بخصوص الحبل

[Skippy]

السلام عليكم ورحمة الله وبركاته

قبل كل شي احب اقولكم اني اشتريت كلب جيرمن شبرد عمرة 3 شهور
واشكر اخوي الهولي ، ابن سورية ، pitbull terrier , Musab Pro , jassim99 , وطبعاً ماننسى اختنا نونا الله يعطيكم العافية
،انشاء الله احط صور له يكرا

الكلب الحمدلله مدرب على اوامر طاعة مثل set , come , stay
لكن المشكلة اني اذا وضعت له الحبل مايرضى يمشي

هو متعود على الطوق


لكن اول ما احط له الحبل


اول ماحطه له يحاول يبعد عني ويتراجع
وش الحل معه ؟
كيف اخلية يتعود معي ، واقدر امشي فية
يالي تعطوني حل بالخطوات ..
ولكم جززييل الشجر

[Skippy]

وعندي سؤال اخر
اعطيت الكلب علبة كاملة من هذا الاكل


وعطيته علبة كاملة من هذا الحليب


وغير كذا يبغى ياكل
ما ادري هل اعطية ولا كيف ؟؟

[مجنون الجيرمن]

السلام عليكم يا اخوي الفاضل

اول شيء احب ابارك لك علي الكلب ويتربي بعزك ان شاء الله

شوف حبيبي خلني ادخل بصلب الموضوع علي طول الكلب مو متعود بتاتا علي الحبل او ما يسمي بالليش

راح اعطيك طريقة لكن التزم فيها يوميا وبالوقت لاني انا جربتها مع كل كلابي يعني النتايج 100% ان شاء الله


راح ابدي بشكل خطوات يعني 1 و 2 و3 وهكذا

طيب نبدا بسم الله الرحمن الرحيم

1- اول ما تشوف الكلب العب معه لمده عشر دقايق يعني حاول تتعبه شوي باللعب
2- لبسه الليش راح تلقاه موقف وينطط ويبعد وزي كذا انت اترك لليش وخله يسحبه معه
يعني (لبسه الليش واتركه لا تسحبه وارجع العب مع الكلب حتي يتطمن منه ويتعود عليه ) خله عليه كذا خمس دقايق كل يوم لين يتعود عليه )
3- الحين امسك الليش بخفيف لا تحاول تشد الليش ابد واذا مشي امشي معه انت يعني عشان يعرف انك ما تضره
4- اذا الكلب ما تقبل انه يمشي ويخليك تمشي وراه ناده باسمه والعب معه وامش وانت ماسك الليش وحاول يكون معك لحم او مكافاة او حتي من العلبه اللي حطيتها يعني قبل تاكله
5-اذا شفت الكلب تعود علي الليش يجي دورك تبين له انك انت اللي قائد وانت اللي تتحكم بالمكان اللي تمشي وتروح له وهو تابع لك يمشي معه بشويش لا تصير شديد بقوة


ملاحظات :
حاول انك ما تضايق الكلب كثير
لمن تشوف الكلب مو متقبل الليش زيد المكافاة له وحاول تلهيه عن الليش عشان ينساه
لا تزيد التمرين عن نص ساعه ولا تحاول تعاقب الكلب بانك تربطه يعني حاول انك تخليه منطلق حر يعني ما تعاقب الكلب بانك تربطه لانك بتكرهه كذا بالليش

بس وان شاء الله الاعضاء يفيدونك اكثر مني

[Skippy]

المشاركة الأصلية كتبت بواسطة مجنون الجيرمن

السلام عليكم يا اخوي الفاضل

اول شيء احب ابارك لك علي الكلب ويتربي بعزك ان شاء الله

شوف حبيبي خلني ادخل بصلب الموضوع علي طول الكلب مو متعود بتاتا علي الحبل او ما يسمي بالليش

راح اعطيك طريقة لكن التزم فيها يوميا وبالوقت لاني انا جربتها مع كل كلابي يعني النتايج 100% ان شاء الله


راح ابدي بشكل خطوات يعني 1 و 2 و3 وهكذا

طيب نبدا بسم الله الرحمن الرحيم

1- اول ما تشوف الكلب العب معه لمده عشر دقايق يعني حاول تتعبه شوي باللعب
2- لبسه الليش راح تلقاه موقف وينطط ويبعد وزي كذا انت اترك لليش وخله يسحبه معه
يعني (لبسه الليش واتركه لا تسحبه وارجع العب مع الكلب حتي يتطمن منه ويتعود عليه ) خله عليه كذا خمس دقايق كل يوم لين يتعود عليه )
3- الحين امسك الليش بخفيف لا تحاول تشد الليش ابد واذا مشي امشي معه انت يعني عشان يعرف انك ما تضره
4- اذا الكلب ما تقبل انه يمشي ويخليك تمشي وراه ناده باسمه والعب معه وامش وانت ماسك الليش وحاول يكون معك لحم او مكافاة او حتي من العلبه اللي حطيتها يعني قبل تاكله
5-اذا شفت الكلب تعود علي الليش يجي دورك تبين له انك انت اللي قائد وانت اللي تتحكم بالمكان اللي تمشي وتروح له وهو تابع لك يمشي معه بشويش لا تصير شديد بقوة


ملاحظات :
حاول انك ما تضايق الكلب كثير
لمن تشوف الكلب مو متقبل الليش زيد المكافاة له وحاول تلهيه عن الليش عشان ينساه
لا تزيد التمرين عن نص ساعه ولا تحاول تعاقب الكلب بانك تربطه يعني حاول انك تخليه منطلق حر يعني ما تعاقب الكلب بانك تربطه لانك بتكرهه كذا بالليش

بس وان شاء الله الاعضاء يفيدونك اكثر مني

الله يعطيك العافية
وان شاء الله اجربها بكرا

[Nona999]

وعليكم السلام ورحمة الله وبركاته

اولاً احب ابارك لك بالنسبه للجرو يتربى بعزك اخوي

ثانياً اشكر اخوي مجنون الجيرمن مشاءالله عليه ماقصر وانا فخوره فيه بصراحه

اختصاراً لكلام اخوي مجنون الجيرمن لازم تبدأ بخطوات بسيطه ومرتبه

اول شي

- اذا طلعته امشي وخله يمشي ويلعب بس لاتتعبه لاننا مانبيه يتعب باللعب مدة خمس دقائق

- بعدين جيب ليش نحيف مثل هذا



وخله يشمه ويتعرف عليه بعدين امسك الطوق حقه بشويش وانت تمسح عليه و اربطه و خله عليه بتلاحظه بداية الموضوع يمشي بجهه و الليش بجهه خايف منه مايبيه يقرب له عادي خله

- امش وخله يمشي معاك خذ لفه فبيتكم وبعدين ابدأ العب معه بكور او قطعة قماش او اي شي ولعبه خله يركض واذا اخذها وركض او جابها لك خذ الكوره و مسح عليه وعلى جسمه وعن قصد حرك الليش مع الطوق وانت تشجعه وتمسح عليه كررها طول اليوم

بعدين اذا شفته متحمس مرا معك وانت تركض امسك الليش بشويش وبيدك الكوره خله يحاول يمسك الكوره وهي معك بتلاحظه يمشي معك



وانت ماسك الليش شجعه ومسح عليه وعطه الكوره وكررها له يومين بالكثير ويعتاد عليه ولا تشيل الليش خله عليه

لما تدخله بالغرفه ذيك الساعه شله

بالنسبه للاكل هذا مايكفي جيب له رويال كانن مكس جونير خاص لجراء الجيرمن مثل هذا



وتقدر تخلط معه البيدقري المعلب ومو بحاجه للحليب و اذا بتضيف فيتامينات للاكل برضو ممتاز واذا بتسلق له كبد دجاج وتضيفه ممتاز


و اي استفسار اخر لاتتردد

موفق

[الهولي]

وعليكم السلام ورحمة الله وبركاته
الف مبروك
والشكر موصول لإخواني ماشاءالله كل ساعدك
وكلام مجنون جيرمن ميه ميه
وركز على النقطة رقم 4 لانها نتائجها مظمونا
والملاحضة ايضا
وطبعن كلام مشرفتنا نونا وطريقة الشرح المفصل
وصحيح افضل اكل هو الدراي فود
الايام هاذي انتبه عليه من الحر الشديد
وعلى التطعيمات مهمه جدآ
لان اذا تطعم الكلب تكرار التطعيم مهم جدآ
عشان مانجي بكره ونقول الحقو علي ياجماعة كلبي ماياكل
وإسهال و و و
استفسر من الطبيب البيطري عن التطعيمات

[ابن سورية]

ماشاء الله الاخوة ماتركوا لنا شيء نحكيه كلامهم100%

[Skippy]

والله يبارك فيكم
جزاكم الله خير

بالنسبة للاكل انا عندي رويال كانن نفس اللي حطيتي صورتة
بس هل هو بيشبع لو احط له كثير ؟ ولا لازم اشيل الاكل عنه ؟

بالنسبة للتطعيمات الكلب مطعم تطعيمتين
الاولى بتاريخ 25\5\2012
والثانية 16\6\2012
هل فية تطعيمات يحتاجها ؟

[الهولي]

نعم اتفضل شوف هينا
http://www.2zoo.com/vb/showthread.php?t=121177
وهاذا بقلم استاذي الكبير
ابو خليفة
http://www.2zoo.com/vb/showthread.php?t=156041

[Nona999]

اهلين اخي

بالنسبه للدراي فود كافي لوحده انا اعطي كلبي وجبه كامله دراي فود لوحدها

هو غذاء كامل ويحتوي على جميع العناصر الغذائيه الي يحتاجها جسمه

وانا افضل تعطيه مقدار نص كوب دراي فود وتخلطه مع ربع علبة البديقري وتقدم هذا غذاء كافي واذا احتاج زياده اعطه مافيه مشكله

طبعاً ثلاث وجبات باليوم

وبالنسبه للتطعيم افادك خبيرنا الهولي بروابط

موفق