طيري الكاسكو ما ياكل

[bda5655]

السلام عليكم اخواني الاعزاء
مثل ما هو وضح من العنوان انا عندي فرخ عمره ما يقارب 7شهور له شهر عندي تقريبا الاحظ عليه انه ما يعنى له شي حبوب دوار الشمس غالبا الكاسكو يحبها لكن هذا ولا تحرك ساكن عنده رحت و جبت له مخلوط بلجيكي ياكل من شوي و يخليه (( شكله يجاملني بس)) غير الحبوب والبذور كل شي ياكله يدوووخ على التفاح و البيض بس الظاهر ما ينفع الاكثار منهم حتى السبال ما يحبه كثير مو مثل غيره من جنسه احترت معه المشكله من امس للحين ما اكل له 16 ساعه رفعت عنه الاكل بشوف هو ياكل بشراهه بعد التجويع او لا وحطيت له الاكل لمسه و خلاه الطير عضمه الصدر باينه مدري وش اسوي به ابيه يسمن اللي له خبره او تجربه مثيله يساعدني الله يجزاه خير .
طبعا طريقه التدرج بتغيير الاكل ما نفعت معه

[monybat]

اخي عظمت الصدر باينه من كلام معناه ان عنده تسيف وده عالبطري افضل او ارفق صور كي نقدر نساعدك

[modeamassi]

ياريت حد يساعدك من الخبراء ،، مافي باليد حيلة
تقبل مروري
تح ـياتي

[الكاسكو الأفريقي]

وده عند طبيب بيطري شكله تعبان ولو وديته وده عند طبيب كويس لاني كان عندي واحد ومرض وودينه عن طبيب لعب فيه لعب واعطنني فتمين وصار اخس من اول الكاسكو معروف طبعه انه شقي ويأكل ياليت صورة عشان نعرف اكثر

[monybat]

اهم شئ لا يقولك اعطيه ابره غلط غلط

[bda5655]

مشكورين اخواني على تفاعلكم و اهتمامكم الطير مدري وش وضعه مدري مسوي اضراب والا ايش طلعته على الاستاند واشوفه بدا ينقنق بس ما ياكل اكل عليه العلم ياكل حبتين و يروح و يرجع ياكل حبتين و يروح مدري وش يبي هذي الصور يا الغالين لكن ما ادري هل انا موسوس او ان وضعه طبيعي اذا روشته تبين لي عضمه الصدر الحين مختفيه

[@ بيور @]

باين من الصور ان الطير كاش ريشه وهي من علامات مرض الطيور انصحك توديه لاقرب طبيب بيطري

[تشآرلي]

وعليكم السلام ورحمة الله وبركاته

الطير ماعنده تسيف .. فقط الطير ضعيف لانه ماياكل

الطير باين عليه نافش ريش الراس .. وهذي اكبر علامات المرض

والطير باين عليه مريض .. او المكان الي هوا فيه بارد ومسبب له زكام

سؤالي : هل الطير يعاني من اسهال ( اكرمكم الله ) ؟؟

حسب ماذكرت الطير له شهر عندك وهوا بهذا الحال

يحتاج تزود الطير بالادويه ولا تتاخر عليه وخاصة بهذا العمر قد يموت بسرعه

انتبه تستعجل وتعطي الطير دواء حق الديدان .. لان مو كل التسيف والضعف معناه انه عنده ديدان

الديدان لما الطير ياكل بكثره ويكون عنده تسيف ولكن طيرك فاقد الشهيه من التعب .

ان احترت بأمره استخدم معاه مضاد حيوي عام واترك الطير بمكان دافئ جدا

بالتوفيق

[bda5655]

الف شكر اخواني على تفاعلكم
استاذي تشارلي الطير ما شفت له اسهالات فضالاته متماسكه و الطير لعوب و ينفش ريشه اذا كان على الاستاند داخل القفص ما يركب ابد يحاول يطلع يروح لزاويه القفص و يدخل راسه فيها و يمشي بمكانه انا عطيته مضاد لمده خمس ايام و بعدها عطيته فيتامين و بالنسبه للزكام ما فيه افرازات من الانف جاف مره انفه و مدفيه بالحيل حاطه بالصاله و دفايه الزيت ما تطفئ ابد و مسكر الابواب و درجه حراره الصاله معتدله وتميل للحراره
لكن اتضح لي انه على الاستاند ياكل و داخل القفص ما ياكل الا اذا فقد الامل نهائيا انه يطلع منه من جبته و هذا حاله بنفشه الريش

[تشآرلي]

المشاركة الأصلية كتبت بواسطة bda5655

الف شكر اخواني على تفاعلكم
استاذي تشارلي الطير ما شفت له اسهالات فضالاته متماسكه و الطير لعوب و ينفش ريشه اذا كان على الاستاند داخل القفص ما يركب ابد يحاول يطلع يروح لزاويه القفص و يدخل راسه فيها و يمشي بمكانه انا عطيته مضاد لمده خمس ايام و بعدها عطيته فيتامين و بالنسبه للزكام ما فيه افرازات من الانف جاف مره انفه و مدفيه بالحيل حاطه بالصاله و دفايه الزيت ما تطفئ ابد و مسكر الابواب و درجه حراره الصاله معتدله وتميل للحراره
لكن اتضح لي انه على الاستاند ياكل و داخل القفص ما ياكل الا اذا فقد الامل نهائيا انه يطلع منه من جبته و هذا حاله بنفشه الريش

الحمدلله ,,, زين انك كملت معانا ووضحت لنا انك استخدمت معاه المضاد الحيوي من قبل

الان اجعل الطير بمكان دافئ وعلى كلامك الطير بمكان مناسب حلوو جداا

خليه بمكانه ... واهتم معاه بالاكل

بالتوفيق