بعد مرور 13 يوم على موت الكاسيكو

[Ba7rainiA]

السلام عليكم ورحمة الله وبركاته

شلونكم؟ وشخباركم؟

عيدكم مبارك ولو انها متأخره




طبعاً فيه اعضاء وايد شافو موضوعي اللي عن الكاسيكو ..
وعرفو انه كان مريض ومات بتاريخ 5/10/2007 يوم الجمعه

سبب الوفاه: اصابته بالاسهال لمدة اسبوع ويوم ..
ولو اني خذته للبيطري وعطاني مضاد (بودره) اضيفه في الماي لمدة اسبوع ..
وانا اتبعت هالشي !!
ولما شفته اسبوع ولحين يعاني من الاسهال ..

حاولت آخذ له موعد عند البيطري الخاص بس للأسف الدكتوره قالت مشغوله وماتقدر تعطيني موعد يوم الخميس !!
وعطتني موعد (يوم السبت) !!

اضطريت اني اوديه للبيطري الحكومي مره ثانيه !!
وماودي اتكلم عنه بالسوء !!!!!!
لكن احس ان موت الطير بسبب الادويه اللي وصفها لي الدكتور !!

وديت له الطير وهو صاحي ..
يتحرك ويلعب وكل شي ..

عطاني مضاد سائل وقالي احط له 0.5 في الماي مره وحده في اليوم !!

اول مارجعت البيت حطيت له المضاد

نفس اليوم بالليل حسيته مايتحرك وايد ..

وكان كله لاصق فيني ويبيني امسح راسه
ومايبي يرجع القفص ..
يبي يقعد يمي على الكرسي

خليته معاي طول اليوم !!

يوم الجمعه الفجر قبل الصلاه رحت اشوفه بس كان تعبان وكان ساند راسه على القفص

يوم صحيت الساعه 8 لقيته طايح تحت !!
ومايحرك رجله اليسار

خذيت دليل الهاتف وتميت ادور اي رقم بيطري ..
وكنت اتصل واشوف إذا يرد علي احد !!
وماكنت متوقعه اني بلقى لي بيطري يفتح يوم الجمعه !!

بعدين حصلت رقم دكتوره امريكيه أو بريطانيه ..
مو متأكده !!

المهم اني رحت لها ووديت الكاسيكو ..
فتحت له فايل عندها ..
وماعرف بس حسيت انها شاطره
دفعت الـ 30 دينار للملف ..
و دينارين للمعالجه !!

طبعاً يوم وديت لها الكاسيكو ماكان يقدر يحرك رجله اليسار !!
حتى هي كانت مستغربه وتسألني من متى هو على هالحال !!
وقلت لها انه بس اليوم يعاني من هالشي ..
ولاحظت انها لما تشد رجله مايحركها ابد !!
يعني كأن ماعنده احساس بها ابداً ..

المهم اني راويتها المضاد اللي عطاني اياه البيطري الحكومي ..
ولما شمت ريحته تخرعت
لان ريحته غريبه ..
تقول اول مره يمر علي هذا المضاد !!


بعد مارجعت البيت لاحظته مايقدر يحرك الرجلين
وكان عندي احساس انه بيموت


تميت معاه وانا اصيح ..
وهو يفتح عينه يشوفني ويرد ينام !!

كنت انا اللي اعطيه الاكل والماي لان ماكان يقدر يتحرك !!

الساعه 8 بالضبط شفته رفع جناحه فوق !!
ورجع راسه ورا وماتحرك بعدين !!

تميت احركه واناديه ومافي فايده ..
عرفت انه مات
ظليت احاول نص ساعه ومافي فايده !!
خذاه ابوي ودفناه


يمكن اسبوع كامل وانا اصيح عليه !!

وطبعاً ابوي يعرف اشقد انا كنت متعلقه فيه
واحبه ..
حاول انه يقنعني اني اشتري غيره ..


بس ماعرف للحين ماقررت !!

صار عندي خوف
اخاف آخذ غيره ويموت ..

مع اني ماكنت اقصر ..
كنت اخاف عليه و أول ماحس انه مريض آخذه للبيطري ..
واهتم بنظافته ونظافة القفص !!
حتى الاكل انوع له فيه ..
اعطيه الحب والفول السوداني والفواكه ..

بس قدر الله وماشاء فعل ..

صحيح اني صرت كأني مينونه !!
كل يوم اروح محلات بيع الطيور وادور لي على الكاسيكو والعب معاهم ..
بس للحين متخوفه

مع اني لقيت لي جامبو وعمره 6 شهور ..
ومحجل

وماعطيني فيه سعر حلو !!

بس انتو اشرايكم ؟؟

وسامحوني على الاطاله !!
بس الواحد يرتاح لما يشكي عن حاله

[اللايق]

موضوووووع مشوووق جداا


وفيه اثاره..


الكاسيكو رائع جداا

وهتمامك فيه اكثر من راائع

ولا يعني انه مااات يعني انتهى العااالم

لا
لا
لا

روحي اشتري وااحد ثاني وابدئي معاه حياه ثاانيه

ومره اخرى

ولاتنسين كل خطا صاار منك في المرره الاولى...

اولا لازم تكونين تروحين عند بيطري وااحد مو تنوعين


بيطري وااحد فقط مهما كاان عشان يكون يعرف الببغاء من زمان

اول ماتشترين الببغاء روحي عند بيطري معروف

مهما كان تدفعين ولكن يهتم في الببغاء...



وان شااءلله نشوووف صور ببغائك الجديد

[عـ!شق !لصمت]

الله يساعدك اختي

على هذا القدر

ان شاء الله يتعوض عليكي باحسن منه

((وعسى ان تكرهو شيئا و هو خير لكم))

[مشاكس]

صراحة قصة محزنة

بس انا بضيف لكلام اخوي اللايق
انه لما تأخذي من البيطري فيتامين او دواء
تروحين عند بيطري ثاني وتتأكدين
من هلي اخذتيه بأي سؤال للبيطري الثاني

وإن شاء الله الله يعوضك بأحسن منه قوة وذكاءً ونشاطناً

وربي يوفقك ويوفق جميع المسلمين


تقبلي مروري

تحياتي
مشاكس

[مربي الطيور]

الله يرحمه والله القصه محزنه وانت اثبت للبغبغاء حبك له وتعبك وسهرك معاه بس معليه هذا قضاء الله وقدره معليه اشتري لك بغبغاء ثاني وانشاء الله يكون احسن من القديم ولا تخاف والله ان مرة
مرت علي حلات واجد مثل كذا من طيور اخرى و من البغبغاوات بعد شنسوي لازم الواحد يربي حيوان ولا طير وانا اسف على الإطاله.
تحايتي

[بوصدام]

السلام عليكم ورحمة الله وبركاته
الله يصبرج على هذا المبتلى وأنا أنصحج تشترين واحد ثاني بس عندي ملاحظة بخصوص المضاد الي عطاج إياه البيطري الحكومي أنا عرفته هو لونه أصفر شفاف وريحته كأنه خل أنا جربت هذا المضاد وكانت نتيجتة طيبة جداً وبدأ يتحسن طيري من ثاني يوم استعملت فيه المضاد والله أعلم أن موت الببغاء ليس بسبب هذا المضاد لأن نتيجته أنا متأكد منها والله أعلم وجزاك الله خير وانصحج تشترين واحد ثاني
والسلام عليكم ورحمة الله وبركاته

[شريطي]

نصيحتي لك لاتشترين طير محجل عيونه سوداء لأنه خطر اذا انتي ماتعرفين له

وثانياً يجب عليكي عدم وضعه في اماكن بارده بل يجب ان يكون في مكان معتدل

عدل انتقاله من مكان الى مكان اخر يختلف في حرارة الجو كل شوي

ثالثاً

سأكتب لك بعض المضادات الي لها فائده كبيره وعساها تكون عندكم بالبحرين فائدتها ممتازه كل شيء له فائده من الكخه والأسهال والالتهابات التنفسيه والملتي فيتامين

[yasert]

توكلي على الله واشتري طير جديد
وان شاء يكون زي طيرك الاول

[سماوي الجبه]

السلام عليكم ورحمه الله وبركاته،،
مساء الخير للجميع،،
يعطيك العافيه والله بيعوضك بطير احسن ان شاء الله،، واخذي لك غيره ،، ونصيحتي لك انك ماتودين الطير للبيطرى لان الطيور ماتحتاج بيطري اذا كان سليم وخصوصا وصفات الفيتامينات،، انصحك بكل شي طبيعي من الاكل وبتوفيق،،،

[العرجون القديم]

يعتمد شرائك للبغاء الجامبو انه زين تشترينه لو مب زين على السعر اللي عطوك فيه كم عطوك فيه سعر اذا سعر زين يعني فرصه لك