ابي مساعدتكم ياااهل الخير؟تكفون لاتردوني

[ميرندا مرجوجه]

السلام عليكم ممكن مساعده؟
انا عارفه اني ما اشارك وما ادخل كثير لاني اكون مشغوله واعذروني ان كنت مقصره بحقكم
ابيكم تساعدوني كيف اقنع ابوي اني اشتري قطوه واخوي الكبير كل يوم يحاول بابوي؟وانا من الرياض وابي المحل الزين واللي تنصحوني فيه اشتري منه ؟ اخر سؤال اشتري صغير ولا كبير انثى ولاذكر




وبدعي لكل واحد يدخل ويجاوب على اسئلتي بالتوفيق

ومششششششششششششششششششششششششششششششششششكورين

[أنــــا]

مريت بموقفكم اختي مرينداا..
امي كانت مو مقتنعه ابدااا انها تدخل قطوة في البيت
المهم جينا عند ماماتنا >> انا واخوااتي الصغاار
وسرنا نجلس عندها ونقول لو كان عندنا قطوة كان اعطيناها مدي ويش ولعبناها بكذا وخليناها مثلاا بالغرفه الفلااانية ماماتي ملت من كثر قرقنا عن هالقطااااوة ..
وبعدين الحمدلله واافقت ..
وماشاءالله سارت تمووت على بريسااا
شوفي انتي اقنعي ابوك قوليله ان كل لقمه تعطينها اي حيواان تعتبر صدقه وراح تكسبون اجر كبير بتربية القط او اي حيواان
غير هذا ان القطو اذا كان مدرب عالحمام ماراح يكون في أي مشكله من ناحيه الوسااخه > وانتي بكرامة ..
و .. أمممـــ والله ماادري وش اقوول بس اقنعيه بطريقه حلوة >> ابووك وانتي تفهمين له ..
و
شووفي اذا بتجيبين قطو صغير افضل كثير من الكبير لاكن بتكون مناعته ضعيفه يعني ممكن يمرض على طول وحتى ممكن يتعبك من ناحية الحمام >> لاكن راج يتعود عليك كثييير ويحبك اكثر من القطو الكبير لأن القطو الصغير يتعلق بصاحبه أكثر...
والقطة الانثى افضل من القط الذكر بالنسبه لي لأنها اذا طلبت التزااوج ماراح تتعبك مرة عكس الذكر اللي راح يقلبلك البيت قلب..
بس أحس ان الذكر حنوون وهااادي>>> تعقدت من بريسا خخ
واسفه مررة عالتطويل وهذا اللي عندي وننتظر الاعضااء يفيدوونك
وشكراا

[ميرندا مرجوجه]

مشكككككككككككككوره وما قصرتي وجزاك الله الف
خير والله يعافيكي ويوفقكي (وبلغة القصمان
الله يعافيس)

[الماهر]

أختي لازم أول ترعفين سبب الرفض بعدين تبحثين عن الحل
مثلاً أذا كانوا رافضين أنها تكون داخل البيت أقنعيهم أنك تاخدين لها بيت خاص بها أو قفص كبير وتحطينها بالحوش ( التهوية ) أو في السطح أذا كان مناسب لوضهم فيه بدون أمكانية القفز مع أنهم صحيح بسبع أرواح صاحبي قطوه قفز من فوق السطح وقام ما فيه شي غير رجله كم يوم وصارت زينة بس ما قفز على طول للأرض طبعا أول شي قفز على النوافد في البداية لين قرب من الأرض وضلت مسافة كم متر فقط بس صحيح بسبع أرواح ( لا تضعيهم في السطح أذا كان المكان غير مناسب للأطفال ) .

وأذا كان سبب الرفض الروائح التي قد تحدث حين يقضون حاجتهم فأعلميهم بوجود رمل خاص بهم يمنع أنتشار الروائح.



أنا عن نفسي أفضل الصغار على الكبار وأفضل الاناث على الذكور بس عندي الأثنين الذكور والأناث

تحياتي