الطير تغير بالكلام

[القدساوي]

السلام عليكم ورحمة الله وبركاته

اخواني الاعزاء

في البدايه احب اعرفكم بنوع الطير اللي عندي وعمره

يلوناب ومن مواليد 2011

الطير اول ماجبته طبعا كان يتكلم ولكن كان يتعلم مني بسرعه تبارك الرحمن

وكل شي اردده عليه يتعلمه بسرعه ويقول

ولكن مع الفتره بدأ يعضني وشديت عليه شوي وضربته على منقاره

عموما الطير سكت كم يوم ورجع يتكلم ولله الحمد

ولكن بعض الكلام اللي علمته ماقام يقوله

وبنفس الوقت مايتعلم شي جديد مثل قبل


وشغله اخيره مهمه ماقام يتكلم لو في احد غريب او لو طلعته معاي وكان في ناس
مع العلم بأنه بالسابق كان يتكلم لو جدام جمهور

وحاليا مايبيني الا انا مايصعد على ايد اي شخص ... بس انا اللي يخليني احطه على ايدي والطير يحبني حب شديد لي درجة ان يستفرغ لي

فما هو الحل برأيكم عشان اخليه يرجع نفس قبل يتكلم الكلام اللي قبل ويتعلم من جديد كلمات وجمل جديده !؟

[ابو على2]

وعليكم السلام اخوي خطا انك تضرب الببغاء انت تقول انك قبل ما تضربه كان يقعد من الغرباء وما يخاف بس انت لما ضربته فكر انو اللي يربيه يضربه وخاف من كل الناس علشان اللي يربيه يضربه اكيد الغرباء راح يضربونه حاول تتقرب منه ولاتضربه ابداء وحاول تقعد معه كثير بالتوفيق

[أسيــــر]

وعليكم السلام ورحمة الله وبركاتة
اخوي الغالي طبعن طيرك اخذ موقف منك بسبب ظربه ومثلك عارف اليلوناب او الامزون بصفا عامه
من النوع القيور والزعول مثل الاطفال وردة فعله بدات بالامتناع عن الكلام بعض الطيور تحصل لها اي موقف يمتنع عن الكلام اشهر
طيرك الحمدلله انه بدا بعدها بكم يوم ونطق شوي شوي ان شالله ويعود مثل اول
حاول انك تطلع الطير وتلاعبه وتضحك معه لكي تعود ثقته فيك من جديد وستخدم الاسلوب الي كنت تتعامل معه منذ بدايت تواجد الطير عندك
وبنسبه للكلام ممكن هذا حد تركيزه اي انه لايستطيع كسب جمل اكثر
سعة التخزين عنده فل
بنسبه انه مايجي الا لك هذا طبيعي جدا بما انك مربيه من الصغرونسبه ظعيفه من الامزون تألف معه اي شخص

[القدساوي]

السلام عليكم

احب اشكركم اخواني على الردود الجميله والقيمه

اما بخصوص نقطة الذاكره فل هذي جديده علي

هل في مجال نسوي لها فورمات مع حفظ بعض الجمل في ملفات خاصه ونعيد نحفظه جمل جديده

[ابو على2]

ينفع اخوي يعني انت تقدر تختار كذا كلمه يكون هو حافظه وماعاد احد ينطقها امامه وهو راح ينساها مع الوقت بالتوفيق

[القدساوي]

يعطيك العافيه اخوي ابو علي

طيب سؤال ثاني لو سمحتو

الطير من اطلعه بالصاله او اي مكان يقعد يعض الاثاث والوايرات وكل شي جدامه

كيف نتخلص من هالعاده السيئه

[ابو على2]

اخوي هو مو قصده يخرب الاثاث او الاسلاك هو يبي يتسلق من الخوف
بالتوفيق

[the_gostman]

اخي الفاضل..

الأمازونيات بشكل عام تحب التقطيع والقضم وهي من النوع الفضول ليست مثل الكاسكو تحب التعرف على الاشياء وعضها.. لذا يجب أن تكون حذر عند اخراج الببغاء..



بالتوفيق
أخوك رمزي

[بلاك بيري]

طيرك يا غالي لسبب او سبب اخر كتم والتكتيم يعني توقف الطير الفجائي عن الكلام


عاده ما يكون ذلك بسبب شيء تغير عليه كالمكان او الراحه او النفسيه

ننصح بعزل الطير داخل شبك ووضعه بعده وضعيات مره معلق ومرة اخرى بالأرض ومره اخرى فوق طاوله وان شاء الله بيستجيب لك وحاول ان تحفزه بجعله يشاهد مقاطع لطيور يلوناب تتكلم


موفق

تحياتي