غذا الـTrill اكتسح الاسواق !!!!

[Arashi]

السلام عليكم ورحمة الله وبركاته

حابه اخذ رايكم في موضوع منتجات Trill لأنها غريبه علي

هذا المنتج اللي في الصوره هو الوحيد المتوفر حالياً عندنا للببغاوات الكبيره (عالاقل في المنطقه اللي عايشه فيها)
وماقمت أحصّل غذاء من الشركه اللي تعودت عليها Parrot Prestige



ومحتوى الغذاء الجديد مختلف عن السابق...فيه حبوب صغيره ومافي ذره مجففه واظن ضايفين له فيتامينات واشياء غريبه...فمادري...هل هو مناسب للكاسكو (عمره 5 شهور) اللي عندي؟ لأن مكتوب عالعلبه ان ممكن شوي يأثّر عليه

ما لقيت اكل غيره فاضطريت اشتريه...أحد جرّبه على ببغاءه؟ ولو سيء ايش البديل المؤقت لحد ما احصل غذاء افضل؟

[تشآرلي]

وعليكم السلام ورحمة الله وبركاته

بخصوص هذا المنتج



انا انقعه بالمويه لمدة 11 ساعه وبعدين اجففه شوي واقدمه للطيور

هوا ممتاز للطيور حديثة الفطام

والمنتج الثاني



مشكل ممتاز جدا من شركة مشهوره واحب اشتري جميع منتجاتها مهما كانت

يفضل مرتين بالاسبوع لانها تحتوي على الحبوب كثيرة الدهن مثل الفول السوداني او عين الجمل

ولابأس في الفرخ بعمر 5 شهور

بالتوفيق

[Arashi]

^^^^
اللي عندي مفطوم من عمره 3 شهور تقريبا...اذن أعطيه المنتج مرتين في الاسبوع وباقي الايام حب شمسي
يعطيك العافيه...اهم شي تأكدت من سلامة المنتج ^^

[آنآستــآزيآ]

.. منتــج تــرل حبــووب الببغــاء مــن وجهــة نظــري ممتــاز جــداً ويفــي بـ الغــرض ..

.. بخصــووص المنتــج الثانــي أكيــد أنــهـ ممتــاز .. فـ شركــة فيرســل لاجــا مــن أشهــر وأفضــل الشركــات المنتجــة لـ الأدويــة والأطعمــة الخاصــة بـ الحيــوانات الأليفــة ! ..

.. آنآستــآزيآ ..

[Arashi]

مشكور اخوي انستازيا ^^


بس اليوم صار شي غريب وربما بسبب تغيير الغذاء....لقيت الله يعزكم براز الببغاء طويل معلّق تحت ذيله...مثل امساك يعني...هل هذا طبيعي؟ اول مره اجوف هالشي!

[آنآستــآزيآ]

.. العفــوو أخــووي ..

.. أوولاً نظــف منطقــة الإخــراج بـ منشفــة أو منديــل وموويــهـ دافيــهـ وأديــهـ ثــوم بـ الليمــوون .. وان لاحضــت الحــالة مستمــرة علمنــاا ..

.. آنآستــآزيآ ..

[Arashi]

نظفتها اول ما طلعته من القفص...هل هي علامه لحاله مرضيه؟ خوفي من اكله...لأن كل شي كان طبيعي لحد ما عطيته هالاكل ومن ثاني يوم على طول

[الهاشم]

اخواني المنتج الثاني انا دائما اخذه لطيري وفي انواع غيره بس هو لاحظت عليه ما ياكل الا هذا

بس كيف يعني مرتين في الاسبوع انا كل ما خلص اكله احط ليه
الطير بلوفرونتد عمره سنة

[بلاك بيري]

ظهرت فتره وجود الديدان بمنتجات تريل لا ننصح الا بشركه فيرسل لاجا فهي انظف وانقى

موفقين

[Arashi]

اذن فليذهب المنتج للجحيم...الحين اشتري غيره واكبه في الزباله