تكفون ياجماعة الخير ، وش هالمرض ذبح حمامي كله .!! - يوجد مقطع فيديو

[الفارس الشامخ]

السلام عليكم ورحمة الله وبركاته ..

أنا كتبت أكثر من مره في المنتدى مواضيع عن هالمرض ، يختفي فجأة ويطلع في حمامي مره ثانية ، ذبحني وذبح حمامي .. لين الحين 12 حمامة ماتت وأنا عاجز ما اقدر اسوي شيء ..

المرض باختصار مثل مالاحظته في كل الـ 12 حمامة ..

1- يبدأ الحمام مايقدر ياكل ، يحاول ياكل بس يقرب من الأكل لكن مايفتح فمه ولا ياكل ..

2- بعد فترة يبدأ يفقد القدرة على الطيران ويبدأ ينعزل ويغمض عيونه ومهما حصل مايقدر ياكل ..!!!

3- تبدأ الحالة بالتطور وينعزل أكثر وأكثر ولايستطيع الحركة ..

4- في اليوم السابع أو السادس من الإصابة تقريباً يموت الحمام ..!!!

مقطع الفيديو :

http://www.youtube.com/watch?v=lEbL8Bt2vL8


لاحظوا الحمامة البيضاء في أقصى اليمين اذا حاولت تاكل .. اليوم هو اليوم الاول من إصابته .. وهي أهم حمامة عندي ، هي الوحيدة اللي أأشر لها من بعيد وتوقف على إيدي ..

أيضاً لاحظت شيء غريب عجيب .. اذا الفروخ صابها هالمرض يحصل ثقب في رقبتها وصولاً إلى الحويصلة .. ويصير أي شيء ياكله أو يشربه يطلع من ثقب الرقبة !!!!!!!!!!!!! لكن الكبار مايصير فيها هالشيء ..

بالنسبة للصيدلية البيطرية والأدوية البيطرية ما اقدر احصل عليها بسبب عدم تواجدها في منطقتي .!!