اشتريت اوسكار وفيه ملاحظه غاثتني .... بليز جاوبوني بسرعه .. !

[مبتدأ]

شلونكم اتمنى ان الجميــع بخير يارب


اللمهم


انا اشتريت سمج اوسكار اربعه حجمهم صغير تقريبا

وحطيتهم بالحوض


واللي غاثني انهم مايتحركون كله بزاويه كلهم

وانا اتوقع انه من الفلتر

لانه فيه ضخ هواء

للعلم ان الضخ بسيط يعني مايعتبر اوكسجين

عرفتوو الفلتر اللي شكله مدور طويل لونه اصفر

لكن حطيت سمجتين من حوضي الثاني ماعرفهم اسمهم

بس حجمهم اكبر من الاوسكار

بشوف يتحركون ولا لا نفس الاوسكار

طلعوو ييتحركون وبحريه ومستانسين

ووضعهم احلا من الحوض الاول

فشنو الحل ولا شنو المشكله

يعني هل ممكن انهم جديدين عــ الحوض ؟

واتمنى الاجابه الوافيه

والنصيحه للاوسكار


وتقبلو مني كل الحب والاحترام

[Lonely Hunter]

هذا شي طبيعي

انطر عليهم يومين و بتشوفهم بعدها يتحرشون بالسمج الكبار

اذا تبي اتعرف اذا كان الدفع قوي عندك بالحوض

حط ورقه مستطيله و امسكها


اذا كانت تترحك بقوه معناها الدفع عندك قوي

اما اذا ماكانت تتحرك او تتحرك خفيف فالدفع عندك عادي

[مبتدأ]

المشاركة الأصلية كتبت بواسطة Lonely Hunter

هذا شي طبيعي

انطر عليهم يومين و بتشوفهم بعدها يتحرشون بالسمج الكبار

اذا تبي اتعرف اذا كان الدفع قوي عندك بالحوض

حط ورقه مستطيله و امسكها


اذا كانت تترحك بقوه معناها الدفع عندك قوي

اما اذا ماكانت تتحرك او تتحرك خفيف فالدفع عندك عادي

حبيبي والله

والف شكر على اهتمامك بالردود والنصايح الطيبه

حطيت ورقه ووضعها عادي بالماي

وعلى فكره

انا حطيت صخرتين جدام الضخ قلت بشوف تحركهم ولا لا ومنها يخف الضخ

والله ماحركتهم ولا شي

واحس ان الضخ طبيعي حيل

وهذي صوره حق الفلتر ابي اعرف زين ولا لا

اذا مجربينه

وباينه صوره حق السمجه اللي حاطها معاهم

من الحوض الثاني

ولكم الصوره





اسف على كبر الصوره ولكن مركز التحميل حملها جذي

[Lonely Hunter]

الفلتر مافيه شي

بس .. كانك حاطه مقلوب

المفروض مكان سحب الوصخ تحت

ولا جذي الحوض ماينظف معاك عدل

----

السمج الكبار لازم اتشيلهم

الاوسكار يحب يتحرش بعايلة القولد كلها

[مبتدأ]

المشاركة الأصلية كتبت بواسطة Lonely Hunter

الفلتر مافيه شي

بس .. كانك حاطه مقلوب

المفروض مكان سحب الوصخ تحت

ولا جذي الحوض ماينظف معاك عدل

----

السمج الكبار لازم اتشيلهم

الاوسكار يحب يتحرش بعايلة القولد كلها

الف شكر على التنبيه

والله ماادري انا حاطه صح ولا مقلوب بس الحين طعتك وعدلته

بس جذي راح يحوش الرمل اللي تحت عادي ؟

وبعدين بالنسبه لسمج الكبار

تقول يتحرش فيهم

والله ماشفت منه شي انا ابيه يتحرك يسوي شي

وبعدين صج

انا اشتريت اربعه اوسكار وشفت معاهم بالحوض بالمحل

سمجه صغير شكلها طواليه

قلتله هذي شنو قال اسمها رامبو مادري شنو

يقول نفس الزباله

وصارلي ساعه بصورها تنخش تحت الصخر ماقدرت

ماادري تعرفون هالنوع او لا ؟

واذا ايه شنو ؟


والف شكر

[Lonely Hunter]

انت لا تخليه يحوشه

خله فوق الارضيه بجم سم

اما بالنسبه للتحرش .... لازم يتعود على المكان اول شي

يعني لو مثلا قلنا بعد شهر من الحين

ييت حطيت هالسمجه معاهم .. شوف شراح يصير فيها

سمجه صغير شكلها طواليه

قلتله هذي شنو قال اسمها رامبو مادري شنو

لووول
عاد رامبو مره وحده

ننتظر صورتك لها على شان نتعرف عليها


بس مادام قالك انه شغلها مثل الزباله .. على ماعتقد اني عرفتها

يمكن تكون من عايلة اللوجز اللي منها سمكة الكلاون

[WhiSpeR_X]

كلام راعي المحل صحيح لان اسمها معناه قوس قزح (Rainbowfish)

وهذي صورتها



وتحياتي

[Lonely Hunter]

صج راعي المحل مايعرف شي

الحين رينبو خلاها رامبو p:

بس ماعتقد ان هذه اللي يتكلم عنها لانه قال تنخش تحت الصخر و تشتغل نفس الزباله

هذه كله فوق تحوس بالحوض

[مبتدأ]

والله ماادري يمكن انا ماسمعته عدل ولا شي

بس جنه قال نفس جذي

وهذي صوره له





واسف على كبر الصوره

[Lonely Hunter]

مثل ماتوقعت

هذه من عايلة loaches

اسمها

redtail botia loach