مشكلة جديدة

[رامي سعد]

صباح الخير كل عام وانتو بخير يارب يعيدو عليكةو بالصحة والعافية انا من مبارح وكل ما اطلع عند الحمام بلاقي عندهم مشكلة يالطيف اليوم الصبح طلعت عندهم لقيت حمامة فيها بيضة محتبسة صارلها اليوم التالت البيضة متكونة فيها ومش راضية تبيضها مع انهامنيحة وبتبيض وكل شي تمام بس مش عارف ليش هالمرة ماباضت والحمامة الي حكتلكو عنها مبارح معها اسهال وبتشرب كتير لون اسهالها اخضر فاتح علي صفار وكأنو شفاف ولقيت كمان انتاية ضعيفة كتير كأنو فيها دود لانها بتاكل كتير وما بتنصح عضمة الصدر بارزة كتير شو اعمللها وهل الدود بيعدي وشو علاجو

[bird96]

اخوي اولا قبل كل شي :: هل تهتم ب نظافة المياة + نظافة مكان الأكل وتضمن ان الأكل لا يعلق عليه الأوساخ الرطبة .؟ جاوب ب كل صراحة .

ثانيا : الحمامه المحتبسه انا ما عمرها صارت معي ولكن سأتبع طريقة البادجي اعتقد .. اجلكم الله ان كانت الحمامه قد احتبست البيض ب الداخل وأنت بتلمسها او قادر على تحديد البيضه جيب شوية زيت زيتون وضع على فتحة الشرج وحاول ان تدفيء الزيت قليلا (((((( قليلا )))))) ودهن ب شكل دائري على حواف فتحة الشرج + اذا كانت البيضه موجوده ب شكل عرضي حاول ان تلعب بها حتى تكون ب شكل طولي يمكنها من الخروج .

اظن وضحت الصورة .. بالتوفيق نفذ حالا يا عزيزي .

[رامي سعد]

اه والله بهتم بنظافة البيت والماء بغيرها كل يوم بس بلاقي فيها اوساخ عشان بعض الحمام المتطفل بيوقف علي علبة المية وبينزل وسخو اعزكم الله في المية

[رائد ملكاوي]

ما حكيتلنا شو صار باحتباس البيضة

ان شاء الله المور مشيت على خير؟

[ابو رائد0]

وعليكم السلام مثل ماقال المشرف اكتب في اليوتيوب اخراج البيضه المحتبسه راح تلقاه

[رامي سعد]

الحمدلله طلعتها جبت زيت زيتون ودفيتو شوية متل ماحكي مشرفنا الغالي وسرت احطلها علي فتحة المخرج بشكل دائري واوسع شوية شوية وبعدين باضتها لحالها بس مارقدت عليها وما باضت بيضة تانية مع العلم طلعتها تاني يوم العيد

[رائد ملكاوي]

الحمد لله ع اسلامة

ان شاء الله راح تبيض بالقريب

[رامي سعد]

انشالله والبيضة كمان طلعت مش ملقحة انا حطيتها تحت مامة تانية وبعد 3ايام ضويت فيها مالقيت شي بس مبين صفار مش متكون زغلول

[bird96]

الحمدلله عالسلامة مليح انك كسبت الأنثى والبيض ب المستقبل ان شاء الله .. المهم سلامتها .

بالتوفيق يا غالي .

[رائد ملكاوي]

ما تستعجل على فحص البيض بمعنى اليوم الثالث احيانا يكون غير كافي فاستنى كمان يومين واتأكد

وبيضة وحدة مش مشكلة

الحمد لله انه ما خسرت الحمامة