مشكلة اتمنى تساعدوني بحلها :(

[فاتـــو]

اهلين اختي
الواضح من كلامك انك مو قادره تربينها التربيه الكامله
بس على الاقل تحاولين تعيشينها بقدر الامكان وهذا شي كويس
وجزاك الله خير على المجهود اللي تبذلينه علشانها
بالنسبه للاكل انتي تقولين انها ماتاكل كثير لان مافي اكل
اذا بالنسبه لتكلفه الاكل في ماكولات كثيره رخيصه ومناسبه يعني ممكن
جزر بطاطس كوسه مسلوقه وجبن مثلثات ورز وخبز صامولي وممكن شوربه دجاج او اللحم
هذي المأكولات كلها في متناول يد الجميع تقدرين تسوين لها نظام غذائي يومي
ولاتنسين انها حامل يعني يبيلها عنايه خاصه وكامله وغذاء متكامل بالنسبه للسنه كلها
وبالنسبه للعدوانيه اللي فيها فهذا شي طبيعي بسبب اللي يسويه فيها اخوك
انا اعاني من نفس المشكله اخوي يضرب قططي بس استخدم اساليب كثيره معه
يعني ممكن تمنعينه من انه يسوي كذا وتهددينه انه ماراح يشوف منك شي يحبه
او بتعاملينه معامله قاسيه وماراح تكلمينه انا ما احرضك عليه
بس لازم يعرف ان اللي يسويه بهذي الروح شي غلط وحرام
واذا عندك حوش او سطح ممكن تعودين البسه عليه وتصير تقضي حاجتها فيه
لان ممكن يكون السطح انظف من الطشت اللي تحطين فيه رمل مكتوم مايتعرض للشمس
ولاتنسن انه رمل حقيقي يعني تعشش فيه الحشرات والجراثيم واذا متعرض للشمس بيسبب روائح سيئه
وبالنسبه للاستحمام حميها كل شهر وافضل شامبو هو جونسون للاطفال
ولاتحممينها بهيد اند شولدرز لانه يسبب جفاف الشعر وتساقطه
وزي ماقلتلك هي في هذي الفتره ما ينفع اخوك ياذيها لانها ممكن تسقط الجنين وتموت لاسمح الله
خوفيه من كذا يمكن يحن عليها ويبطل يعذبها
واهتمي فيها اهتمام كامل لاتخلينها تركض وتبذل مجهود كبير
اتمنى اكون افدتك
وموفقه ^^