صور الفروخ واسأله هل اخذهم بهالعمر ؟

[Sayo~nara]

شوفي يا قمر انصحك ما تاخدي الفروخ من ابويهم اولا لساتهم صغار .
ثانيا وعن تجربة تأكيل الابوين للفروخ افضل بكثير من الغر لعدة اسباب اقولها كتجربة :
1- النمو يكون اسرع وافضل وصحتهم احسن
2- فطامهم يكون اسهل لانهم يبدأو يتعملو ياكلو الحبوب ممكن من عمر 20-25 يوم يبدأو بس وشوية شوية يقدرو ياكلو كل حاجة ( الخضار - الخبز - عظمة الخبار - حبوب دوار الشمس .. الخ)
اما لو غرتيهم حتواجهي مشكلة في فطامهم
خليهم مع ابوهم وامهم يتعلمو منهم كل شي ..
حتى حركة الدفاع اللي بتقولي عنها لما تجي تمسكيهم يتعلموها من الابوين ..
وهي حركة طبيعية وحركة راسهم طبيعية جدا

اما التاج لانه طلع اصفر والاحظ الجناحين فيها سواد .. بيطلعو مصبغ لامهم إن شاء الله ..

بالنسبة للتوليف عادي ممكن تاخديهم تلعبي معاهم لما شوية يطلع لهم الريش .. كل يوم خرجيهم بيتعودو عليكي مع الايام ..
مو شرط عشان اخلي الفرخ اليف ويحبني اني اخده من امه وابوه واغره ..
لا ممكن من بعد الفطام كمان ..

وصح لا تخلي الزوج ينتج دحين مرة تانية لانه الفروخ لسه صغيرة وكمان عشان الانثى لا تتعب ..
هو ممكن لما يصير عمر الفروخ 18-20 يوم يبدأو يحضرو لعش جديد وممكن انك تحطي بياضة تانية في هذه الحالة .. بياضة للانتاج الثاني وبياضة للفروخ والاب يستمر في تأكيلهم
بس انا ما انصحك نخليهم ينتجو خصوصا انو دا اول انتاج لهم ومو كويس انهم ينتجو مرتين ورا بعض ..