أسئلة وأتمنى تجابووني

[لموووسة]

السلاااام عليكم ... كيف الحال ؟؟؟

رمضان مبارگ علينا وعليكم يارب

الحمدلله ببغائي الدره صرت امسح عليه. لله الحمد لكن المشكلة اذا شاف القفص يبغاها يعني يهرب مني يبغو يكون فوق القفص ؟؟

وأحيانا اذا كنا نايمين او المكان هادئ يصرخ هذا ايش يعني ؟؟؟ وكيف العب مع ببغاء الدره ؟؟؟
وجزاكم الله خيرا

[لموووسة]

وييييييينكم ماتردوووون عندي سؤال ؟؟؟ الببغاء لو طوق اخضر فاتح هذا يعني ذكر ام أنثى ؟؟

[ابو حجلة]

السلام عليكم

كم عمر الطائر ؟؟؟ واين مكان قفصه بالنسبة للمنزل ؟؟؟ منذ متى هو لديك ؟؟

الاجابات طريق الحل باذن الله

احترامي

[لموووسة]

تقريبا عمره ٩ لانه الطوق بدا يطلعله من عند المنقار اسود احيانا يختفي ؟!؟!؟! مكان قفصه عند باب الشقة تقريبا شهر

[alwafi_x7]

السلام عليكم.
يا عسل اكيد اذا شاف القفص راح يطير عليه لانه بيته وذا شيء طبيعي اما انك تخلي القفص وراك وما يشوفه او تودي القفص مكان ثاني او تغطيه بقماش.
با لنسبه للصوت للاسف ما اعرف السبب.
وبالنسبه للعب كل واحد وله طريقه وممكن تجيب اي شيء يجذب الببغاء وتلعبه فيه.
وبالنسبه للطوق اذا كان بان اسود خفيف فهذا ذكر باذن الله وراح يكتمل الطوق قريب ان شاء الله.
يا رب اكون افدتكم والله يكتب اللي فيه الخير.

[لموووسة]

يعطيگ العافية اختي بس الببغاء خواف كثير ويطير على كتفي طبعا بلونه جات جنب القفص خاف كثير

[لموووسة]

ردووو عليا

["بوقاسم"]

جربي طريقة المسح باليدين ومسك بالغصب حتى لو عض
خليج جريئة معاه عشان يروح الخوف
وإذا خايفة من العض جربي امسكيه بفوطه
حكي راسه بشكل يومي وخدوده لين ما يتعود
لا تنسين تعطين الببغاء فترة نوم في مكان خافت الضوء لمدة 12 ساعة يوميا
والا بعدين بيصير شوي عدواني
ولازم يكون في ستاند أو مجثم يطلع عليه الطير فترة ساعة إلى ساعتين فاليوم
حوالي تبتسمين له وتكلمينه بنبره حلوة وسعيدة عشان يحس بالارتياح والسعادة
الموضوع ممكن يطول فالصبر الصبر

يصرخ لأنه يحس بالوحده واشتاق لك وهذا شي حلو

إذا تبين تلعبين معاه فلا تفاجئينه باللعبة أو بالكراكيش مثلا انتبهي
قربي الألعاب حبة حبة والعبي فيها قدامه وحطيها على فمك عشان
يحس انها آمنه وغير مؤذية
الببغاء إذا تعود على هالمعاملة بيروح منه الخوف إن شاء الله
وبعد فترة طويلة بتصيرين الشخص المفضل بالنسبة له إن شاء الله

بالنسبة للمكان أفضل يكون في غرفة المعيشة (الصالة) بين الناس والرايح والجاي
ومب قريب من الباب عشان ما يخاف من فتح وإغلاق الباب المفاجئ


عذرا على الإطالة إن أصبت فمن الله وإن أخطأت فمني والشيطان