استفسارات بخصوص سمكة الاوسكار

[روجيادا]

وعليكم السلام ورحمة الله وبركاته
اخوي الاوسكار من الاسماك الجميله والذكيه والمعمرة ممكن توصل ل15 سنه
وهي من عائله السكيلد وتعتبر من الاسماك المفترسه
اي سمكه تحطها مع الاوسكار وحجمها اصغر منها راح تاكلها بس ممكن تربيها مع اسماك من عائله السكيلد لكن انتبه للاحجام
وهي تحتاج حوض كبير وقاع رملي لانها تحب الحفر ووفر لها كهوف لانها تحب تتخبى
وحط لها فلتر قوي
درجه حرارة الماء 24_28 ويفضل 25
والتغذيه خس وبروتين حيواني منهم ياكلوها كبده نيه بس لما يكون معها فراخ لاتعطيها كبده لان الدم بيزيد شراستها وممكن تفترس عيالها ولا تقطع عنها البروتين الحيواني عشان ماتاكل عيالها نفس الشي
واللون يتغير حسب المزاج العلامات البرتقاليه تبهت ولما يتعدل مزاجها يرجع طبيعي وممكن تتوقف عن الاكل ايام وبعدين ترجع تاكل طبيعي
والتفرقه بين الذكر والانثى مستحيله الا ف وقت التزاوج تقدر تفرق بينهم من الفتحات التناسليه
يفضل تشتريهم صغار ومجموعه
بس انا عن نفسي كانت معي وحده صغيره وتغذيتها كانت جراد وعثة وجبت حوض ربيت فيه ابو ذنيبه وكنت انوع لها منهن وماشاء الله عليها كانت تشفطهم شفط^^
ولما احط يدي ف الحوض عندها كانت عادي تجي عندي بس لما حد ثاني يحط يده كانت تتخبى وتبعد
هذا اللي ف بالي الحين
اتمنى اني افدتك لو بالقليل ... واللي يشوف اي اخطاء ياريت لو يصححها