ممكن طريقة لأعطاء حقن العضل ؟

[Yuna Braska]

أهلا صديقي ، ابرة العضل اعطائها سهل وما بيخوف

بس عليك تهدي الكلب بشكل منيح

لأن ان تحرك و انت بتعطيه الابرة ممكن تنكسر وتئذيه او تسبب مشاكل

الطريقة انك تمدد الكلب عالأرض وممكن تخلي حد يوثق فيه الكلب يساعدك

بإن يحط ايد عن رقبتو مشان ما يحرك الكلب راسو وايد عظهرو ، و بإمكانك تنفذها لوحدك ان حسيت

انك قادر على تهدئة الكلب ، (انا بسويها لحالي بالعادة ^_^)

بعدها امسك فخذ الكلب وتحسس العضلة ، العضلة كبيرة وواضحة ،

وبعدها ادخل الابرة بلطف بس بسرعة كمان ، وخليك بعدها مهدّي الكلب

لا تخليه يتحرك فوراً لأن ممكن يدوخ ويوقع بالأرض ، خليك ماسكه ل كم دقيقة .

وتفضل هاد فيديو للتوضيح اكتر ^_^

https://www.youtube.com/watch?featur...&v=tQaBe-nzkUU

الفيديو مش بالعربي ، بس واضح وين أعطوه الابرة

لا تخاف الموضوع هيّن جداً ^_^

وان شاء الله اكون افدتك

تقبل مروري