كاسكو vs مكاو

[ابو سعد الشهري]

السلام عليكم ورحمة الله وبركاته

ياشباب المنتدى العزيز
اخوكم يعاني من المصارعه الحره بين الكاسكو والمكاو WWF
جننوني اشوي هادين واشوي مشاكل
والصراحه الي يبداها دايم الكاسكو <<مدري كيف يقدر على قوة المكاو
لكن تعرفون حركه حلوه اقدر اجمع بيننهم ويكونون اقل شي محترمين
شوفولي حل ابيهم يكونون سوا ويكون الوضع طبيعي
تقبلوا مروري وكثرة كلامي

[الج ـارح]

هههههههههههههههههههههههههههههههههه انا اقترح عليك انك تخرج كل واحد بوقت محدد ثاني لأن لو كانو كل شوي متضاربين ممكن تفقد واحد منهم .. لا قدر الله وهذا اقتراحي لك الصراحه ..

[تشآرلي]

وعليكم السلام ورحمة الله وبركاته

اخوي صعب انك تولفهم مع بعض

لازم تفرقهم قدر الامكان او تحتفظ بطير واحد فقط

يمكن يضرون بعضهم

* قد يعتادون على بعض ولكن بعد فتره طويله

[ابو سعد الشهري]

اشكر مروركم
وراح احاول بكل الطرق والاختراعات ^_^
وان شاء الله اذا وفقت في هالشي راح افيدكم
اشكر اهتمامكم

[بلاك بيري]

الله يعين عاد الكاسكو معروف بأنه راعي حرش ههههههههه

[ورد الخير]

ههههههههههههههههههه الله يعييينك ويعينني نفس مشكلتي مع الدره والكاسكوو

بس الدره إلي تبدأ دايماً الكاسكوو مايضارب بس ياخذ الألعاب منهاا او الأكل لو لعبته طاحت عليه او ما عنده اكل


ألاحظ دايماً الطير إلي اصغر بالحجم هو إلي يبدأ في المضاربه على قولة ماما كل قصير ضرير هههههههههه

لو خليتهم مع بعض حاول تراقبهم عشان ما ينضر واحد فيهم لا قدر الله

[كويحه]

ان شاء الله يتعودو .. بس تحتاج الصبر ثم الصبر .. ووقت طويل ..

خلي اقفاصهم قريبه من بعض .. يعني يشوفو بعضهم ..

ولا تخليهم سوا الا وانت معهم يعني ب مراقبه ..

انتبه لا واحد فيهم يعور الثاني ..

بالتوفيق .. ربي يخليهم لك .. ^^

[ابو سعد الشهري]

ههههههه
والله عندي كاسكو حق مشااااكل ومنتهز فرصة انو يطير والمكاو مايقدر
وتعال شوف اقوى هجوم جوي مع الانسحاب السريع
وانا ضعت بينهم

للاسف الى الان ماحصلت الطريقه ومازالت هناك افكار جاري تنفيذها
اشكر مروركم

[صادق النوايا]

في هذي الحاله مالك إلا الخطه B
الي هي
الهجوم المباغت
كل ما تضاربو هاجهم برشاش مويا ههههه
إذا يكرهون المويا إنشاء الله بتنفع معك

[ابو سعد الشهري]

اخوي صادق النوايا
اخاف يضرون بعض خاصه المكاو يتوعد في الكاسكو هههههه واخاف ماينفع المويه فيهم
لكن في طريقه جدا رائعه بديت استخدمها
اجيب شيبس بطاطس واجيبهم مع بعض واعطي كل واحد حبه مع المراقبه طبعا
لاحظت انهم يطالعوا بعض وكل واحد يشوف لقمته هي اكبر من الثاني ولا اصغر
وكلما حاول واحد منهم ياكل بطاطس الثاني رجعته وزدته حبه وكذا لاحظت انو ماحقدو على بعض لكن اعتقادي مع الوقت راح يتعودوا
وراح افيدكم باي شي ان شاء الله
اشكر مرورك