تخفيف عضة الكاسكو؟

[.. محمد ..]

اخوي العزيز

للعلم يمكن انا من اكثر الناس الي عانا من مشكلة النزيف بسبب كثرة الطيور الي ربيتها و بسبب اني جديد في تربية الطيور لكن بنقلك من واقع تجربة وهي طريقة تخلصك من العض نهائيا .

الاولى مثل ما تفضل اخوي رمزي جرب مربى التوت و حطه في اصابعك و خل الطير يذوقها و حاول لا تكثر منها

ثانيا عض الطير لك هو بسبب عدم ثقته فيك فلا تستعجل و حاول تعطيه وقته لتأقلم و حاول تميز بعض الكلمات عن بعض يعني في حالة انك اذا حبيته يطلع على يدك قولة كلمة ( up ) و في حالة انك تبين تحك راسة ميزها بكلمة راسك و مع كثرة المحاولات هو راح يميز الكلمات و يفهم المطلوب منه .

ثالثا التحدي الكبير الي راح تواجهة هو كسب ثقة الطير و للعلم الامازون او البغبغاوات بصفة عامة خوافه و بعض الطيور تاخذ وقت اطول من غيرها اذا اخذت الامازون الي عندي فأخذ ست شهور مني الى وصلنا لمرحلة الثقة ( وللامانة فيه تقصير من ناحيتي ) بسبب اهمالي له بعض الفترات .

نقطة مهمة اخوي اتمنى تركز عليها

البغبغاوات طيور اجتماعية و ما تحب تكون لحالها و اذا كنت من النوع المهمل او من النوع الي ما يقعد معاها كثير حوال تجيب لها العاب عشان ما يمل الطير ويتعب نفسيا و هذه من اهم النقاط الي اتمنى انك تركز عليها .

الله يوفقك اخوي واتمنى اكون افدتك