سؤال عن البلوفرنتد

[اوشيقر]

اخواني انا شريت ببغاء أمازون بلوفرنتد قبل يومين او ثلاثه تقريباً عمره 3 الى 4 شهور
وشوي فيه خوف وفيه جعر خفيف اذا قربت يدي منه مع انه ياكل من يدي بس
هل هو شي طبيعي او فيه مشكله ؟
طبيعي يخاف لأنه مايعرفك مثل الطفل اذا شاف غريب وهو بعيد عن اهله يبكي من الخوف ...انت اصبر عليه وخلك هادي وطول بالك لا تستعجل ولا تخوفه ولا تتحرك عنده بسرعه حتى لا تزيد مخاوفه...خله يطمئن انك آمن وما تشكل اي تهديد له بأنك تقرب منه وسولف معه بهدوء واطعمه بيدك واذا مديت يدك له عشان تمسح عليه وحاول يعظك انتبه تسحب يدك خايف من العض لأنه بيعتقد ان وسيلة دفاعه نجحت ويكررها مره ثانيه
وكيف الطريقه الصحيحه والسهله اللي تخليه مايخاف ويطلع على اليد ويلعب معي

الطريقه اللي انا اتبعتها مع 3 طيور ونجحت بامتياز هي اني اطلع عصا القفص والببغاء عى شبك القفص واخليه يطلع على العصى وامسكها بيديني الثنتين من الطرفين وهو في الوسط واجلس هادي حدود 10 دقايق ما اتحرك بس اسولف معه وكل شوي اقرب يديني منه على خفيف جدا بشكل ما ينتبه له حتى تصير يديني تحيط برجوله من الجهتين ثم اخليه يطلع على وحه منها واكرر الحركه عدة مرات حتى يطمئن ان يدي آمنه للطلوع عليها مع ترديد عبارة تعال.. اطلع حتى تصير متلازمه ومثل الأمر
وهل حق الراس تزيد الولافه وتبعد الخوف او لا ؟؟
قصدك حك الرأس...اذا تعود يطلع على يدك وعرف انك مصدر اطمئنان امسح على ظهره بهدوء ولا تسحبها بقوه ولا تصدر اي حركات مفاجأه حتى لا يخاف ,,,ومع الوقت حك راسه مع ترديد عبارة راسك راسك ..وهو يمكن يحاول يبعدك من الخوف بس انت اصبر وكررها لين يتلذذ بها مثل المساج
وسؤال آخر : هل لازم احط فيتامين داخل الماء حقه او لا ؟
لاتحط له شي الا اذا حسيت ان عنده مشكله مثل زكام او اسهال ..ونوع له في الغذا ..واللي عندك غريبه ماتغره؟؟!!
وكيف ارفع من مناعة الطير ؟


لا تعرض لبراد وحطه في شمس العصر ربع ساعه او ثلث يوميا حتى تقوى بنيته مع التغذيه الطيبه والنوم الكافي