللي تسوونها عشان تحمون قطاوتكم من البرد والامراض ( الحراره ) ؟


انا عن نفسي ..
حاطه لها دفايه في الغرفه الموجوده فيها ( الديوانيه ) لانها رخام فتكون وايد بارده

وبالنسبه للتسبح ما اسبحها حتى لا يصير فيها حراره

فانتوا شنو حاطين / تسوون لهم


..
..


بينكـ

[لميـــــــــــــا]

انا عادي كل البيت حااار


وتنمام معاي فمافي اي مشكله

وما احممها الا كل 3 اسابيع
(:

[-= pink =-]

تسلمين لميا عالمرور

بس احنه عندنا مشكله ان بيتنا بارد مع ان مطفين السنترال

[Dominique]

انا عن دمدم

ما اسبحه بالشتا الصراحة

اخاف يمرض او يسخن

دمدم ينام بغرفتي وحمامه عندي بعد

وقت النوم نسكر الباب ونشغل الدفايات ومرات ينام بسريره ومرات على كرسيي انا ( يحبه لأنه نفس لونه )

المهم

في سريره فارشتله لحاف صوف

وعلى الكرسي بعد فارشتله لحاف ثانية

اما في عامة البيت مثل الصالات وغيرها

اهوا بروحه يدور الدفا هالشايب ويتكور وينام

ميرسي
.
.
.

[-= pink =-]

لووول يحليله

احسن شي سويتيه انج مخليته في دارج

انا ودي اخلي لاكي في داري بس اخاف ان حمامها يسوي ريحه في داري ("^_^)

وبالنسبه للتسبح حتى انا ما اسبحها في الشتاء

وتسلمين عالمرور الحلو

[Dominique]

والله انا مخليته بداري لأنه خواف

ونص عايلتنا الحريم خوافين

من الزهيوي تييهم سكتة قلبية

دمدمو عندهم اسد

فاحبسه بدار لما ايوون

اكله وحمامه وفراشه كله موجود فما احاتي

حطيت حمامه بداري ووالله ابوي كليوم يحن :

طلعي حمامه بره يا بنت

خيستينا يابنت




مافي ريحة خايسة على طول

بس وقت اللي يدخل الحمام وبس طبعا انا اختنق يحوشني ربو
يعطيج كيماوي مو طبيعي لووووووووووول



انا اشتري معطرات حق الغرفة وايد

غرفتي صارت جمعية

بس ابوي الله يهداه

خشمه حساس ذبحني

انتي لو حمامج بغرفتج تنحل المشكلة

انا لأن حمامي يم غرفتي مو داخلها فعلشان جذي حاطته عندي
.
.
.

[نور القطة]

مشكووورة على الطرح

لكن للاسف قططي مش عايشه معاي اخدوهم مني

[sisi_moon]

ولولوووووووووووش

شلون ماتسبحون قطاوتكم في الشتا

يعني اربع شهوور تقريبا بدوون سبووح

آآع كان تلوع جبدي من قطوتي

انا اسبحها نفس الشي

بس قبل لا اسبحها اخذ غرفه مفرووشه في البيت واشغل المكيف على الحار

واسبحها بماي دافي مايل للحاار

وبعدين اخذها الغرفه اللي فيها المكيف واجففها عدل وولا بيصير فيها شي ان شاءالله

ههههههههها تستاانس قطوتي على الماي الحاار

يسلمووووووووووو

[أنــــا]

حتى انا قلت ماراح اسبح بريسا

بس اكييد بامسحها بفووطة مبلوولة كل اسبوووع,,

وعلى الاشيااء اللي اسويها,,

شكلي بارجعها تنام معي بغرفتي

بالصيف كانت تنام معي..ويوم جا الشتا نزلوها تحت

هو كل شي تماام بس المشكله المويا..كل ما حطيت لها موية دافيه دقيقتين وتصيير ثلج
حتى لو كانت الغرفة دافيه مويتها لازم تبرد

مدري ,, اللي يعرف حل لهالمشكله؟؟
شلوون حاطين لقطاوتكم مووويا

[sisi_moon]

اممم انا عادي حاطه مويتها

وتشرب منها عاادي

طبيعي انها بتبرد

لووووووووول قطوتي قاعده عند الدفاايه كل حين تغير جهه