لاهنتوو فزعه يا اهل الخبره في الببغاء الهولندي

[ابوسلووومي]

السسسلام عليكم ورحمه الله وبركاتة

كيفكم ان شاء الله طيبين ....؟

انا عندي ببغااء هولندي عمره 9 اشهر حجمه كبير جامبو مشتريه قبل يومين .. دايمن يشيل الصحن اللي احط فيه الاكل ويكب اكله بالارض مدري وش الحل معه ثانيا فيه فتامينات في محلات الطيور اللي تجي على اشكال الفواكه بـ 10 ريال وش رايكم فيها تنفع له .. ثالث شي ودي اخليه يتكلم باقرب وقت اخاف يكبر وبعدين ما يتكلم وش رايكم احط له الشريط اللي يباع عند محلات الطيور واذا كنت متواجد انا اكرر عليه الكلام .. ثالث شي ودي اخليه يطلع من القفص مره طلعته ويبدا يناظر للارض كانه يبغى ينزل للارض واخاف ينزل وابلش فيه شلون ارجعه لاني مبتدى بالببغاء ولا اعرف شي عنه
علما انه ما يعض
اخر شي اذا كان عمره 9 اشهر تعدى مرحله الخطر من ناحيه قله المناعه هل هذا صحيح ؟؟


اسسف على الاطاله ...

[*هاوي البادجي*]

المشاركة الأصلية كتبت بواسطة ابوسلووومي

السسسلام عليكم ورحمه الله وبركاتة
عليكم السلام ورحمة الله وبركاته
كيفكم ان شاء الله طيبين ....؟
بخير الله يسلمك
انا عندي ببغااء هولندي عمره 9 اشهر حجمه كبير جامبو مشتريه قبل يومين

الف الف مبروك ويتربى بعزك
.. دايمن يشيل الصحن اللي احط فيه الاكل ويكب اكله بالارض مدري وش الحل معه
هو زهقان وقاعد يلعب حط له العاب خشبيه وان شاء الله بيترك عادته

ثانيا فيه فتامينات في محلات الطيور اللي تجي على اشكال الفواكه بـ 10 ريال وش رايكم فيها تنفع له

صراحتا ما اعرفها ولا عندي علم فيها لكن لو انها فيتامينات مشكله ف اكيد تنفع له
.. ثالث شي ودي اخليه يتكلم باقرب وقت اخاف يكبر وبعدين ما يتكلم وش رايكم احط له الشريط اللي يباع عند محلات الطيور واذا كنت متواجد انا اكرر عليه الكلام ..

فكره جيده بس حاول انك تعلمه بصوتك مجرد 3 مرات يوميا وان شاء الله ما ياخذ وقت واول شي ابدا

بالكلمات اللي حروفها 3 او اربع (السهلات)

ثالث شي ودي اخليه يطلع من القفص مره طلعته ويبدا يناظر للارض كانه يبغى ينزل للارض واخاف ينزل وابلش فيه شلون ارجعه لاني مبتدى بالببغاء ولا اعرف شي عنه
علما انه ما يعض

دامه صار له يومين خله اسبوع الى اسبوعين بالقفص وخله بمكان مرتفع يعني على طاوله طولها متر تقريبا وخله يشوفكم ويتعود عليكم بعدها طلعه وامسح راسه وشيله على ايدك

واذا بغيت ترده شيله ورده طبيعي جدا ولا تخاف لانه هولندي واليف

اخر شي اذا كان عمره 9 اشهر تعدى مرحله الخطر من ناحيه قله المناعه هل هذا صحيح ؟؟


صحيح لكن اهتم فيه وبعده عن اي تيار هوائي حتى لو كان خفيف ونوع له بالاكل عطه فواكه وفول سوداني الفواكه 3 مرات اسبوعيا والفول 3 مرات اسبوعيا باختلاف يوم الفواكه لان كثرتها تسبب الاسهال (اكرمكم الله)
اسسف على الاطاله ...

ماعليش يالغالي حق وواجب

اتمنى اني افدتك


*فواز*

[ابوسلووومي]

طيب عادي احطه بغرفة بدون مكيف لحمايته من الهواااء


وش الفواكه اللي يفضلها علمن اني اعطيه تفااح ويقطعها ويلفظها وانتم بكرامه

الفوال السوداني هو اللي يباع بالبقاله بنص ريال

[ابوسلووومي]

طلعته من القفص وبدا يتحكك ويدخل راسه بجنحانه ويتحكك هههههههه طبيعا كذا والا وش سالفته ؟

[back fire]

ياغالي لا تقلق الطير زهقان وحاول تطلعه برا القفص ضروري كل يوم ساعه او نص ساعه وخلك معه

اول شي تحسسه بوجودك
وثاني شئ يروح من الطفش
والشئ الثالث والاهم انه تنتبه له مايسوي شئ

أو ياكل اسلاك او اي شئ تراهم فوضويين هالافريقيات ياحليلهم ممكن يجيهم شئ لا سمح الله ..

بخصوص الكلام نصيحة نصيحة نصيحة

إذا أنت ماراح تصبر بيع طيرك

أنا عندي بيبو هولندي وعمره 9 شهور باقي مانطق بس ممكن عنده بدايات كلام بس الطير مرتاح معي

وفاهمة وفاهمني زين

لاتستعجل وانتبه تشغل مقاطع تصفير اهم شئ خله يتكلم وبعدين تعلم تشكيلات وتصفيرات صعبة

عشان ممكن تتزعجك بالتصفير لإانت بعدين تخليها لو نطق إن شاء الله أشياء ينطق بها

فالافضل بداية الكلام كل يوم تجيه وتقول

ألو - ثلاث دفعات وكل دفعة 30 او 40 مره وافضل الاوقات

الصباح قبل تروح الدوام - والظهر اول ماتجي وبعد المغرب لو قرب وقت نومه

اعطيه 3 او 4 ايام اذا مانطق تغير له كلمه مثل بابا أو هلا شئ سهل نطقه ونفس الشئ

انت لابد تلاحظ طيرك إذا حاول يبي ينطق كلمه من اللي تقولها او قريبة انت على طول لقنه وانطقها قدامه

اللي اشوفه وافضل انا النطق يكون منك أفضل من التسجيل بكثير

مثل

سبحان الله
الله وأكبر
لا إلى إلا الله

نصيحة خل اكل طيرك طبيعي ولاتعطيهم فيتامينات ممكن تعطيهم لو حبيت فواكة

جرجير وتفاح تغني عن هالفيتاميات وطيرك كبير مشاء الله ماعاد تعطيه فيتامينات لانه قرب او انتهى من مرحلة

الخطر


وسلامتك

[عشقي البلوفرنتد]

الفول السوداني تلقاه عند المطاحن

[ابوسلووومي]

الله يعطيكم العافيييه يارب ...

مششكورين وما قصرتووو ..

بس عندي اخر سوال واهو هل جو الغرفه بدون مكيف افضل له وانتم خابرين جو الرياض كيف ؟؟

والا يتعبه الحر ويلعب بريشه ؟؟؟ وش الجو المناسب له ؟؟

عندي مشكله مع الفواكة اعطية ولا ياكلها يمسكها بيده وينتفها تنتيف بمنقاره ولا اشوف يدخل فمه شي ؟؟ علمن اني اقطع التفاحة له اربع قطع ؟


وسلامتكم

[جراااح]

المشاركة الأصلية كتبت بواسطة ابوسلووومي

طيب عادي احطه بغرفة بدون مكيف لحمايته من الهواااء


وش الفواكه اللي يفضلها علمن اني اعطيه تفااح ويقطعها ويلفظها وانتم بكرامه

الفوال السوداني هو اللي يباع بالبقاله بنص ريال

هههههههههه لالالا انت ناوي تذبح طيرك عارف اللي انت تقصده الفول السوداني اللي تقصده مالح مره مايصلح الفول السوداني المقصود اللي يجيك بقشره وتجده عن محل الطيور بسسسس انتبه تعطي طيرك اي شي مالح يضرك طيرك حتى ممكن الوفاء لاسمح الله تعالى
تقبل تحياتي لك

[بلاك بيري]

لا يوجد لدي فوق كلام اخواني زود