سؤال عن قطي الجديد

[h_fares el nour]

السلام عليكم ورحمة الله وبركاته

من ايام عندي قطين جدد

الحمد لله كويسين

لكن فيه منهم قط (( عندي من الامس فقط ))

صوت تنفسه احيانا بيكون غريب جدا كصوت الشخير وبيعمل صوت ويمد رقبته ورأسه للامام وكأن في حاجة في (( زوره )) وباحس انه هيرجع

مع العلم ان حركته كتيرة واكتر بكتير من القط الاخر لكن اكله قليل جدا

ممكن اعرف السبب ؟؟ وايه الحل ؟؟


منتظر ردودكم ..

[شاهستا]

وعليكم السلام ورحمه الله

الصوت دة بتصدره لما تكون عايزة تنام صح ؟ او تكون انت بتلمسها او بتلعب معاها !

والاكل شوف اذا كان فيها ديدان او لا ونوع ليه فى الاكل

[h_fares el nour]

انا عارف الصوت لما بتكون بتنام او اثناء اللعب معاها

دا صوت مختلف وبيكون في اوقات مختلفة

فيه اكلات معينة ممكن تحسن حالتها ؟؟

وكمان عاوز اعرف ازاي اتطمن على صحتهم لانهم جدد عندي .. ومستحيل اوديهم لبيطري

عاوز اتطمن عليهم بنفسي

ممكن اعرف ازاي ؟؟

[شاهستا]

تقصد بيكح مثلا ؟

هو شعره طويل يمكن عنده هيربول ؟

خليك دايما مراقب تحركاتهم ونشاطهم واكلهم والليتر بوكس

لو لاقيت فى اختلاف فيهم يبقى اكيد فى خلل

[h_fares el nour]

اه بيكح

وبالنسبة لليتر بوكس النهاردة لقيت فضلات فيه سوداء هو اللون الطبيعي بيكون ايه ؟؟

وبالنسبة للشعر هم القطين اخوة (( الاب بلدي هجين والام شيرازي ))

لكن هم شعرهم قريب من البلدي يعني مش طويل

وشعرهم لما باشده بيطلع في يدي شوية شعر

دي ديدان ولا ايه ؟؟ وايه الحل ؟؟

[شاهستا]

لو عندهم ديدان هتلاقيها فى البراز اما شعرهم طبيعى لما تشده هينزل لان شعر القطط بيبقى ضعيف

والكحه دى الافضل تديله ايموكس لاطفال

[h_fares el nour]

اوك انا عندي ايموكس للاطفال هاستخدمه ان شاء الله

لكن دا مؤكد مافيش منه ضرر عليه ؟؟

وكام الجرعة بالظبط ؟؟

وهل لون البراز الاسود طبيعي ؟؟ ولا ايه اللون الطبيعي ؟؟

[شاهستا]

مفيش ضرر ان شاء الله

القط عمره اد ايه ؟

والبراز لونه على حسب الاكل الى بتاكله ليه ؟

انتت بتاكله ايه !

[h_fares el nour]

هو عندي من اكتر من 24 ساعة فقط خلالهم اكل تونة مع خبز وبيض مسلوق

معلومة عن القطين .. القط الاول فضل عندي اسبوع تقريبا وبسبب السفر رجعته لاصحابه مرة اخرى ولما رجعت بعد خمس ايام استرديته مرة اخرى (( فكان في البيت طبيعي ومعي طبيعي جدا لانه تذكر البيت وتذكرني ))

القط الاخر (( صاحب المشكلة المذكورة )) من ساعة مادخل البيت وهو مش خائف ابدا وبيجري كتير وبيلعب كتير (( وبيعضني كمان وقالق نومي هههههههه ))

والاتنين اخوات

هل دي مشكلة ولا دا طبيعي ؟؟

وياريت الرد على الاسئلة .. 1- كيف اعرف اطمئن على صحتهم بنفسي وبدون طبيب بيطري ؟؟

2- للاسف هم مش مطعمين لان مافيش مكان بيطعم عندنا .. اتصرف ازاي ؟؟

3- كيف يكون نظام الاكل ؟؟

وبالنسبة لعمرهم هم في حدود 4 شهور تقريبا

الف شكر واسف على ازعاجك

[شاهستا]

ربنا يحفظهم ليكـ

طبيعى جدا فى قطط بتاخد على البيت والناس بسرعه جدا ومبيكنش عندهم مشكله خالص

الرد على اسالتك

1 - راقب تصرفاتهم دايما كميه الاكل الى بياكلوها هل بيعانو من مشكله فى اليتر بوكس

نشاطهم اخباره ايه قل زاد ؟

ودايما شيك على شعرهم اذا كان فى منطقه خاليه من الشعر ولالا وعلى الاذن طبعا وتنضفهم باستمرار

2- اعزلمهم عن العالم الخارجى عشان ميجلهمش اى فيروس يعنى ممنوع منعا باتا انهم يخرجوا الشارع

3 - عادى اكلهم حاجات من البيت زى البيض والجبنه والفراخ واللحم معاهم خضار سمك مسلوق واو مشوى

متكترش من التونه مرة واحده فى الاسبوع

وتقدر تاكلهم دراى فود على حسب سنهم

4 - جرعه الدوا 2 سم مره فى اليوم