لاتتسرع وتاخذلك ببغاء بدون خبرة

[mr.luffy]

السلام عليكم اخواني اعضاء منتدى توزوو

طبعا وايد من الناس يشفون الببغاء ويعجبهم شكله ولا قدرته على الكلام ويشتريه على انه تربيته بتكون سهله نفس القطط و غيره ولكن القلط الي يسويه

معظم الناس انهم يشترونه بتسرع بدون مايقرون عن نوع الطير ولا يعرف عنه شي ويتفاجأ لما

ياخذه انه تربيته ممكن اتكون صعبه ولا الطير مزعج ولا مايقعد عنده شهر الا وهو ميت

وبعضهم يبيعه لما يشوف الطائر يعض ومايصبر عليه وبيعه وجي الطير يتبهدل و ممكن يموت

وانا انصح اي واحد قبل مايشتري اي طير يفكر في امور:

1- هل انت مستعد عشان تدفع تكاليف الطير مع توفير قفص مناسب لحجم الطير والعاب وطعام متنوع. وتدفع تكاليف البيطري والكشف على الطير وغيره؟

2-هل انت مستعد انك تصبر على الطير وتوفر له الجو المناسب وتوفر وقت انك تقعد معاه على الاقل
3 ساعات في اليوم و3 ساعات بره القفص؟

3-الطير يعيش لمده طويلة وعادي ببعض الانواع تعيش بعدك فهل فكرت اذا انت بعد سنة ولا سنتين يتكون عندك الرقبه في انك بتربيه ولا بتخليه بعد مده وبتهمله

في امور بعد بس هاذي المهمه والي في راسي الحين

اذا قررت انك تقدر على تربية الطير ومستعد حق واحد قبل ماتاخذ خذلك مده اتفكر ولا تشتريه اونت مشتط
ودور على نوع الطير المناسب لك ومتطلباتك واقرا عنه وحاول اتحصل اي معلومه عنه نفس مميزات وعيوب الطير و متطلباته ولغة الجسد له وانا انصح المبتدئين بالكوكتيل ولا البادجي كلهم طيور رائعة وانا عندي كوكتيل وهو من اجمل الطيور وممكن انك اتعلمه يصفر ودايما يحب الحك على راسه

واخيرا دايما كون صبور مع الطير واهتم فيه عدل عشان ما يموت
و اذا ماعندك استعداد انك اتسوي على الاقل الي انا ذكرته ما اظن انه الببغاء مناسب لك

وشكورين انشالله تستفيدون من الموضوع واي نقاش او سوؤال يتفضل ويقولي الي في خاطره

[عبدالله النعيمي]

مشكور اخوي : MR.LUFFY

على النصايح المفيده والجميله

ويعطيك العافيه...

[Arashi]

يعطيك العافيه عالنصايح ^^
انا جربت الكوكتيل وكانت أسوأ تجربه...اضطريت أبيعه...الدره كان سهل جدا بس راعي المحل عطاني سيريلاك أطفال وماكنت ادري ان سيريلاك الطيور غير..حسبي الله ونعم الوكيل >_>
الكاسكو كانت تربيته سهله وعلى وحشيته تروض عندي في أسبوع ونص فقط...لكن صرخه وحده قتلته...شلون مادري..مع ان احد من اهلنا يتركه صوب زاويه والخدامه تأكله وتتركه..ومره عطاه كف مات بعده بكم شهر مب نفس اليوم .__.

امر الطيور غريب..لكن استخير باذن الله وامشي على نصايحك ^_^

[بلاك بيري]

نصايح ممتازه بارك الله فيك

[عبدالله النعيمي]

هههههههههههه

يمكن صار عنده حاله نفسيه وماات

[mr.luffy]

مشكورين عالمرور
مسكين الكاسكو ههه اذا تبي تاخذ كاسكو شوف شنو سبب موته وحاول انك تجد حل للمشكلة واذا ما تقدر خذلك طير مب مزعج ولا تاخذ كاسكو لين ماتجيك فرصه او تنحل المشكلة

[Arashi]

مشكلة الحاله النفسيه حلها اني اخليه في القفص وانا طالعه...عشان محد يعصب عليه لو تشيطن -__-

[abdailh]

فعلا الله يجزاك الخير لانه من ثلاث شهور اشتريت واحد ومابقي عندي اسبوعين ومات للاسف
رغم اني كنت مهتم فيه كثيرا

[الببغاء امادور]

بارك الله فيك نصائح ممتازة .

[عشقي البلوفرنتد]

الله يعطيك العافيه على الطرح المفيد والرائع